Илјадници странски туристи ги откажуваат аранжманите и ги напуштаат хотели по крвавиот терористички напад врз хотелскиот комплекс во градот Сус, во кој загинаа 40 луѓе и уште околу 30 се ранети за кој одговорноста ја презема џихадистичката организација Исламска држава.

Туристите и странските државјани, особено од западните земји, го прекинуваат престојот и откажуваат патувањата во Тунис, и покрај сите напори на тамошните власти да ги убедат дека безбедносните мерки се подигнати на највисок ниво во целата земја. Според извори од аеродромот „Енфида“ кој се наоѓа во близина на главниот град Тунис на патот кон Сус, од петокот навечер се откажани 13 летови од Лондон, Манчестер, Амстердам, Брисел и Санкт Петербург, пренесува порталот Al Arabiya.

Истовремено, делот за аминување на аеродромот постојано се полни со туристи кои се подготвиле набрзина да се вратат во татковините и со организирани тури од странство на кои нивните влади им препорачале да го прекинат летувањето, „поради неможноста да се осигури нивната безбедност“.

Тунискиот премиер Хабиб Есид изјави дека повеќето убиени биле Британци, а британскиот премиер Дејвид Камерон изјави дека бројот на жртвите меѓу неговите сонародници може да се зголемува од досегашните потврдени пет. Белгиската влада во саботата објави дека во нападот во Сус загинеле четворица нејзини државјани, две брачни двојки. Германски туристи исто така има загинато во нападот на плажата на хотелот „Империјал Мераба“ во летувалиштето 140 километри јужно од туниската престолнина.

Британските туристичка агенции во саботата започнаа со евакуацијата на илјадници туристи од Тунис. Агенциите „Thompson“ и „First Choice“ за Reuters потврдиле дека за време во нападот во Сус, на различни одморалиште во оваа земја имало 6.400 нивни клиенти, од кои некои се ранети и убиени во нападот. Двете агенции за евакуација испратиле десет авиони и најавуваат дека од понеделник ќе ги откажат сите летни аранжмани за Тунис.

Младиот маж кој се преправал дека е турист кој оди на капење отворил оган од автоматот што го криел во чадорот за сонце. Во саботата Министерството за внатрешни работи објави дека нуркачите го пронашле мобилниот телефон во морето, за кој еден очевидец рекол дека напаѓачот го фрлил во водата непосредно пред да почне да пука врз туристите на плажата. Телефонот бил предаден на експертите кои ќе се обидат од него да извлечат можеби корисни информации.

Овој напад е најлошиот во блиското минато на Тунис, којашто по превратот од пролетта 2011 година поддржан од западните земји, е под постојана џихадистичка заканата. Претходно во март годинава, во познатиот музеј „Бардо“ во Тунис беше изведен напад во кој беа убиени 22 луѓе, од кои 21 турист. И за тој напад одговорноста ја презема Исламската држава, а заедно со петочниот тоа претставува силен удар врз виталниот за Тунис сектор на туризмот.

Тунис од туризмот остварува околу 20 отсто до вкупните приходи во странска валута. Овој сектор вработува околу половина милиони луѓе, а уште повеќе од милиони Тунижани се на некој начин поврзани со туризмот. Вадата стравува дека нападот во Сус ќе претставува и фатален удар врз националната економија. Туристичкиот сектор и онака беше силно погоден по мартовскиот напад во музејот, кој „скуси“ 27 отсто од приходите во споредба со истиот период минатата година, а по петочниот напад се предвидува целосен крах на годинешната туристичка сезона./крај/мф/сн

Извор: Макфакс