Странскиот државјанин кој беше уапсен во саботата утрото под сомнение за вмешаност во експлозијата од 17-август во која загина 21 лице, одбива да сведочи, соопшти во неделата портпаролот на тајландската полиција Правут Таворнсири.

„Тој одбива да одговара на прашањата. Поконкретно, не сака да го каже своето име и националноста“, изјави Правут Таворнсири. Полицијата се сомнева дека уапсениот учествувал во доставувањето на експлозивната направа на местото на експлозијата во тајландската престолнина Бангкок, туку ја предал директно на друго лице коешто ја поставило.

Лицето коешто беше приведено во саботата, по пребарувањето на неговиот дом, не е осомничениот кој е регистриран на снимките од надзорните камери на местото на нападот, кои претходно ги објави телевизијата, изјави во саботата вечерта Таворнсири.

„Тој е странец, но веројатно не е поврзан со меѓународниот тероризам. Имал личен мотив, која е поврзан со пријатели и членови на семејството“, изјави со саботата началникот на тајландската полиција Сомијот Пумпанмуанг без да даде други поединости.

Осомничен за вмешаност во експлозијата во тајландската престолнина, беше уапсен во саботата утрото во неговиот стан во северниот дел на Бангкок, Во текот на претресот полицијата пронашла во станот материјали кои може да се искористат за изработка на експлозивни направи.

Помошникот на директорот на полицијата Чактип Чаиџинда изјави дека е „убеден дека осомничениот бил вмешан во нападот“ од 17-ти август. Меѓу предметите запленети во неговиот стан, била и кошула на која се откриен траги од ТНТ, експлозивот користен во нападот. Според локалните медиуми, во зградата во којашто живеел уапсениот во јуни биле изнајмени пет станови, в кои живеела група странци, се претпоставува дека се од Турција.

Подоцна во саботата попладнето тајландските власти соопштија дека уапсениот е турски државјанин, но без да го откриваат неговиот идентитет. Сепак, локалните медиуми објавија турска патна исправа која гласи на 28-годишниот Адем Карадаг од Истанбул, наводно најдена кај приведениот, како и уште неколку турски фалсификувани пасоши. Таворнсири на прес-конференцијата во саботата навечер не ги коментираше воопшто овие информации.

Како што пишува во неделата весникот The Bangkok Post, за време на истрагата полицијата открила таен магацин со експлозивни материјали во една повеќекатница во Бангкок. Во станот изнајмен на име на жител на Тајланд, биле пронајдени супстанции и предмети неопходни за подготовка на експлозивни направи. Тие се испратени на вештачење, а полицијата се обидува да открие стан или објект во кој се среќавале луѓето кои го планирале нападот.

Експлозијата се случи на 17-ти август вечерта во центарот на Бангкок, и во неа загинаа 21 човек, а 123 беа повредени, од кои неколку сé уште се во критична состојба. Импровизираната бомба на далечинско управување во чиешто подготвување бил користен тринитротолуол, била поставена на оградата на хиндуистичкото светилиште на божеството Ераван (триглав свет слон) во периодот кога храмот бил особено посетен, меѓу кои најбројно се туристи од Кина, кои се и најбројни меѓу жртвите, како и од Сингапур и Тајван.

Според една од верзиите за нападот, која почива на информациите за турското потекло на уапсениот, е дека станува збор за припадници на турската ултранационалистичка организација „Сиви волци“, смета британскиот аналитичар Ентони Дејвис, од специјализиран ресурс за воената сфера.

Според неговите информации, „Сивите волци“ стојат зад неодамнешниот напад врз конзулатот на Тајланд во Истанбул. Имено во јули годинава Тајланд по една година депортираше во Кина 97 припадници на муслиманската туркофона заедница Ујгури, кои го обвинуваат Пекинг за репресија, кој пак ги обвинува за серија крвави терористички напади, сепаратизам и поврзаност со екстремни исламистички организации. Еден месец претходно тајландските власти во Турција депортираа 173 Ујгури, кои биле турски државјани. Вендаш по ова следуваше нападот врз конзулатот во Истанбул.

Ујгурските активисти за човекови права ги обвинија тајландските власт за „насилно раздвојување на ујгурските семејства“, но премиерот Прајут Чан-Оча одговори сека депортациите биле „целосно легални“./крај/мф/сн

Извор: Макфакс