Вести
Убиството на полицајците во Њујорк, можна одмазда за Гарнер

Напаѓачот кој во саботата попладне по локално време во заседа уби двајца полицајци во Њујорк во нивното патролно возило и потоа извршил самоубиство, можеби бил мотивиран од одмазда поради неодамнешното полициско убиство на црнец, пренесуваат американските медиуми повикувајќи се на социјалните мрежи.
Доколку се покаже дека двократното убиство на полицајците е поврзано со смртта на Ерик Гарнер при апсење, тоа би можело да дополнително да ги разгори расните тензии кои од летово предизвикаа масовни протести ширум САД.
Ваквите сомневања се темелат на постови на социјалните мрежи, но и на изјава на неименуван извор во полицијата на Њујорк, кој за весникот The New York Post изјавил дека „тоа е одмазда“.
Според весникот, три часа пред убиството, осомничениот за убиството, кој инаку е афроамериканец, на социјалната мрежа Instagram поставил фотографија на пиштол и под неа пораката „Тие убија еден од нас…. Да убиеме двајца од нив… Можно е ова да е мојот последен пост“.
Помасовните протести во Њујорк започнаа откако големата судска порота донесе одлука да не покренува судски процес против 29-годишниот бел полицаец Даниел Пантелео, кој за време на апсењето на 43-годишниот Ериг Гарнер, астматичар и татко на шест деца кој продавал шверцувани цигари, употребил забранет за зафат што било причина за смртта на црнокожиот маж.
Полицајците во њујоршкиот кварт Бруклин се убиени во саботата додека седеле во полициското патролно возило, потврди на началникот на полицијата Вилијам Братон на прес-конференцијата на која присуствуваше и њујоршкиот градоначалник Били де Блазио.
Убиецот е идентификуван како 28-годишниот Исмаил Бринсли кој на полициското возило му пришол од совозачката страна додека во него седеле двајцата полицајци и отворил оган од полуавтоматски пиштол. Потоа побегнал во најблиската станица на њујоршката подземна железница каде што си пукал во главата, потврди Братон.
Убиените полицајци се 40-годишниот Рафаел Рамос и 32-годишниот Венџиан Лиу. Лиу бил во брак два месеца, додека Рамос е татко на 13-годишно момче, додаде нивниот началник.
„Иако се’ уште ги истражуваме сите околности, нема сомневање дека станува збор за убиство, за класична егзекуција“, изјави Братон. Американскиот претседател Барак Обама го осуди убиството на полицајците велејќи дека тие „заслужуваат“почитување и восхит секој ден“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Вести
“Во основа е пекол на земјата”: Градот Газа оставен тотално без здравствената заштита

Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа

Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа

Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.