Фондацијата на Обединетите нации за децата (УНИЦЕФ) ставува дека стотици деца се грабнати кон средината на февруари во Јужен Судан и првпат за овие случаи на грабнувања ја обвини провладината милиција, се наведува во соопштението од неделата.

Минатата седмица УНИЦЕФ објави дека се грабнати 89 адолесценти во градот Вау Шилук во сојузната држава Горен Нил каде што се наоѓаат суданските нафтоносни полиња, но уште тогаш предупреди дека бројот на грабнатите би можел да биде многу поголем. УНИЦЕФ „сега верува дека се грабнати стотици деца“, се наведува во соопштението кое го пренесува AFP.

Јужен Судан од крајот на 2014 година се наоѓа во граѓанска војна во којашто провладините сили на претседателот Салва Киир се борат со бунтовничките сили кои ги води поранешниот потпретседател Реик Мачар. Од почетокот на војната двете страни беа обвинети за регрутирање на деца борци.

Нападите во коишто, според процените на агенцијата на ОН, се грабнати стотици деца се случиле на 14-ти и 16-ти февраури, а јужносуданската влада за ова грабнување га обвини нигериската исламистичка група Боко Харам, која такви акции изведе во Нигерија. По истрагата, во УНИЦЕФ заклучиле дека грабнувањето го организирала милицијата на воениот челник Џонсон Олони којашто го контролираа тоа подрачје. ОН веќе го обвинуваа Олони за присилно регрутирање на деца во неговите сили.

Од почетокот на граѓанската војна, според процените на светската организација, околу 12.000 деца, главно момчиња, присилно се регрутирани како борци, и оти тоа го правеле и бунтовниците и јужносудснката војска.

Насилството во Јужен Судан изби на 16-ти декември во престолнината Џуба откако претседателот Киир го обвини потпретседателот Мачар за обид за воен удар и брзо се рашири поделувајќи ја државата по припадност на племињата Динка и Нуер. Западните сили и источноафриканските држави во желбата да го спречат хаосот во оваа нестабилна област настојуваат да посредуваат меѓу Киир, кој е припадник на племето Динка, и водачот на бунтовниците Мачар кој е припадник на племето Нуера.

Судирите на ривалските заедници и етнички групи се чести во Јужен Судан, во земјата во кое огромен дел од населението е вооружено. Еден од ваквите најкрвави напади се одигра кон крајот на 2011 година кога повеќе од 600 луѓе беа масакрирани во државата Џонлгаи, по нападот во кој учествуваа околу 6.000 млади припадници на народот Лоу Нуер против народот Мурла.

Во оваа сиромашна земја со површина од 620.000 квадратни километри и околу 11,5 милиони жители од средината на ланскиот декември се води граѓанска војна меѓу приврзаниците на претседателот Салва Киир и неговиот противник кој на крајот од 2013 година беше сменет од функцијата заменик претседател Реик Мачар. Во оваа војна досега се убиени повеќе десетици илјади луѓе а близу милиони се раселени.

И покрај многубројните потпишани прекини на огнот, сé уште во Јужен Судан не е постигнат мир, а Африканската унија којашто се јавува како посредник во судирот на двете страни им даде рок до 5-ти март да ги сопрат конфронтациите. На Јужен Судан му се закануваат и меѓународни санкции, но на тоа се противи Кина, постојана членка на Советот за безбедност на ОН, која е значително присутна во оваа земја и вложува во јужносуданскиот нафтен сектор./крај/мф/сн

Извор: Макфакс