Утврден е идентитетот на убиецот на американските новинари Џејмс Фоли и Стивен Сотлоф, за чии погубувања со отсекување на главите одговорноста ја преземаа џихадистите од Исламската држава, изјави Директорот на американското Федерално биро за истраги (FBI), Џејмс Коми.

„Го утврдивме неговиот идентитет“, изјави директорот на американската сојузна полиција одговарајќи на новинарско прашање во идентитетот на убиецот кој говори на видео снимката со изразен британски акцент а чие лице беше прекриено со маска, пренесе AFP.Коми не сакал да го открие името ниту националноста на убиецот на американските новинари Џејмс Фоли грабната во пролетта 2012-та и Стивен Сотлоф грабнат во август 2013 година беа грабнати од исламистите во близина на сириско-турската граница. Терористичката групација Исламска држава ја презема одговорноста за обезглавувањето на Фоли на 19-ти август и неговиот сонародник Сотлоф на 3-ти септември.Британскиот амбасадор во Вашингтон изјави кон крајот на август дека идентификацијата ана убиецот на американскиот новинар е при крај. Лондонскиот магазин The Times кон крајот на август пишуваше дека експертите на британското разузнавање од агенциите MI5 и MI6 го идентификувале припадникот на џихадистичкото движење Исламска држава кој во Ирак пред видео камера му ја отсече главата на американскиот новинар Џејмс Фоли. Во видео поставено на интернет припадник на Исламската држава кој се претстави како „Џон“, и според лингвистите заканите за САД ги упати на англиски јазик со акцент типичен за јужна Англија, му ја отсече главата на американскиот новинар Џејмс Фоли кој снимаше видео материјали за агенцијата AFP од конфликтот во Сирија. Истотот на видоеснимката до погуибувањето на Стивен Сотлоф постојано му се закануваше на американскиот претседател Барак Обама доколку ги продолжи нападите врз џихадистите во Ирак.Британските медиуми пишуваа дека кругот осомничени е сведен на три лица за кои се знае дека го напуштиле Лондон и им се придружиле на радикалните сунитски исламисти познати како „The Beatles“, а The Times објави дека споменатите британски разузнавачки служби и Скотланд јард, помогнати со поголем тим од американското Федерално биро за истраги (FBI) кој допатува во Лондон, како „клучен осомничен“ за свирепото убиство го означиле Абдел-Маџед Абдел Бари.Овој 23-годишник, кој порано бил познат рап изведувач под името Џин Матик, чија музика често била емитувана на британското BBC Radio 1, пред една година живеел во луксузна вила во западен Лондон чија вредност е проценета на милион фунти. Изјавувајќи дека „остава сѐ поради Алах“ тој меѓу радикалите е познат како „Џихади Џон“, а лицето кое го обезглавува новинарот Фоли на снимката исто така се претставува како „Џон“. Абдел Бари, инаку, претходно повеќепати на Twitter објавувал за своите „воени подвизи“, а неодамна на микроблогот објавил и и своја фотографија на којашто во рацете држи отсечена глава на сириски војник.„Се враќам Обама, се враќам поради твојата дрска надворешна политика кон Исламската држава“, изјави маскираниот маж на видеоснимката од погубувањето на Сотлоф, по што се закани со егзекуција на уште еден заложник, Бртианецот Дејвидт Коуторн Хејнс, хуманитарен активист. Тој на ист начин беше свирепо убиен според видеоснимката објавена на 13-ти септември./крај/мф/сн

Извор: Макфакс