Најмалку четиринаесет лица, од кои четворица се талибански бунтовници, се убиени во одвоените напади во Авганистан, соопштија тамошните власти во неделата, ден пред одржувањето на церемонијата на положувањето на свечената обврска на новиот претседател.

Авганистански полицаец кој соработувал со талибаните убил пет свои колеги на контролен пункт во западната покраина Фарах, соопшти полицијата. Инцидентот се случил ноќта кон неделата во округот Пошт Род, а напаѓачот успеал да побегне во село коешто е под контрола на талибаните, се додава во полицискиот извештај.Во источната покраина Вардак, пет полицајци ги загубиле животите во експлозија на импровизирана експлозивна направа поставен крај пат. Атула Хофиани, портпарол на гувернерот на покраината, изјавил дека полициското возило налетало на бомбата ноќта кон неделата во округот Џаирез.Во меѓувреме, полицијата убила четворица талибански борци кога овие нападнале полициски контролен пункт во округот Кешма, во североисточен Авганистан, соопштил портпаролот на тамошната полиција, Лал Мохамед Ахмаџај.Покрај тоа, еден војник е ранет во неделата кога експлодирала магнетна бомба поставена на воено возило во инаку добро обезбедуваниот дипломатски кварт во авганистанската престолнина Кабул.Во Кабул се преземени вонредни силни безбедносни мерки пред инаугурацијата на новиот претседател Ашраф Гани, кој треба да ја води владата на национално единство откако во понеделник официјално ќе ја презема должноста од долгогодишниот шеф на државата Хамид Карзаи.Тоа ќе биде првото мирно примопредавање на власта меѓу два избрани претседатела во историјата на Авганистан. Економистот и поранешен министер за финансии Ашраф Гани го презема водството на земјата во моментот кога таа е растргана од насилствата и покрај 13-годишното присуство на меѓународната коалиција предводена од НАТО и САД што не успеа да го задуши талибанскиот бунт откако талибанскиот режим беше соборен со странската воена интервенција во 2011 година. Шеесет ипетгодишниот Гани, кој исто така е поранешен функционер на Светската банка, ја презема функцијата од Карзаи кој на чело на Авганистан беше од 2001 година, по три месеца политичка криза околу изборните резултати.На свеченоста на полагањето на свечената обврска поканети се 1.500 високи политички личности меѓу кои околу двесте странски државници. Се очекува и доаѓањето на индискиот потпретседател Мохамад Хамид Ансари и на кинеска висока министерска делегација, на свеченоста којашто треба да започне во 10 часот по локално време, или 7.30 по средневропско, и ќе трае три часа. Според протоколот, Гани ќе ја изговори заклетвата положувајќи ја раката на светата муслиманска книга Куранот, обврзувајќи се дека чесно ќе им служи на татковината и на народот.По преземањето на должноста, Кани ќе го претстави поранешниот противкандидат на претседателските избори Абдула Абдула, поранешен шеф на дипломатијата, кого го именуваше за „главен извршен функционер“ задолжен за именувањата во некои од ресорите, новосоздадена позицијата слична на премиерската, со која беше постигнат договорот за изборот на претседател по неколкумесечните непризнавања на изборните резултати./крај/мф/сн

Извор: DPA