Нови 50 американски специјалци пристигнале во Багдад под команда на генерал, соопшти во четвртокот навечер Пентагон, а станува збор за јакнење на советничката мисија којашто на ирачката власта треба да ѝ помогне во борбата против офанзивата на радикалните сунитски групи, а истовремено специјалните сили на ирачката армија со хеликоптерски десант ја вратија контролата врз универзитетскиот кампус во Тикрит кој беше заземен од џихадистите.

Десетици војници ја заземала зградата на универзитетот во Тикрит по борбата со бунтовниците, изјавил за AFP, Ахмед Абдулах ал-Џуобури, гувернер на покраината Салахедин, чиишто област се наоѓаат под контрола на џихадистичката група Исламска држава во Ирак и на Левантот (ISIL).Според офицер на ирачката армија, операцијата на специјалните сили на ирачката армија треба да овозможи повторно заземање на целиот Тикрит, поранешниот бастион на соборениот и ликвидиран сунитски диктатор Садам Хусеин во северниот дел од земјата. Универзитетот се наоѓа на патот за Баиџа, каде што се наоѓа најголемата рафинерија за нафта во Ирак и кон воената база во северниот дел од градот, којашто исто така е заземена од исламистите. Сунитските бунтовници на 9-ти јуни ја започнаа офанзивата во Ирак, преземајќи ја контролата врз големи делови од територијата во пет покраини северно и западно од главниот град Багдад, при што загинаа повеќе од илјада а раселени се стотици илјади луѓе, според процените на Обединетите нации.Во првите денови од офанзивата ирачките сили пружаа слаб отпор, а голем број полицајци и војници ги напуштија своите позиции. По овој распад ирачките сили се обидоа да се консолидираат, благодарејќи на големиот прилив доброволци од шиитското мнозинство, заземајќи неколку градови, но тешко успеваат да го запрат напредувањето на бунтовниците и не успеваат да ја повратат територијата. Се очекува во ваквите настојувања да помогнат вкупно 300 американски воени експерти кои ќе бидат распоредени во два планирани заеднички оперативни центри во Ирак за кои Пентагон соопшти дека треба да бидат активирани што е моќно поскоро за да се унапреди можноста за набљудување на американските тимови и собирање информации за состојбата на теренот, вклучително и информации за ирачките безбедносни сили.„Тие секако е дејствуваа како центар на фузијата во кој ќе се слеваат информации од различните тимови и потоа ќе ги анализираат“, изјави портпаролот на Пентагон, полковникот Стив Варен, пренесува ReutersИрачката армија која брои милиони луѓе е обуена и подготвена од силите на САД. Со доаѓањето на 50-те нови Американци, за кои Пентагон соопшти дека пристигнале во средата навечер, на теренот се вкупно 180 од 300-те војници кои претседателот Бара кобам ги испрати во Ирак, Се очекува дека за прелиминарна процена на ситуацијата ќе им бидат потребни две до три седмици.Истовремено, во северниот дел од земјата претседателот на автономната покраина Ирачки Курдистан, Масуд Барзани изјави дека курдските сили ќе сторат сѐ за да го одбранат градот Киркук, мултиконфесионален центар во чија близина се богати нафтоносни полиња, кои го заземаа поради заканата од џихадистите.„Доколку е потребно, е ги донесеме сите наши сили да го сочуваме Киркук“, изјави во четвртокот Барсани на собир во овој град кој го посери првпат откако на 12-ти јуни го заземаа курдските сили. Околу овој град, кој остана единствен надвор од курдската покраина, инаку се спорат автономната покраина Курдистан и централната влада во Багдад. Ова е првпат курдските сили да го контролираат целиот Киркук, каде што за безбедноста се грижат милиции составени од Арапи, Курди и Туркмени./крај/мф/сн

Извор: AFP/Reuters