– Али Ахсан Мохамед Муџахуд, погубениот генерален секретар на Џамат-е-Ислами

Бангладеш во саботата погуби двајца опозициски челници осудени на смрт поради злосторствата во текот на војната за независност од Пакистан во 1971 година, по што се очекуваат изливи на гнев на нивните приврзаници.

Бангладеш во саботата погуби двајца опозициски челници осудени на смрт поради злосторствата во текот на војната за независност од Пакистан во 1971 година, по што се очекуваат изливи на гнев на нивните приврзаници.

Исламистичкиот опозицски челници Али Ахсан Мохамед Муџахуд и Салаудин Квадер Чудури, поранешен пратеник на Националистичката партија на поранешниот премиерка Каледа Зија, се обесени набрзо откако претседателот Абдул Хамид ги одби нивните молби за помилување.Муџахид, генералниот секретар на партијата Џамат-е-Ислами е прогласен за виновен по обвиненијата во кои се вклучени мачења и убиства на интелектуалци и припадници на хиндуската заедница, додека командувал со Ал Бадра, паравоени единици кои дејствуваа заедно со пакистанската војска во војната за осамостојување од Пакистан. Чудури, пак, беше пратеник на бангладешката националистичката партија на поранешната премиерка Каледа Зија, а во 2013 година беше осуден за геноцид, верско прогонување, киднапирања и измачување во текот на војната.Војната од 1971 година заврши со создавање на државата Бангладеш, а станува збор за покраина која од 1947 година беше во состав на Пакистан, и се нарекуваше Источен Бенгал а подоцна и Источен Пакистан.Премиерката Шеика Хасина Вазед го воспостави судот во 2010, откако првиот обид за судење на осомничените за убиства беше прекинат во 1975 година кога беше убиен Шеик Маџибух Рахман, втемелувач на државата Бангладеш и татко на сегашната премиерка.Специјалниот суд досега подигна обвинение против 18 лица, главно од партијата Џамат-е-Ислами, по разни точки а смртни казни се изречени за 11 од нив. Партијата Џамат-е-Ислими се противеше на независноста во текот на конфликтот, а споменатите процеси ги отфрла како политички мотивирани.Во текот на интервенцијата на Индија кон крајот на судирите во 1971 година, којашто го најави брзиот пораз на пропакистанските сили, милициите кои беа наклонети кон Исламабад масакрираа десетици познати професори, режисери, уметници, лекари и новинари. Владата во 2010 година го формираше судот ICT и истакна дека тие процеси се неопходни за да се затворат сé уште отворените рани од војната за независност. Меѓутоа, исламистичката партија Џамат-е-Ислам ја обвинува владата дека го основала овој од политички мотиви, бидејќи најмногу им се суди на претставници на опозицијата. Организацијата Human Rights Watch ги критикуваше процедурите со кои не се почитуваат меѓународните норми.На почетокот од август 2013 година судовите ја забранија исламистичката партија Џамат-е-Ислам, одлука која беше донесена пред одржување на изборите закажани за јануари 2014 година. Џамат, инаку, ретко добива повеќе од 5 отсто гласови на изборите по 1970 година, но учествуваше во неколку коалициски влади.Последните неколкуте години политичката и безбедносната ситуација во Бангладеш е влошена во врска судењата на лидерите на најголемата исламска партија во земјата Џамат-е-Ислами кои се обвинети за воени злосторства за време на војната за независност на Бангладеш од Пакистан во 1971 година. Според податоците на владата, во војната од 1971 година загинале 3 милиони луѓе, додека независните организации проценуваат дека станува збор за меѓу 300 и 500 илјади жртви. Околу 90 отсто од 153-те милиони жители на Бангладеш се муслимани. Будистите претставуваат помалку од еден отсто од населението и живеат повеќето во југоисточните окрузи, во близина на границата со мнозинскиот будистички Мианмар.На судење чекаат уште десетна членови на партијата Џамат, и затоа на Бангладеш, претежно муслиманска земја, му се закануваат нови бранови насилство.Бангладеш станал дел од Пакистан кога е укината британската колонијална управа во 1947 година. Тогаш се нарекувал Источен Пакистан, меѓутоа со помош на Индија во деветмесечната војна против Западен Пакистан, се избори за независност./крај/мф/сн

Извор: Reuters