Терористичката џихадистичка организација Исламска држава ќе одговори на нападите на меѓународната коалиција предводена од САД во кои во вторникот беа убиени 50 нејзини припадници, соопшти нејзиниот претставник, додека НАТО соопшти дека не учествува во овие напади, Дамаск соопшти дека ќе соработува во борбата против тероризмот, Лондон дека сé уште не учествува во ударите против IS, a Русија повтори дека за овие напади мора да има согласност од власта на Сирија.
 

Терористичката џихадистичка организација Исламска држава ќе одговори на нападите на меѓународната коалиција предводена од САД во кои во вторникот беа убиени 50 нејзини припадници, соопшти нејзиниот претставник, додека НАТО соопшти дека не учествува во овие напади, Дамаск соопшти дека ќе соработува во борбата против тероризмот, Лондон дека сé уште не учествува во ударите против IS, a Русија повтори дека за овие напади мора да има согласност од власта на Сирија.

„На тие напади ќе одговориме. Синовите на Салул се виновни за тоа. Сé се случи поради нив“, изјави претставник на Исламската држава за Reuters користејќи го терминот кој се употребува за да се означи кралското семејство коешто владее со Саудиска Арабија.

Според последните податоци од активистите на теренот на опозициската Сириска опсерваторија за човекови права (SOHR) со седиште во Лондон, во воздушните напади на коалицијата врз позициите на џихадистите во северната сириска покраина Рака биле убиени 50 луѓе. Според овие информации, повеќето од жртвите се во северната област на Идлиб и се странски борци.

Претходно беше јавено дека се убиени 30 борци на Исламската држава и осум цивили, од кои една жена и три деца, во првите напади на меѓународната коалиција предводена од САД во Сирија со што се проширува операцијата против џихадистите во соседен Ирак на 8-ми септември.

Во вторникот НАТО соопшти дека не учествува во воздушните удари на САД и неколкуте сунитски арапски земји врз Исламската држава во Сирија, додека Велика Британија сé уште не одлучи дали ќе се приклучи.

„НАТО не е вклучен“, одговорил функционер на Северноатлантската алијанса на прашање на Reuters.

Портпаролот на министерството за одбрана на Велика Британија, изјави дела за ова прашање сé уште траат разговори во Лондон. Кабинетот на премиерот Дејвид Камерон соопшти дека Британија во моментов не учествува во акциите против сунитските милитанти кои заземаа големи области од Ирак и Сирија.

Како што е објавено во вторникот, цели на дваесетината воздушни и ракетни напади биле разни цели на Исламската држава, вклучително и кампови за обука, командни места и складишта за оружје и муниција во северните и источните сириски области. Во меѓувреме Сирија соопшти дека ќе соработува со сите од меѓународната заедница во борбата против тероризмот и дека нема да престане да се бори против Исламската држава на својата територија, откако коалицијата предводена од САД првпат ги изврши воздушните напади, но откако претходно го извести официјален Дамаск.

Сириското министерство за надворешни работи го примило писмото од американскиот државен секретар Џон Кери непосредно пред нападот со кое е известено дека САД и нејзините сојузници планираат да ја нападната Исламската држава во Сирија, пренесе државната новинска агенција SANA. „Тоа писмо го примивме часови пред почетокот на нападите“, се наведува во цитираното соопштение на сириската дипломатија.

Официјален Дамаск, притоа, објави дека споменатиот допис известување од американскиот државен секретар Кери го добил преки Ирак, како и дека сириската влада на претседателот Башар ал-Асад ќе продолжи да соработува со владата во Багдад на „највисоки нивоа“.

Сириската влада најави и дека ќе продолжи со своите копнени и воздушни напади врз Исламската држава кај Рака и Деир ал-Зор во источниот и во северниот дел од земјата, областите кои ноќта кон вторникот ги гаѓаше и американската авијација.

Рускиот претседател Владимир Путин пред почетокот на американските напади врз џихадистите во Сирија во вторникот инсистираше дека таквата акција мора да биде одобрена од Дамаск, бидејќи во спротивно тие дополнително ќе ја влошат и разгорат тензијата во земјата.

„Секоја таква операција мора да се спроведе со меѓународните закони. Тоа значи дека не е доволно формално, еднострано известување за воздушните напади, туку изрична одобрување на сириската влада или соодветна одлука на Советот за безбедност на ОН“, се истакнува во соопштението на рускиот претседател, што го цитира РИА Новости.

„Обидот за остварување на сопствените геополитички цели преку кршење на суверенитетот на земјите во регионите може само да ги влоши тензиите и дополнително да ја дестабилизира ситуацијата“, додава Путин./крај/мф/сн

Извор: Макфакс