Разобличувачкиот интернет ресурс WikiLeaks објави инструкции за агентите на американската Централна разузнавачка агенција (CIA), со помош на кои можеле да ги избегнат безбедносните системи на аеродромите во целиот свет, вклучително и оние во земјите на Европската унија, а притоа се користат лажни пасоши.
 

Разобличувачкиот интернет ресурс WikiLeaks објави инструкции за агентите на американската Централна разузнавачка агенција (CIA), со помош на кои можеле да ги избегнат безбедносните системи на аеродромите во целиот свет, вклучително и оние во земјите на Европската унија, а притоа се користат лажни пасоши.

Според инструкциите издадени во 2011 и 2012 година, агентот не смее да изгледа неуредно кога поседува дипломатски пасош и не смее да плаќа во готовина. Документите имаат ознака на тајност а ја носат и ознаката „NOFORN“ што значи дека не смеат да се споделуваат со тајните служби на сојузничките земји.

Првата инструкција, којашто е датирана од 21-ви септември 2011 година, го дава примерот во ситуација кога е повторно прегледуван багажот на агент на CIA на еден аеродром во земја на ЕУ. Во неговиот багаж се пронајдени експлозивни средства, офицерот од своја страна раскажувајќи ја својата „приказна покритие“ објаснува дека тој учествувал во антитерористичка операција во Вашингтон. Притоа во коментарот WikiLeaks го поставува прашањето дали, бидејќи приказната за операцијата служела само за покритие, тоа значи дека агентот всушност навистина пренесувал експлозив во ЕУ.

Неопходно е да се држи до уверлива приказна, се наведува во упатството. „Агентите на безбедност во една прилика на европски аеродром избрале агент на CIA за да спроведат темелна контрола. Неговиот доста неуреден изглед бил во спротивност со дипломатски пасош кој го поседувал а тоа резултираше со подетална контрола од вообичаената. Проверени се неговите патни торби и се покажало дека се позитивни на експлозив, односно дека содржат траги од експлозив. Агентот убедливо повторувал дека се занимава со антитероризам и можеше да го продолжи патувањето“, се наведува во документот.

„За преживување е исклучително важна убедлива и издржана приказна која овозможува избегнување детални истраги и испитувања“, им советува CIA на своите агенти.

Еден од документите покажува и дека CIA е загрижена и поради воведувањето во Европа на биометриската контрола за лица кои поседуваат американски пасош, што претставува пречка за агентите кога патуваат со фалсификувани пасоши.

Инструкцијата „Општи информации за Шенген“ од јануари 2012 година дава податоци за царинските постапки во Шенгенската зона за безбедноста, кои претставуваат опасност за агент, кој користи лажни документи. Во моментов во Шенгенската зона не се користат биометриски проверки на лицата коишто патуваат со пасош на САД, но сепак, според CIA, воведувањето на таков систем „ќе ја зголеми опасноста (од разоткривање) на личноста“. Според извештајот, таков систем може да биде воведен во 2015 година, како дел од системот EES. Во моментов, загриженоста на CIA ја предизвикува системот VIS, во кој е содржана базата со податоци за отпечатоци од палци. Сето тоа може да ја попречи работата на агентите и нивната пенетрација во земјите на Шенгенската зона, каде преминувањето на граница меѓу две земји не е потребно да се мине царинска контрола.

Се наведуваат низа совети за премин на границите и избегнување на деталните контроли на аеродромите и на граничните премини. Некои се логични, како на пример советот за тоа дека ден пред патувањето со авион еднонасочниот билет да не се плаќа во готовина.

Станува збор за втора серија документи на CIA којашто ја објавува WikiLeaks.

„CIA вршеше киднапирање на луѓе од земјите во ЕУ, меѓу кои од Италија и од Шведска, во времето на администрацијата на (поранешниот американски претседател Џорџ В.) Буш помладиот. Тие инструкции сведочат дек и во време на администрацијата на (актуелниот претседател Барак) Обама, CIA намерно имаат намера да ги минуваат границите на ЕУ и да продолжат со тајни операци во земјите членки на ЕУ“, пишува основачот на ресурсот, Џулијан Асанж.

Австралиецот Џулијан Асанж, веќе две години престојува во амбасадата на Еквадор во Лондон, за да го избегне израчувањето на Шведска каде се бара поради наводно случаи на силување и сексуално злоставување. Асанж стравува дека Шведска веднаш ќе го предаде на САД каде што ќе му биде судено како на лице одговорно за најголемото протекување во јавноста на 500 илјади тајни документи за војните во Авганистан и во Ирак, како и на 250 илјади тајни преписки на американската дипломатија. Исто така, Австралиецот стравува дека може да биде обвинет за шпионажа./крај/мф/сн

Извор: Макфакс