Педесет истакната републикански поранешни и сегашни функционери на национална безбедност, меѓу кои и поранешен директор на Централната разузнавачка агенција (CIA), во понеделникот оценија дека претседателскиот кандидат Донапд Трамп е неквалификуван да ја води земјата, би ја загрозил националната безбедност и би бил „најлесноумниот претседател во американската историја“.

Оваа изјава зад која се потпишани споменатите педесет функционери на Републиканската партија во врска со кандидатурата на Доналд Трамп е забележливо остра во интонацијата, забележуваат американските медиуми.

„На Трамп му недостигаат карактерни особини, вредности и искуства за да биде претседател. Тој го слабее моралниот авторите на САД во водството на слободниот свет. Му недостигаат на основа на знаење и доверба во американскиот Устав, американските закони и институции, вклучително и верската толеранција, слободните медиуми и независноста на правосудството“, се наведува во изјавата.

„Ниеден од нас нема да гласа за Трамп“, се истакнува во изјавата во којашто назначуваат дека некои потписници имаат дилеми во врска со тоа има и дилеми и околу кандидатката на Демократската партија, Хилари Клинтон.

„Што се однесува на политиката Доналд Трамп не е квалификуван да биде претседател и врховен командант. Навистина, убедени сме дека бил опасен претседател дека би загрозил националната безбедноста и доброто на земјата“, се наведува во изјавата која прво беше објавена во The New York Times.

Некои од потписниците беа ангажирани во мандатите на повеќе републикански претседатели, на пример директорот на CIA и на NSA, Мајкл Хајден, кој исто така ја водеше и главната национална безбедносна агенција, поранешниот секретар за државна безбедност, Мајкл Чертофф, како и поранешниот директор на разузнавачката служба Џон Негропонте, поранешниот државен секретар и директор на Светската банка, Роберт Зелик… Потпишувањето на оваа изјава, пак, го организирал Филип Зеликов, кој беше висок советник на поранешната државна секретарка Кондолиза Рајс.

Меѓу другите потписници се и поранешни високи функционери на Стејт департментот, Пентагон и Националниот безбедносен совет коишто ја планирале и воделе инвазијата врз Ирак во 2003 година.

Инаку Трамп жестоко ја критикуваше воената операција на во Ирак, и покрај тоа што в 2002 година како гостин во радио емисијата на Едвард Стејн на прашањето дали е наклонет на нападот кон Ирак, тој одговори дека смета дека е, потсетува Reuters.

Трамп на оваа писмена изјава возврати со тврдењето дека таа е потпишана од „неуспешната вашингтонска елита“, којашто „треба да се срами од тоа што го направила светот поопасно место“.

„Сите тие, а меѓу нив и Хилари Клинтон, донесувале катастрофални одлуки да се нападне Ирак, дозволија Американците да умираат во Бенгази и токму тие го дозволија подемот на Исламската држава“, изјави Трамп.

Во споменатата изјава не се наведуваат поединечните коментари на Трамп, но таа е очигледен одговор на низата забелешки во коишто тој ја доведува неопходноста од постоењето на НАТО, наводно изразува восхитување од рускиот претседател Владимир Путин, повикува на привремена забрана за доселување на муслимани…

Во понеделникот на групата републиканци кои изјавија дека нема да гласаат за Доналд Трмп, се приклучи и сенаторката од сојузната држава Мејн, Сузан Колинс.

„Тоа не е одлука којашто лесно ја донесов, бидејќи цел живот сум републиканка. Но Доналд Трамп не го одразува традиционалните републикански вредности, ниту сеопфатниот пристап на владеењето кој е клучен за превладувањето на поделбите во нашата земја“, напиша Колинс во The Washington Post./крај/мф/сн

Извор: Макфакс