Републиканскиот претседателски кандидат Доналд Трамп продолжува да ги предизвикува критиките од демократскиот табор откако во средата изјави дека рускиот претседател Владимир Путин е подобар водач отколку американскиот претседател Барак Обама, користејќи го телевизискиот форум за да се прикаже себеси како поспособен за потврдување на американското глобално водство.

Кандидатот за американските претседателски избори на 8-ми ноември од Републиканската партија, Доналд Трамп, во соочувањето со кандидатката на Демократската партија, поранешната прва дама на САД и државна секретарка Хилари Клинтон, во кое се појавија еден по друг, тврдеше дека на американските генерали им биле „врзани рацете“ токму од политиките на Клинтон и на претседателот Барак Обама.

„Мислам дека под водство на Барак Обама и Хилари Клинтон генералните беа срамнети со земја. Тие се ослабени до нивото кое е срамотно за нашата земја“, изјави Трамп на форумот организиран од телевизиската мрежа NBC под наслов „Врховен командант“ во Њујорк на кој присуствуваат и воените ветерани.

Ова е првпат Трамп и Клинтон да се појавуваат заедно на иста сцена откако во јули ги прифатија номинациите на своите партии за трката за освојување на Белата куќа.

Клинтон беше испитувана и е многу критикувана поради нејзиното незаконско постапување со доверливата дипломатска пошта преки приватна електронска адреса и приватен сервер додека беше државна секретарка во првиот претседателски мандат на Обама, Меѓутоа директорот на Федералното биро за истраги (FBI), Џејмс Коми, кого го именува шефот на државата, ја прогласи за „крајно невнимателна“ во постапувањето со чувствителни материјали од интерес за националната безбедност, но не препорача обвинение против неа.

„Го правев точно она што требаше да го правам и се однесувам кон тоа многу сериозно, секогаш бев и секогаш ќе бидам“ сериозна, рече Клинтон.

Пофалувањето на Путин од страна на Трамп и неговиот предлог САД и Русија да воспостават сојуз за да ја поразат џихадистичката Исламска држава би можела да предизвика чудење на експертите за меѓународна политика, кои сметаат дела Москва се вмешува во сириската војна за ја запре граѓанската војна, забележува Reuters, меѓутоа притоа изостанува оцената за американското учество во оваа војна.

„Доколку тој (Путин – з.р) зборува одлични работи за мене, јас ќе кажам одлични работи за него. Секако во тој систем тој е водачот, далеку отколку што е нашиот претседател“, реле Трамп зборувајќи за рускиот претседател.

Трамп во говорите од пред неколку седмици ги нарече Обама и Клинтон „основачи на Исламската држава“, што наиде на критики кои го натераа на кампањата да ѝ пристапи со поголема воздржаност. Тоа, пак, резултираше со тоа што од тогаш ја престигна Клинтон во истражувањата на јавното мнение за нивната популарност меѓу гласачите.

Трамп, исто така, навести дека дознал нешто во доверливите разузнавачки информации кои американски функционери му ги доставувале, имајќи предвид дека е претседателски кандидат на Републиканската партија.

„Една работа ме шокираше. Дознав дека нашето водство, Барак Обама, не го следел она што нашите експерти .. го кажале дека треба да го стори, и бев многу многу изненаден… Нашите челници не го следеле она што овие го препорачале“, рече Трамп.

Претходно во средата Доналд Трамп вети дека ќе го поттикне американското воено јакнење, велејќи дека САД се загрозени како никогаш претходно во историјата од непријателите како што се исламските екстремисти, Северна Кореја и Кина./крај/мф/сн

Извор: Макфакс