Еден вооружен напаѓач држи во понеделникот наутро по средноевропско време, непознат број заложници во кафуле во центарот на австралиската метропола Сиднеј, соопшти полицијата, а снимките на локалните телевизии покажуваат дека некои од нив се принудени да држат во витрината црно знаме со бел натпис на арапски јазик.
 

Еден вооружен напаѓач држи во понеделникот наутро по средноевропско време, непознат број заложници во кафуле во центарот на австралиската метропола Сиднеј, соопшти полицијата, а снимките на локалните телевизии покажуваат дека некои од нив се принудени да држат во витрината црно знаме со бел натпис на арапски јазик.

Во меѓувреме австралиската телевизиска мрежа ABC News објави дека најмалку тројца заложници успеале да побегнат од опсадениот локал преку противпожарниот излез. Бројот на побегнатите заложници го потврдила портпаролката на полицијата на Сиднеј, според којашто во локалот има околу 40 заложници.

Австралискиот премиер Тони Абот, кој предупредуваше на планови на исламистичките милитанти да нападнат австралиски цели, изјави дека постојат знаци дека заложничката криза во кафулето „Lindt“ е политички мотивирана. „Станува збор за многу вознемирувачки инцидент. Можам да ја разберам загриженоста и стравовите на австралискиот народ“, изјави Абот за новинарите во Канбера, но не прецизирала ништо за опсадата на локалот којашто е во тек.

Австралија, којашто ги поддржува САД и сите нејзини воени акции против џихадистите од Исламската држава во Сирија и во Ирак, е во состојба на зголемена подготвеност од напади на радикални муслимани или домашни борци кои се враќаат од боиштата од Блискиот исток.

Полицијата во Сиднеј засега немала директен контакт со лицето коешто ги држи заложниците, изјави за Reuters Ендрју Скипионе, началникот на полицијата на сојузната австралиска држава Нов Јужен Велс. „Преминавме на позицја според која се работи за терористички инцидент“,изјавил Скипионе за новинарите во Сиднеј.

Извршниот директор на синџирот кафулиња „Lindt Australia“ за телевизиската станица Sky Business изјави дека во локалот работеле 10 лица. Извршниот директор Стив Лоан, исто така, додал дека во локалот „веројатно има 30 гости“, додека другите медиуми пренесуваат дека тој рекол дека постојат претпоставки за бројот на заложниците.

Поради заложничката криза евакуирани се околните згради во сиднејскиот деловен кварт каде е сместен локалот „Lindt“ во сопственост на истоимениот швајцарски производител на чоколада и колачи.

Десетици тешко вооружени полицајци во опсада го држат кафулето на Мартин Плејс, каде што се наоѓаат и седиштата на Австралиската централна банка, на други комерцијални банки, а во близина е и парламентот на државата Нов Јужен Велс.

Кафулето, исто така, се наоѓа наспроти студио на комерцијална телевизија и снимките покажуваат дека неколку луѓе стојат во кафулето со рацете притиснати н аизлогот. Снимките покажуваат и црно знаме со бел арапски натпис, слично на оние кои ги истакнуваат милитантите од Исламската држава во Ирак и во Сирија, кое го држат членови на персоналот и една жена

Во септември австралиската антитерористичка полиција соопшти дека спречила директна закана да му се отсече глава на еден избран човек, а неколку дена подоцна еден тинејџер беше застрелан во Мелбурн откако со нож нападнал двајца припадници на антитерористичката полиција./крај/мф/сн

Извор: Макфакс