Сулејман Абу Гејит, попознат како зет за ќерка на ликвидираниот идеолог на глобалната терористичка мрежа Осама бин Ладен, осуден е во вторникот пред судот во Њујорк на доживотен затвор поради тероризам.

Судот во Мехнетен го март го прогласи 48-годишниот роден Кувајќанец, Сулејман Абу Грејит виновен за заговор за убивање Америкнаци, заговор за пружање материјална поддршка на терористи и давање таква поддршка.

Судијата Луси Каплан ја објави казната само неколку минути откако Абу Гејит на рапски ја даде својата изјава во која ја цитираше светата книга Куранот и изјави дека милост не бара од никого освен од Бога.

„Денеска, во моментот кога ми ги ставате рацете во пранги и имате намера жив да ме закопате, истовремено ги ослободувате рацете на стотици муслимански момчиња,. Тие ќе се придружат на собирањето на слободните“, изјави Аби Грејит, а агенцијата Reuters во извештајот забележува дека во неговиот исказ немало покајување.

Судијата Каплан реагирал на изјавата со забелешката дека Абу Грејит не покажува каење, како и дека е видено видеото на кое тој се радува на нападите на Ал –Каеда од 11-ти септември 2001 година кога во САД загинаа околу три илјади луѓе.

„Вие господине, според мојата процена, сте одлучиле да сторите сé што можете за да и’ помогнете на Ал Каеда во намерата да убива Американци“, изјави судијата Каплан.

Адвокатите на Аби Гејит тврдеа дека нивниот клиент е виновен само за држење пламени говори, како и дека однапред не знаел за ниеден план на Ал Каеда.

Зетот на Осама бин Ладен, Сулејман Абу Гејит, кој на видеоснимката направенана 12-ти септември 2001 година, ден по терористичкиот напад врз САД, се појавува во друштво на сега ликвидираниот водач на Ал Каеда, Осама бин Ладен и нејзиниот сегашен водач Ајман ал-Завахири, на почетокот од март 2013 година кога официјално беше подигнато обвинението против него изјави дека не е виновен за тероризам. Абу Гејит, оженет за Фатима, ќерката на Осама бин Ладен, официјално беше обвинет за планирање на нападите „за убивање американски државјани”.

Според обвинението , Гејит кој најмалку од мај 2011 година до крајот на 2002 година бил во служба на терористичката организација, бил „вмешан во подготовката и изведувањето на терористичкиот чин против САД, неговите граѓани, како и неговите државјани и имотот”. Тој на 12-ти септември 2001 година одржал говор во името на Ал Каеда, додека крај него седат водачот на Осама бин Ладен, и тогашниот негов заменик Ајман ал-Завахири.

Во говорот упатен на Колин Пауел, тогашниот американски секретар, се закани дека „бурата нема да стивне, како ни авионската бура”, предупредувајќи ги муслиманите, децата и противниците на САД да не се „качуваат во авионите”, според обвинението коешто во четвртокот го објави американското министерство за правосудство.

Во јавноста своевремено протекоа малку информации за околностите во коишто беше уапсен Сулејман Абу Гејит. Еден од неговите адвокати изјави дека неговиот клиент „американските агенти на безбедноста” го уапсиле во странство на 28-ми февруари 2013 година и дека на 1-ви март е преместен во Њујорк.

Истовремено турскиот весник Hurriyet пишуваше дека Сулејман Абу Гејит, бил уапсен од агентите на американската централна разузнавачка агенција CIA во Јордан и е транспортиран во САД. Како резултат на заедничката операција на турската разузнавачка служба и CIA, Сулејман Абу Гејит беше уапсен на 2-ри февруари 2013-та во еден хотел во турската престолнина Анкара. Американските власти имаа намера да го испитаат за вмешаност во активности на терористичка организација Ал Каеда, но Турција одби да го екстрадира Абу Гејит, стравувајќи од одмазда на милитантите.

Турскиот суд го ослободи зетот на Осама бин Ладен, со образложение дека тој во земјата нема сторено никакво кривично дело. Повеќе од еден месец турските власти решаваа каде да го депортираат Абу Гејит, кој нема никакво државјанство. Иран, од каде што тој дојде во Турција, одби да го прифати. Беше решено Абу Гејит да биде предаден на властите на Кувајт, чиешто државјанство тој го имал претходно.

Агентите на CIA коишто во стапка го следеле зетот на бин Ладен, го уапсиле на 1-ви март во Јордан, а потоа со лет од Кувајт го префрлиле во САД, пишуваше весникот./крај/мф/сн

Извор: Макфакс