Свет
Во Калифорнија бараат референдум за независност

Припадниците на движењето Yes California, кои се залагаат за таканаречениот Calexit, односно истапување на сојузната држава Калифорнија од составот на Соединетите американски држави, го преставија предлогот за одржување референдум во кабинетот на главниот обвинител на државата, пишува изданието на весникот The Los Angeles Times од вторникот.
Во написот се наведува дека движењето Yes California бара на предлогот да му се даде официјалност и по него да се направи заклучок. Следбениците на движењето и поборниците на истапувањето на Калифорнија од САД, се надеваат дека таквото гласање може да се одржи веќе во 2018 година.
Во споменатиот текст од документот испратен до главниот јавен обвинител на Калифорнија, движењето кое го нарекува документот „Calexit: плебисцит 2019 година за независност на Калифорнија“, по аналогија на Brexit, односно британскиот референдум од јуни годинава за истапување од Европската унија.
Како повод за обраќање до главниот обвинител, се наведува уште во медиумскиот извештај повикувајќи се на потпретседателот и соосновач на движењето Руиз Еванс, е победата на Донал Трамп на американските претседателски избори од 8-ми ноември. Имено, 61 отсто од жителите на Калифорнија на изборите гласале за демократската кандидатка Хилари Клинтон.
Поборниците на истапувањето на Калифорнија од САД ја појаснуваат својата позиција со тоа што властите ги трошат парите на даночните обврзници за одбрана и за вооружени конфликти, кои не даваат резултати. Активистите имаат намера да ги пренасочат средствата од даноците кон социјалната сфера во оваа сојузна држава.
Калифорнија е една од најнаселените сојузни американски држава, и во неа според последните статистички податоци живеат околу 40 милиони луѓе.
Калифорнија влегла во составот на Соединетите држави во 1850 година, како 31-та сојузна држава по ред.
Американските власти досега на ваквите иницијативи, за кои се одржуваа и петиции во неколку сојузни држави, одговараа дека уставотворците своевремено не предвиделе во највисокиот законски акт на земјата истапување на некоја сојузна држава од САД./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Шест лица повредени во судир на автобус и камион: тешка сообраќајна несреќа во Ниш

Шест патници кои се наоѓале во автобусот на транспортната компанија „Нишекспрес“ се повредени во 14.30 часот во сообраќајна несреќа на крстосницата од Булевар 12. Февруари и улица Хумска во Ниш.
До несреќата дошло кога возило од градски сообраќај се судрило со камион со панчевски регистарски таблички.
Интервенирале две екипи на Брза помош и повредените патници ги пренеле во Универзитетскиот клинички центар Ниш.
Според првичните информации сите патници се со полесни повреди.
Полицијата врши увид, се утврдува причината за несреќата.
Свет
Ердоган: Злосторствата извршени од Израел не треба да останат неказнети

Турскиот претседател Реџеп Таип Ердоган денеска изјави дека злосторствата извршени од Израел во Газа не треба да останат неказнети.
„Израелските воени злосторства, злосторствата против човештвото во Газа не треба да останат без одговор. Наш приоритет во моментов е да прогласиме траен прекин на огнот и да обезбедиме проток на хуманитарна помош“, рече Ердоган на 44-от самит на Советот за соработка во Заливот (ГЦЦ) во главниот град на Катар, Доха, пренесува „Дејли Сабах“.
Ердоган нагласи дека е неопходно да се спречи злосторствата во Газа да се претворат во регионална војна која ја опфаќа и Сирија, пренесува Танјуг.
Тој додаде дека администрацијата на премиерот Бенјамин Нетанјаху „ја загрозува безбедноста и иднината на целиот наш регион со цел да го продолжи неговиот политички животен век“.
Регион
(Видео) Хрватските навивачи донесени во суд во Атина, еден од нив извика: Пленковиќ извади не надвор

Денеска, во судот во Атина продолжи распитот на Бeд Блу Бојс, осомничени за навивачките нереди во август во кои беше убиен еден навивач на АЕК.
Првата група од 38 навивачи вчера доби можност да ја дополни одбраната откако во истрагата беа извршени ДНК и дактилоскопски вештачења во кои не беа пронајдени нови докази против нив.
Денеска пред суд беше изведена уште една група.
На снимката од пристигнувањето на Бeд Блу Бојс во судот објавена од хрватската Н1, се слуша како еден од навивачите вика: „Пленковиќ, извади не надвор“.