Свет
Во терористички напад во Јемен загинаа 40 војници
Бомбаш самоубиец убил во саботата најмалку 40 и ранил уште 70 јеменски војници во напад во база во близина на Аден, привременото седиште на владата којашто ја поддржуваат арапските сојузници и Западот, соопшти локален воен функционер.
Станува збор за уште еден во серијата напади врз силите кои ја имаат поддршката од воената кампања на арапските сунитски земји предводени од Саудиска Арабија.
Напаѓачот се разнел во периодот додека војниците чекале да ги подигнат своите плати, изјавиле за Reuters извори од владата.
Џихадистите од Исламската држава досега ја преземаа одговорноста за ваквите смртоносни напади врз војниците во Аден, јужен пристанишен град, кој е под контрола на војниците лојални на меѓународно признатата влада која е во егзил во Саудиска Арабија.
Саудиска Арабија во март 2015 година започна воена интервенција во јеменската граѓанска војна за да ги порази побунетите борци на шиитското племе Хути, кои ги поддржува Иран а се во коалиција со војниците лојални на соборениот во 2012 година претседател Али Абдулах Салех. Меѓутоа, досегашните илјадници воздушни бомбардирања во напади на саудиската коалиција не успеаја да донесат резултат и да ги потиснат противниците на претседателот АбдРаба Мансур Хади од главниот град Сана.
Досега загинале 10 илјади луѓе во судирот кој ја погоди оваа сиромашна држава на Арапскиот полуостров откако побунетите племиња ја обвинија централната влада дека не се справува со напредувањето на Ал Каеда./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Украина: Русите го нападнаа Харков, уништени се згради, меѓу повредените има и дете
Украина ги уништи сите 10 беспилотни летала во руски напад во текот на ноќта, но две лица се повредени, а станбени згради во регионот Харков беа зафатени од пожар, соопштија денеска украинските власти.
Воздухопловните сили на Телеграм соопштија дека Русија лансирала и две противвоздушни наведувани ракети. Портпаролот на украинските воздухопловни сили во телевизиски пренос изјави дека руските ракети најверојатно биле насочени кон североисточниот град Харков.
Гувернерот на регионот Харков, Олех Синехубов, рече дека три станбени куќи биле запалени, а десетици биле оштетени како резултат на рускиот напад, чија цел, според него, била и инфраструктурата и станбените области. На фотографиите што ги објави Синехубов на Телеграм, се гледаат големи пламени јазици од станбените згради.
„Две лица, меѓу кои и едно 11-годишно дете, се ранети во нападот и се на медицинска помош“, рече Синехубов на апликацијата Телеграм.
Ројтерс сè уште не ја потврди независно оваа вест. Москва негира дека цели на цивили во овие „легитимни напади врз воената, енергетската и транспортната инфраструктура на Украина“.
Свет
Силен земјотрес го погоди Тајван
Тајван беше погоден од земјотрес со јачина од 5,8 степени според Рихтер во 9:45 часот.
ЕМСЦ наведува дека епицентарот на земјотресот бил на длабочина од 10 километри и 38 километри оддалечен од Хуалиен, кој има 350.000 жители.
Засега нема информации за значителна материјална штета или жртви.
Европа
Повредени двајца полицајци во Париз кога маж им го украл пиштолот и пукал во нив
Двајца полицајци се повредени во престрелка во полициската станица во Париз, кога на еден од нив му бил одземен пиштолот од маж кој претходно бил приведен поради напад со нож врз жена.
„Полицијата интервенираше и го донесе овде, во полициската станица, и тој потоа му го грабна пиштолот на полицаецот“, изјави началникот на полицијата Лорен Нунес.
Обвинителството соопшти дека еден од полицајците е во тешка состојба, пренесува „Монд“.
Полицијата возвратила, а напаѓачот се здобил со повреди во пределот на градниот кош, по што бил пренесен во болница.
Како што информираат од болницата, животот на напаѓачот не е во опасност.