Свет
За четири дена од бунтовничките квартови во Алепо се извлекле 50.000 луѓе
Повеќе од 50.000 цивили успеале да се извлечат последните четири дена од источните квартови на северниот сириски град Алепо кои се под контрола на опозициските и исламистичките бунтовнички групи поради напредувањето на владините сили, објавија во средата опозициската Сириска опсерваторија за човекови права (SOHR) со седиште во Лондон и Обединетите нации.
Околу 20.000 цивили побегнале од деловите на Алепо кои се под контрола на милитантите и се засолнале во западните делови кои се под контрола на владините сили, изјави шефот на хуманитарната мисија на ОН, Стивен О’Брајан во соопштението издадено во седиштето во швајцарскиот град Женева во вторникот вечерта. Поради напредувањето на владините војски, се очекува овој тренд да се интензивира следните денови, се додава.
Организацијата SOHR во своето соопштение објави дека повеќе од 20.000 нашле засолниште во деловите на Алепо под контрола на владата, додека 30.000 влегле во енклавата Шеик Максуд која е под контрола на курдските сили во друг град во северна Сирија. Се оцените дека ова извлекување преку коридорите е производ на стратешкото напредување на владините сили во длабочината на деловите од вториот по големина сириски град кој е под контрола на бунтовниците.
„Интензитетот на нападите на населбите во источно Алепо во текот на изминатите неколку дена ги принуди илјадници цивили да ги напушат овие делови од градот“ се вели во соопштението на О’Брајан и се додава дека „Веројатно дека и илјадниците други ќе немаат поинаков избор отколку да ги напуштат овие квартови додека борбите продолжуваат да се интензивираат и да опфаќаат пошироко подрачје…“.
Натаму челникот на мисијата на ОН за Сирија изразува „длабока загриженоста за застрашувачката ситуација“ во Алепо.
Сириската армија помогната од провладините локални милиции и доброволци од регионот по две години борби во Алепо оствари значителен напредок во источните делови, преземајќи ја контролата над клучните населби. На почетокот од офанзивата пред нецели три седмици, беа објавени коридори преку кои цивилите можат да бидат извлечени од опсадените квартови, а милитантите беа повикани преку други коридори слободно со своето вооружување да го напуштат безбедно градот./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Олимписки игри во Париз 2024: церемонијата на отворање започна со пловење по Сена
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.