Свет
Бајден: САД нема да дозволат Русија да ги заплашува европските земји за гасот
Американскиот претседател, Џо Бајден, се огласи по прекинувањето на испораката на гас за Полска и Бугарија.
„САД нема да дозволат Москва да ги заплашува европските земји со закана дека ќе ги лиши од снабдувањето со енергија. Нема да дозволиме да ги користат своите резерви на нафта или гас за да ги избегнат последиците од нивната агресија во Украина“, рече претседателот Бајден.
„Работиме со други земји, како Кореја, Јапонија и Катар, за да им помогнеме на нашите европски сојузници на кои им се заканува уцена со руски гас“, додаде тој.
Во средата рускиот гигант „Газпром“ ги прекина сите испораки на гас за Бугарија и Полска, членки на Европската Унија и НАТО, со закана од недостиг во Централна и Источна Европа, но и на целиот европски континент.
Американскиот министер за надворешни работи, Ентони Блинкен, изјави дека Русија на некој начин си штети самата на себе со тоа што се лишува од приходите од продажбата на гас на двете земји.
Блинкен исто така укажа на зголемените испораки на течен природен гас од Соединетите Американски Држави во Европа за да помогне да се компензира евентуалниот недостиг, вклучително и оние предизвикани од уцената на Русија, пренесува „Бета“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Гроси: Смртта на Раиси предизвика пауза во преговорите меѓу МААЕ и Иран
Смртта на иранскиот претседател Ебрахим Раиси и министерот за надворешни работи, Хосеин Амир Абдолахијан, во хеликоптерска несреќа предизвика пауза во преговорите меѓу Техеран и Меѓународната агенција за нуклеарна енергија (МААЕ), изјави директорот на агенцијата на ОН, Рафаел Гроси.
Во Хелсинки, каде што зборуваше денеска на нуклеарната конференција, тој објасни дека Иран е во период на жалост и дека кога ќе помине, повторно ќе се ангажира, пренесува „Ројтерс“.
Гроси рече дека МААЕ планира да ги продолжи техничките разговори со Иран, но дека тие сè уште не се одржани поради хеликоптерската несреќа минатата недела, во која загинаа претседателот Раиси и министерот за надворешни работи, Абдолахијан.
Свет
Џанг Жан ослободена од затвор, осудена за известување за епидемијата во Вухан
Кинеска новинарка Џанг Жан, која беше осудена во Кина за известување за епидемијата на Ковид-19 во Вухан, е ослободена од затвор по издржување четиригодишна затворска казна, објавија светските медиуми.
Џанг е осудена на четири години затвор под обвинение за „поттикнување кавги и предизвикување проблеми“, пренесува АП.
Меѓутоа, на денот на нејзиното ослободување нејзините поранешни адвокати не можеле да дојдат до неа или до нејзиното семејство бидејќи, како што наведува американската агенција, „полицијата во Шангај ги посетила активистите и нејзините поранешни адвокати во деновите пред нејзиното ослободување“.
Свет
Пресметка на суперсилите во вселената: САД ја обвинуваат Русија за испраќање офанзивно оружје во вселената, Москва ги отфрла тврдењата
Вашингтон ја обвини Москва дека лансирала сателит за кој американското разузнавање верува дека е оружје способно да следи и да напаѓа други сателити, тврдење што Русија денеска го отфрли како лажно.
Американската вселенска команда во вторникот соопшти дека Русија лансирала антисателитско оружје во исто време кога САД лансирале нов сателит во ниската орбита, пренесува „Ројтерс“.
Претходно овој месец, САД укажаа на лансирањето на ракетата „Сојуз“, која наводно носела најмалку девет сателити вклучувајќи го и COSMOS 2576, тип на руско надзорно вселенско летало од руската локација за лансирање Плесец.