Свет
(Видео) Маск го одржа првиот собир: Иднината ни е во опасност
Американскиот милијардер Илон Маск го одржа првиот независен митинг за поддршка на републиканскиот претседателски кандидат Доналд Трамп, повикувајќи ги гласачите во предградијата на Филаделфија однапред да се пријават и да гласаат.
Маск истакна дека иднината на Америка е во опасност и затоа се вклучил во политиката.
“Politicians seem to forget that the money being spent is your money and if it's not being spent in a way that is beneficial to the American people, it is a misuse of the funds.”
Elon Musk pic.twitter.com/ZlxiQ9Elve
— Tesla Owners Silicon Valley (@teslaownersSV) October 17, 2024
На настанот што се одржа вчера во аудиториумот на гимназијата „Ридли“, Маск зборуваше околу 15 минути, а потоа одговараше на прашањата на присутните, кои носеа капи со слоганот на кампањата на Трамп, пренесе АП.
Настанот беше организиран од America PAC, политички акционен комитет кој поддржува кандидати и иницијативи блиски до Републиканската партија, а целта беше да се поттикнат гласачите во Пенсилванија да гласаат.
Настанот се емитуваше во живо на X и привлече стотици илјади гледачи и покрај техничките проблеми што се случија за време на преносот, пренесуваат американските медиуми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Фон дер Лајен: Смртта на Синвар значително го ослабува Хамас
Претседателката на Европската комисија Урсула фон дер Лајен оцени дека убиството на лидерот на Хамас, Јахја Синвар, кој се смета за еден од главните организатори на нападите врз Израел минатата година, значително ќе го ослабне Хамас.
„Неговата смрт сигурно значително го ослабува Хамас“, изјави Фон дер Лајен на прес-конференција, по самитот на лидерите на ЕУ во Брисел.
Таа го опиша Синвар како водач на терористичка организација кој бил „мозок“ на нападот на Хамас врз Израел на 7 октомври минатата година, пренесува „Политико“.
Претседателот на Европскиот совет, Шарл Мишел, рече дека Синвар е „одговорен за страдањата на луѓето во Газа поради неговите постапки“ како еден од главните организатори на нападот на Хамас врз Израел минатата година.
Фон дер Лајен и Мишел повикаа и на прекин на огнот во Појасот Газа, каде според проценките на ОН, речиси два милиони луѓе се соочуваат со „екстремно критични“ нивоа на глад како резултат на израелската воена офанзива.
Неколку западни лидери во четвртокот, по убиството на Синвар, повикаа на ослободување на заложниците и крај на војната во Појасот Газа и повторно го осудија нападот врз Израел на 7 октомври минатата година.
Генералниот секретар на НАТО, Марк Руте изјави дека „нема да му недостига“ водачот на милитантите, додека францускиот претседател Емануел Макрон рече дека земјата бара ослободување на сите заложници кои се уште се во Газа, пренесува Танјуг.
Потпретседателката на САД и демократска кандидатка за претседател на САД, Камала Харис оцени дека овој момент нуди шанса да се стави крај на војната во Појасот Газа.
Хамас уби околу 1.200 луѓе во нападот врз Израел на 7 октомври 2023 година и зеде околу 250 заложници во Појасот Газа, по што Израел започна офанзива во која загинаа повеќе од 40.000 Палестинци, според Министерството за здравство на Газа.
Регион
Нови пријави за бомби во училиштата во БиХ
Католичкиот училишен центар во Зеница беше евакуиран откако училишната управа доби закана за бомба. Заканите што доведоа до хаос во училиштата во Сараево, се проширија и надвор од главниот град на Босна и Херцеговина.
Портпаролот на полицијата на Зеничко-добојската жупанија Самир Валентиќ потврди дека информацијата за поставената бомба стигнала нешто по осум часот.
„После тоа, полицајците ги евакуирале сите ученици и започнале антидиверзантска увид“, изјави Валентиќ.
Речиси во исто време, закани за бомби пристигнале и во две училишта во Сараево, па морале да ја прекинат наставата и таму, а учениците биле евакуирани.
Претходно оваа недела, сараевската полиција идентификуваше и приведе тројца малолетници за кои беше откриено дека испраќале закани до училиштата.
Еден од нив, како што е откриено во текот на истрагата, дури 49 пати испратил закани за бомба по електронска пошта.
По кривичната постапка, тој е предаден на Обвинителството на жупанија Сараево. Потоа обвинителот му предложи на судијата за малолетници на Општинскиот суд во Сараево да му одреди едномесечен притвор поради сомнение за сторени кривични дела загрозување на сигурноста и лажно пријавување.
Свет
Шефот на СЗО: Речиси сите во Газа се гладни
Шефот на Светската здравствена организација (СЗО) изјави дека речиси сите во Појасот Газа се гладни, нарекувајќи ја ситуацијата „нехумана“, пренесува „Anadolu“.
„СЗО повикува на итен пристап до сета хуманитарна помош, почнувајќи од храна и лекови за тешко неухранети деца на кои им е потребен итен третман“, напиша Тедрос Аданом Гебрејесус на X.
СЗО продолжува да повикува на прекин на огнот, бидејќи „најдобар лек е мирот“, додаде тој.
Од 2006 година, Израел ја одржува блокадата на Газа, претворајќи го регионот во она што многумина го опишуваат како најголемиот затвор на отворено во светот.
Израел ја продолжи офанзивата врз Газа по нападот на палестинската група Хамас на 7 октомври минатата година, и покрај резолуцијата на Советот за безбедност на ОН која повикува на итен прекин на огнот.
Оттогаш, според локалните здравствени власти, повеќе од 42.400 луѓе, главно жени и деца, се убиени, а повеќе од 99.100 се повредени.
Израелскиот напад го расеал речиси целото население на Појасот Газа поради тековната блокада што доведе до сериозен недостиг на храна, чиста вода и лекови, пренесуваат медиумите.
Израел се соочува со обвинение за геноцид пред Меѓународниот суд на правдата за неговите постапки во Газа.