Свет
Зеленски: Ако не можеме да влеземе во НАТО, тогаш дајте ни нуклеарно оружје
Украинскиот претседател Володимир Зеленски сугерираше дека Соединетите Држави, доколку веќе не се подготвени да го поддржат членството на Украина во НАТО, би можеле да обезбедат алтернативна безбедносна гаранција во форма на нуклеарно оружје.
Зборувајќи со Пирс Морган, Зеленски рече дека патот на Украина кон членство во НАТО може да потрае „години, па дури и децении“, поставувајќи, како што рече, легитимно прашање: „Што ќе не’ заштити од ова зло сето ова време?
„Каков пакет поддршка? Какви проектили? Дали ќе ни дадат нуклеарно оружје? Тогаш нека ни дадат нуклеарно оружје“, додаде тој.
„Да го направиме следново: дајте ни нуклеарно оружје, дајте ни ракетни системи. Партнери, помогнете ни да финансираме милионска армија, преместете ги вашите контингенти во делови од нашата земја каде што сакаме стабилност за луѓето да имаат мир“, рече тој.
Тој потсети и дека рускиот претседател Владимир Путин рече дека руската инвазија била мотивирана од стравот од членството на Украина во НАТО.
„Тој (Путин) изврши инвазија затоа што се плашеше дека ќе станеме членка на НАТО. Во ред, ние не сме членка на НАТО. Излезете од нашата земја“, рече тој.
Претходно, Зеленски изрази уверување дека американскиот претседател Доналд Трамп може да влијае дали Украина ќе се приклучи на НАТО. Во меѓувреме, самиот Трамп потврди дека може да ги разбере чувствата на Русија, истакнувајќи дека претходната американска администрација изразила поддршка за членството на Украина во НАТО.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на дипломатијата на Трамп: Да ја направиме Газа повторно убава
Соединетите Држави се „подготвени да ја водат и да ја направат Газа повторно убава“, напиша американскиот државен секретар Марко Рубио на Икс, повикувајќи се на слоганот „Направи ја Америка повторно голема“ што е клучен слоган на претседателските кампањи на Доналд Трамп од 2016 година.
Gaza MUST BE FREE from Hamas. As @POTUS shared today, the United States stands ready to lead and Make Gaza Beautiful Again. Our pursuit is one of lasting peace in the region for all people.
— Secretary Marco Rubio (@SecRubio) February 5, 2025
„Газа мора да биде ослободена од Хамас… Како што [Трамп] рече денеска, Соединетите Држави се подготвени да водат. Нашата аспирација е траен мир во регионот за сите луѓе“, напиша Рубио.
Неговата објава доаѓа откако Трамп тврдеше дека 2,1 милиони луѓе кои живеат во Газа треба да се преселат во други арапски земји, дозволувајќи им на САД да го преземат Појасот Газа.
Свет
Пристигна првата реакција на Хамас откако Трамп кажа дека САД сакаат да го преземат Појасот Газа
Официјалниот претставник на Хамас, Сами Абу Зухри, изјавите на Доналд Трамп за преземање на Појасот Газа ги опиша како „смешни“ и „апсурдни“.
„Изјавите на Трамп за неговата желба да ја контролира Газа се смешни и апсурдни и какви било идеи од ваков вид може да го запалат регионот“, рече Абу Зухри, пренесе Ројтерс.
Коментарите на Трамп доаѓаат во критично време, кога преговорите за втората фаза од процесот за прекин на огнот во Газа се во раните фази.
Европа
Извршена обдукција на телото на хрватскиот фудбалер: утврдена причината за смртта на Јаков Јелкиќ, истрагата продолжува
Во шпанскиот град Аликанте беше извршена обдукција на телото на Јаков Јелкиќ (24), хрватски фудбалер чие тело беше пронајдено во морето откако исчезна ноќта меѓу петокот и саботата.
На телото не се пронајдени траги на насилство, па полицијата претпоставува дека тој починал поради ноќен пад во студеното море под дејство на алкохол, објави Јутарњи лист.
„Претпоставуваме дека се работи за несреќен случај“, изјавил по телефон за Хина портпаролот на полицијата од Аликанте. Полицијата претходно одржа прес-конференција во овој крајбрежен град во југоисточна Шпанија.
За време на обдукцијата, во неговите бели дробови била пронајдена морска вода, па истражителите заклучиле дека Јелкиќ починал од давење.
„На телото немаше траги на насилство, а со оглед на неговата шема на одење снимена на камерите, заклучивме дека паднал во морето. Морето е студено во овој период од годината, а тој беше сам“, рече портпаролот и продолжи:
„Истрагата ќе ја продолжиме бидејќи обдукцијата на телото е само еден дел од неа. Сите наоди ќе бидат анализирани, но од се досега познато се чини дека станува збор за несреќен случај.
Encuentran el cadáver del jugador croata Jakov Jelkic en el puerto de Alicante https://t.co/AWX6iACytz
— El Confidencial (@elconfidencial) February 4, 2025
Јелкиќ, хрватски фудбалер на швајцарски второлигаш, минатата недела со соиграчите беше на Алијанте, каде што претходно одиграа натпревар.
Играчите во петокот вечерта биле во ноќен клуб, а потоа се упатиле кон хотелот. Јелкиќ се вратил во клубот да си ја земе јакната, а надзорните камери го снимиле како заминува сам околу 02:30 часот. Неговите соиграчи изутрината не го нашле во хотелската соба, па го пријавиле за исчезнат.
Неговата сестра Јања со емотивна порака се прости од својот брат.
„Брат, единствено мое, мое око, мој ангел. Пробав се, но не можев! Те сакам засекогаш! Добро момче, почивај во мир божји“, напиша таа.