Свет
Луѓето на Путин минатата година: Сѐ ќе почне во Украина и ќе заврши со нуклеарна војна со НАТО
Дека Русија се подготвува за војна со Украина, минатата година сугерираа руски медиумски пропагандисти и државни функционери. Тогаш рекоа дека борбата ќе почне во Украина, но дека ќе се прошири многу повеќе.
„Сѐ ќе почне во Украина“, рече Анджеј Сидоров, продекан за светска политика на Московскиот државен универзитет, минатата година како гостин во ТВ-емисијата со Владимир Соловјов, која се емитуваше на првата руска државна телевизија „Русија 1“.
„Ќе бидеме принудени да зачекориме на бојното поле во борба за која мислат дека сме подготвени“, додаде тој. Водителот го праша „против кого?“, на што Сидоров одговори: „Против целиот Запад“.
Руските државни медиуми имаа цел да го подготват населението за последиците од дејствата на Кремљ, беше речено минатата година, а најголем дел од вината беше префрлена на САД. Руските експерти тогаш стравуваа дека администрацијата на Бајден може да воведе целосно трговско ембарго кон Русија.
Минатата година Кремљ ја коментира и можноста САД да воспостават воено присуство во Украина. „Тие сакаат да нѐ уништат“, рече Дмитриј Куликов во неделата вечерта во емисијата со Владимир Соловјов.
„Тоа е во нивната природа. Не можете волкот да го претворите во вегетаријанец“, додаде Соловиев додавајќи дека Русија „многу бргу ќе биде уништена ако го изгуби Донбас бидејќи електоратот на Путин нема да го толерира тоа“. Соловиев посочи дека борбата за Донбас ќе заврши со нуклеарен конфликт меѓу Русија и НАТО.
Високиот воен аналитичар Михаил Ходарјонок, поранешен полковник во Советските сили за воздушна одбрана, тогаш рече: „Мислам дека секој конфликт може да биде запрен со закана од барем тактички нуклеарен напад од наша страна“.
Ходарјонок тогаш предложи да се изврши ограничен нуклеарен напад во неутралните океански води како предупредување за Западот. Можеби сега треба да го направиме тоа“, додаде Соловиев.
„Од 2014 година сме во состојба на студена војна и ја следиме формулата на Михаил Кутузов: „Не претпоставувам победа, се обидувам да изиграм“. Тоа е политиката на Руската Федерација што ја водиме од 2014 година“, изјави Андреј Сидоров.
Одговорот на САД на руската агресија беше нерамномерен во времето на поранешниот американски претседател Доналд Трамп. Неговата администрација испрати оружје во Украина, а Трамп се обиде таа помош да ја условува со политичка помош против Џо Бајден.
Експертите за државните медиуми признаа дека работите ќе беа сосема поинакви доколку Хилари Клинтон победеше на изборите во 2016 година.
„Истата воена состојба што ја имаме сега ќе почне во првите шест месеци од мандатот на Хилари Клинтон“, рече Дмитриј Куликов, кој ги основа медиумите „Русија тудеј“ под контрола на Кремљ минатата пролет.
Тие рекоа дека Америка била многу посилна тогаш, а Куликов истакна дека „Американците му се лути на Трамп затоа што им украл четири години и им ги дал на Русија и Кина“.
Со Бајден ситуацијата се промени и експертите со мрачни лица очекуваат остри мерки против Кремљ. Маргарита Симонјан, главен уредник на РТ и „Спутник“, рече дека Русија не е имуна на американските санкции.
„Може да има санкции што ќе нѐ натераат да живееме како да сме во Иран. Ние сме ранливи на некои полиња“, рече таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Петчлено семејство загина во тешка сообраќајка кај Ушќе
Петчлено семејство вчера околу 13 часот и 10 минути загина во тешка сообраќајна несреќа кај градот Ушќе на патот Краљево-Рашка, во судир учествувале патничко возило и борбено возило „ПАСАРС на српските вооружени сили.
Во патничкиот автомобил имало три деца, мајка и татко, јави РТС.
Министерството за одбрана соопшти дека борбеното возило на Војската на Србија се движело во правец на Рашка и било во колона под придружба на воената полиција
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.