Свет
Макрон денеска во Москва со Путин, утре во Киев со Зеленски
Францускиот претседател Емануел Макрон денеска во Москва ќе се сретне со неговиот руски колега Владимир Путин, а утре во Киев со неговиот украински колега Володимир Зеленски како дел од дипломатските напори за смирување на руско-украинските тени.
Во последните денови Макрон имаше бројни телефонски разговори со Путин, Зеленски, американскиот претседател Џозеф Бајден, британскиот премиер Борис Џонсон и генералниот секретар на НАТО Јенс Столтенберг.
Како што претходно соопшти Елисејската палата, Макрон ќе има разговор лице в лице со Путин.
Последната средба меѓу Макрон и Путин беше во летото 2019 година, кога францускиот претседател го покани својот руски колега да го посети во летната резиденција Брегансон на југот на Франција.
Францускиот претседател требаше да ја посети Москва во пролетта 2020 година, но неговата посета беше откажана поради епидемијата на коронавирусот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Полицијата во САД уби ученик пред училиште во Висконсин по пријава за пукање
Американската полиција убила ученик пред средно училиште во Висконсин, откако добила дојава дека таму има вооружено лице, изјави Џош Кол, обвинител на таа американска држава.
Полицијата на Фејсбук соопшти дека нема повеќе осомничени и дека нема повредени „освен наводниот напаѓач“, пренесува Асошиејтед прес.
Кол одбил да одговори на прашањата на новинарите дали ученикот пукал и се обидел да влезе во училиштето.
Свет
При уривање на автопат во јужна Кина загинаа 36 лица
Бројот на загинати во уривањето на дел од автопатот во јужната кинеска провинција Гуангдонг се искачи на 36, соопштија локалните власти.
Несреќата се случи вчера наутро, а по уривањето на делницата долга 17,9 метри, 23 возила паднале во провалија, јавува агенцијата Синхуа.
Претходно беше соопштено дека загинале 24 лица, а 30 се повредени.
Свет
Трамп: Апсењето на студенти во Њујорк „беше убаво за гледање“
Поранешниот американски претседател Доналд Трамп изјави дека е „убаво да се гледа“ како полицијата во Њујорк упадна во зградата на Универзитетот Колумбија, окупирана од пропалестински демонстранти, нарекувајќи ги „бесни лудаци и симпатизери на Хамас“.
На митинг за претседателската кампања во Висконсин, Трамп рече дека „Њујорк е под опсада“ и го поздрави апсењето на околу 300 демонстранти, пренесува Ројтерс.
Некои членови на Републиканската партија ги обвинија универзитетските лидери за игнорирање на антисемитската реторика и малтретирање на пропалестинските протести низ САД.