Свет
Поранешниот претседател на Перу, обвинет за корупција, побара азил во Амбасадата на Уругвај
Поранешниот претседател на Перу, Алан Гарсија, побара азил во дипломатското претставништво на Уругвај во Лима, само неколку часа откако судијата му го задржа пасошот поради истрагите за корупција.
Перуанскиот министер за надворешни работи соопшти дека добил информации од уругвајскиот амбасадор дека Гарсија бил во амбасадата во саботата ноќта и побарал заштита, пренесува АП.
Перуанското Министерство објави дека ќе обезбеди дополнителни информации од Уругвај по барањето на Гарсија.
Судијата во Лима го одобри преходното барање на обвинителството да се забрани Гарсија да може да излегува надвор од земјата во текот на следните 18 месеци, а истражувачите ги испитуваат обвинувањата дека тој добивал незаконски пари од бразилскиот градежен гигант „Одебрехта“.
Компанијата се најде во центарот на најголемиот латиноамерикански корупциски скандал кога призна дека во договор со Министерството за правда на САД во 2016 година подмитила претставници во Латинска Америка и им исплатиле речиси 800 милиони долари во замена за големи инфраструктурни договори.
Скандалот доведе до апсење голем број високи политичари во регионот, особено во Бразил и Перу, каде што поранешниот претседател Педро Пабло Кучински поднесе оставка бидејќи тој претходно работел како консултант во компанијата, а Гарсија и двајцата поранешни претседатели, Оланта Хумала и Алехандро Толедо, се под истрага поради земање мито.
Гарсија, кој ги негира обвиненијата, е под истрага за мито, наводно парите ги добил за изградба на метро во Лима во текот на вториот претседателски мандат 2006-2011 година.
Ова е вторпат Гарсија да се обиде да излезе од земјата поради обвиненија за корупција. По завршувањето на неговиот прв мандат во 1990 година, тој помина девет години во егзил во соседна Колумбија, а потоа и во Франција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Блинкен разговараше со Кси Џинпинг: Загрижен сум поради поддршката на Кина за Русија
Американскиот државен секретар Ентони Блинкен денеска во Пекинг се сретна со кинескиот претседател Кси Џинпинг и истакна дека има значителен напредок во односите меѓу двете земји и дека Вашингтон и Пекинг ќе продолжат јасно да комуницираат со своите разлики, со цел да се намалат ризикот од недоразбирање.
„Посветени сме на одржување и зајакнување на комуникацијата и повторно одговорно справување со нашите разлики за да избегнеме каква било погрешна комуникација, каква било погрешна перцепција, каква било погрешна проценка“, рече Блинкен.
Тој додаде дека во неговиот разговор со Кси, изразил загриженост за поддршката на Кина за Русија и инвазијата на Украина, како и други прашања, вклучувајќи ги Тајван и Јужното Кинеско Море, човековите права и производството и извозот на синтетички дроги и прекурсори, извести „АП“.
„Поттикнувањето на руската одбранбена индустриска база ја загрозува не само украинската, туку и европската безбедност. Како што веќе извесно време и кажувавме на Кина, обезбедувањето на трансатлантската безбедност е основен интерес на САД. Јасно кажав дека Кина не го решава овој проблем“, додаде секретарот.
Блинкен, исто така, рече дека ја повикува Кина да го искористи своето влијание „за да го обесхрабри Иран и неговите полномошници да го прошират конфликтот на Блискиот исток и да ја убеди Северна Кореја да престане со своето опасно однесување и да се вклучи во дијалог.
Тој, исто така, разговараше со Кси за поморските маневри на Кина во Јужното Кинеско Море и ја повтори железната поддршка на САД за Филипините, најстариот сојузник на Вашингтон во Азија.
Кси Џинпинг рече дека САД и Кина треба да бидат партнери и дека Пекинг со радост гледа на отвореноста, напредокот и истрајноста на САД и се надева дека и Вашингтон ќе може позитивно да гледа на развојот на Кина, пренесува Ксинхуа.
„Тоа е фундаментално прашање што мора да се разгледа, како првото копче на кошулата да биде добро закопчано, за вистински да се стабилизираат, подобрат и унапредат американско-кинеските односи“ рече Кси за време на разговорот со Блинкен.
Кинескиот претседател истакна дека САД и Кина треба да бидат партнери, а не ривали, да си помагаат меѓусебно да успеат, да не си нанесуваат штета, да бараат заеднички гледишта, наместо да се впуштаат во маѓепсан натпревар, наведува кинеската агенција.
За време на средбата во Пекинг, Кси потсети дека оваа година се одбележуваат 45 години од воспоставувањето дипломатски односи меѓу Кина и САД.
„Предложив меѓусебното почитување, мирниот соживот и вин-вин соработката да бидат три сеопфатни принципи. Тие се лекции научени од минатото и водич за иднината“, рече Кси.
Свет
Кинескиот претседател со предупредување до Блинкен: „Вашингтон едно кажува друго прави“
„Вашингтон мора да престане „да кажува едно, а да прави друго“, како и да престане да го третира Пекинг како непријател, изјави кинескиот претседател Шји Џјинпинг на средбата со американскиот државен секретар Ентони Блинкен, пренесува „Политико“.
„Нашите земји, мора да бидат верни на нивните зборови. Мора да си помагаме да напредуваме, а не да си наштетуваме“, рече кинескиот претседател кого Џо Бајден не еднаш го нарече „диктатор“, пренесува медиумот.
Покрај тоа, Џјинпинг истакна дека има многу отворени прашања меѓу Кина и Соединетите Американски Држави кои бараат решавање.
Пекинг е иритиран од обидите на Вашингтон да го зајакне својот сојуз со Јапонија и Филипините, да обезбеди воена поддршка на Тајван и да го ограничи пристапот на Кина до напредните полупроводнички технологии.
Сепак, и покрај зголемените противречности, Блинкен ја уверил кинеската страна дека САД се посветени на развивање на односите „за добробит на двата народа“, пишува „Политико“.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.