Свет
(Фото+видео) Се срушија два моста во Русија – 7 загинати, десетици повредени

Два моста се урнаа во Русија во текот на ноќта, при што седум лица загинаа, а десетици се повредени.
Во регионот Брјанск, воз излета од шините откако врз него падна мост. Загинаа возачот и уште шест лица, а повредени се околу 70 лица.
While it seems that Russia is likely prepping the propaganda foundation to blame their Bryansk bridge collapse on Ukraine, a reminder that bridges are constantly collapsing in Russia, not requiring any help from Ukraine at all.
Here's a recent list:
Today – Bryansk Region
A… pic.twitter.com/VITmqPlVCp— SPRAVDI — Stratcom Centre (@StratcomCentre) June 1, 2025
Руските железници првично објавија дека уривањето на мостот во Брјанск е резултат на „нелегално мешање во работењето на транспортот“, но објавата подоцна беше отстранета.
Гувернерот на Брјанск, Александар Богомаз, на Телеграм изјави дека 47 лица се хоспитализирани.
„Меѓу повредените има три деца, а едно е во сериозна состојба“, рече тој.
🚨 BREAKING: Bridge COLLAPSES on Passenger Train in Russia’s Bryansk — Explosion Confirmed Civilians Crushed 🚨
Absolute devastation unfolds in Russia’s Bryansk region as a civilian passenger train is catastrophically struck by a collapsing bridge — reportedly triggered by an… pic.twitter.com/rarzh9J94J
— PatriotJosh (@Patriot_Josh11) May 31, 2025
Подоцна, мост се сруши во рускиот Курскиoт регион додека товарен воз минувал преку него. Во овој инцидент, повреден е еден од машиновозачите.
More footage of the derailment of a Russian freight train in the Kursk region due to the collapse of a bridge span. https://t.co/M7tvawoehL pic.twitter.com/dSGAmavNSJ
— Special Kherson Cat 🐈🇺🇦 (@bayraktar_1love) June 1, 2025
Андреј Клишас, висок член на Советот на Федерацијата, горниот дом на рускиот парламент, изјави во апликацијата за пораки Телеграм дека инцидентот во Брјанск покажува дека „Украина одамна ги изгубила атрибутите на држава и се претворила во терористичка енклава“.
Засега од Украина нема коментар.
Американскиот претседател Доналд Трамп ги повика Москва и Киев да работат заедно на договор за ставање крај на војната, а Русија предложи втора рунда разговори лице в лице со украинските претставници во Истанбул во понеделник.
Украина не се обврза да присуствува на разговорите, велејќи дека прво треба да ги види предлозите на Русија, додека еден водечки американски сенатор ја предупреди Москва дека ќе биде „силно погодена“ од новите санкции на САД.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Црна Гора планира да произведува дронови; САД: Покажуваат дека се сериозни

Црна Гора планира да започне со производство на беспилотни летала во соработка со американска компанија, а првата серија ќе биде донирана на Украина, објавија денес црногорските медиуми, повикувајќи се на „писмо за намери“ усвоено од владата во Подгорица кон крајот на мај.
Во тој документ, како што објави Радио Слободна Европа, црногорската влада наведува дека оваа иницијатива ќе ги подобри капацитетите на војската во однос на НАТО, ќе ги поддржи одбранбените потреби на Украина, како и позицијата на Црна Гора како сигурен снабдувач на најсовремена одбранбена опрема на глобалниот пазар.
Се нагласува дека договорот вреден 15 милиони долари ќе биде поддржан и од американската администрација предводена од претседателот Доналд Трамп. Писмото за намери усвоено од црногорската влада на 29 мај наскоро ќе го потпишат црногорскиот министер за економски развој Ник Ѓељошај и Роберт Џ. Донахју, директор на компанијата „Бај Лајт Профессионал ИТ Сервисиз ДОО“. Тоа ќе биде претходница на договорот што треба да се потпише во септември.
Договорот предвидува користење на компании од Црна Гора и регионот за тестирање на воздушни и подводни технологии на беспилотни системи. Исто така, се наведува дека владата на Црна Гора се согласува да ја донира првата серија беспилотни системи од рано производство и сродна одбранбена опрема на Украина.
Амбасадата на САД објави дека договорот, доколку биде одобрен, ќе промовира заедничка безбедност, стабилност и напредок и дека владата на САД ги охрабрува сите земји-партнери да инвестираат и да соработуваат со американските компании.
„Инвестирањето во одбранбени капацитети, како што се американските беспилотни воздушни системи, ја покажува сериозноста на Црна Гора во исполнувањето на своите обврски кон Алијансата во време кога бараме од Европа да преземе поголем товар за нејзината безбедност“, порачаа тие.
Европа
Естонија се повлекува од Конвенцијата за забрана на противпешадиски мини, стравува од Русија

Парламентот на Естонија денес гласаше за повлекување од Конвенцијата од Отава со која се забранува употребата на противпешадиски мини, поради загриженост за потенцијална воена закана од соседна Русија.
Осумдесет и еден од 101 пратеници го поддржаа предлогот, соопшти прес-службата.
Сите пет земји од Европската Унија и НАТО што граничат со Русија – Литванија, Латвија, Естонија, Полска и Финска – објавија планови за повлекување од меѓународниот договор поради воената закана што ја претставува нивниот многу поголем сосед.
Русија не е членка на Конвенцијата од Отава и користеше мини при инвазијата на Украина. Гласањето на Естонија следеше по гласањето на Латвија и Литванија, чии парламенти веќе го одобрија повлекувањето. Земјите ќе можат да складираат и распоредуваат мини шест месеци откако ќе ги известат другите членки на договорот и Обединетите нации за нивната одлука. Ниту една од петте земји сè уште не го сторила тоа.
Регион
Европската комисија не се откажува од рудникот за литиум во Србија, тој се појави на новата листа

Европската комисија денес објави список од 13 стратешки проекти во областа на критичните суровини во трети земји, вклучувајќи го и проектот Јадар во западна Србија, кој предизвика силни протести и спротивставување во таа земја.
Списокот на стратешки проекти во областа на критичните суровини во трети земји вклучува проекти во Канада, Гренланд, Казахстан, Норвешка, Србија, Украина, Замбија, Нова Каледонија, Мадагаскар, Малави, Јужна Африка и Обединетото Кралство.
Според проценката на Комисијата, избраните проекти, од кои повеќето се однесуваат на суровини неопходни за производство на електрични возила и батерии, како што се литиум, никел, кобалт, манган и графит, бараат вкупно 5,5 милијарди евра капитални инвестиции за да започнат со работа.
На листата е вклучен и проектот Јадар во долината на реката Јадар во западна Србија, кој предизвика широко распространето негодување и отпор поради страв од загрозување на здравјето на луѓето и животната средина.
На почетокот на 2022 година, српската влада го поништи усвоениот просторен план за рудникот во долината на реката Јадар и го запре проектот. Сепак, во јули минатата година, повторно донесе одлука со која му дозволи на британско-австралискиот рударски гигант „Рио Тинто“ да го рестартира својот проект за рударство на литиум.
Избраните стратешки проекти ќе добијат поддршка од Комисијата, земјите-членки и финансиските институции во форма на полесен пристап до финансирање. Комисијата, исто така, ќе ја зајакне соработката со трети земји за да се обезбеди развој на овие проекти, особено преку стратешки партнерства што веќе се воспоставени со некои од земјите.