Министерката за труд и социјaлна политика, Jованка Тренчевска денеска имаше воведно обраќање на тркалезната маса на тема „Заедно до брзо решение на насилството врз жените и семејното насилство“, организирана од Сојуз – Национален совет за родова рамноправност.

Министерката Тренчевска истакна дека брзите решенија во справувањето со насилството врз жените, се приоритет на Владата и Министерството за труд и социјална политика и не само справување со акутното насилство туку и долгорочно решавање на секој индивидуален случај на насилство врз жените.

„Родово базираното насилство врз жените и семејното насилство се јавува во сите општества дури и во најразвиените држави можеби некаде е повидливо, а некаде затскриено, но тоа постои и затоа пред него не смееме ниту да молчиме, ниту да го игнорираме. Напротив, треба да ја подигнуваме свеста за негово препознавање и постапување,“рече Тренчевска.

Република Северна Македонија беше меѓу првите земји што ја потпишаа Конвенцијата за спречување и борба против насилството врз жените и домашното насилство (Истамбулска конвеција) за која во декември 2017 година, Собранието на Република Северна Македонија го усвои Законот за ратификација. Инструментот за ратификација беше предаден на 23 март 2018 година, а Конвенцијата влезе во сила на први јули 2018 година.

Во насока на имплементација, Владата на Република Северна Македонија во 2018 година усвои „Акциски план за спроведување на Конвенцијата за спречување и борба против насислтвото врз жените и домашното насилство на Република Македонија 2018-2023.

„Врз основа на активностите кои произлегуваат од Првата стратешка цел на Акцискиот план за спроведување на Конвенцијата во 2021 година донесен е Законот за спречување и заштита од насилство врз жени и семејно насилство. Законот e целосно усогласен со Истанбулската конвенција и има за цел проширување на системот на превенција и заштита на сите облици на родово базирано и семејно насилство, “истакна Тренчевска.

Таа рече и дека Министерството за труд и социјална политика посветено работи на унапредувањето на системот за справување со родово базираното насилство врз жените и семејното насилство. Во тој контекст се подготвија пет (5) подзаконски акти кои се однесуваат на итните и привремени мерки за постапување и дополнително се работи интензивно на уште 3 подзаконски акти со што ќе се обезбеди сеопфатен пристап, координиран мултидисциплинарен одговор како и систем за градење на капацитетите на професионалците, интегрирано собирање на податоци како и реинтеграцијана жртвите на родовото базиранто насилство врз жените и семејното насилство во согласност со меѓународните стандарди.

„Министерството за труд и социјална политика на територијата на Република Северна Македонија има воспоставено специјализирани сервиси за жени жртви на родово базирано насилство и семејно насилство во 7 плански региони на територијата на РСМ. Воспоставени се 13 Центри за жени жртви (и нивните деца) на семејно насилство, 10 специјализирани советувалишта за жени жртви на насилство и семејно насилство, 8 специјализирани советувалишта за психо-социјален третман за сторители на семејно насилство,“ рече Тренчевска.

Министерката порача дека Министерството за труд ќе продолжи со поддршката на здруженијата на граѓани коишто даваат услуги за жртвите на родово базираното насилство согласно Законот за социјална заштита. Заложбата на министерството е унапредување на човековите права, еднаквост и борба против секаков вид на насилство.

​

Клучна дилема со која средношколците се соочуваат по завршувањето на средното образование е што и каде понатаму? Професионалната надградба е еден од значајните животни предизвици. Оттука, изборот на факултет обично е поврзан со две клучни прашања:

Што можам најдобро да направам за својата иднина? и „Кој е вистинскиот избор за мојот факултет?“

Одговорот на овие исклучителни важни прашања треба да се најде во нашите способности, кои се збир на нашите внатрешни и природни таленти, нашето досегашно искуство и достигнувања и на тоа што силно го посакуваме.

Психолошкото тестирање на природните и внатрешните способности и таленти, кои силно го одредуваат начинот на кој пристапуваме и решаваме проблеми и нашиот вроден стил на размислување и расудување, ни помага полесно да ги одвоиме важните од ирелевантните фактори при изборот на факултет.

Во согласност со променетите потреби на современиот пазар на труд, се променија и очекувањата од факултетот. Со оглед на големата динамика на варијабилност на современиот свет на работа, очигледно е дека универзитетското образование не може да обезбеди готови решенија за проблемите со кои ќе се сретнете во текот на долгиот работен век.

Но, она што може да ви обезбеди е поставување на добра основа за дефинирање на проблемот, како и знаење на кои начини можете да одите во потрага по решение.

Универзитетското образование ќе ви ги развие вештините за наоѓање квалитетни извори на информации, оценување на нивната вредност и извлекување заклучоци.

При изборот на идна професија, повеќето студенти не се запознаени кои професии или занимања се најплатени, ниту пак имаат податоци за тоа кои професии се дефицитарни или се премногу на македонскиот пазар.

Ваквата состојба придонесува за неспојливост на образовниот систем со состојбите на пазарот, произведувајќи ги оние кадри кои веќе ги има премногу, а така доведувајќи ги илјадниците дипломирани студенти во состојба на невработеност по дипломирањето.

Како еден од подобрите во нашата земја, Американскиот универзитет на Европа – ФОН, во континуитет ги следи светските трендови, а акцентот го става на професии за различни интереси, истовремено гарантирајќи им светла иднина на студентите.

За да постигнете успешна кариера, АУЕ-ФОН нуди:

· Квалитетни студиски програми за образование на основни академски студии во согласност со вашите интереси преку акредитирани студиски програми;

· Можност за примена на стекнатото знаење во текот на студирањето во најуспешните домашни и странски компании преку организирана и задолжителна студентска пракса; · „Еразмус“ програма, во траење од еден или два семестри на некој од странските универзитети;

· Вклучување во работата на студентските организации и учество во бројни воннаставни активности кои развиваат креативност, снаодливост, натпреварувачки и претприемачки дух, способност за тимска работа и други квалитети неопходни за успешни деловни луѓе;

· „Work and study“ програма за практична обука која им овозможува на студентите да стекнат практично искуство и директна соработка со различни индустрии и реномирани компании.

На факултетите кои се дел од АУЕ-ФОН ќе се стекнете со вештините за презентирање и добро аргументирање на сопствените идеи, како и тимската работа, а тоа се клучни вештини во деловниот свет.

Изложеноста на современите трендови и можностите за примена на знаењата за време на студиите се уште еден важен аспект на студирањето.

АУЕ-ФОН нуди можност да стапите во контакт со претставници од различни компании и да се испробате во некоја област, а со тоа ќе може да се запознаете себеси, своите можности и способности.

Тие исто така ве насочуваат кон сегментите на знаења и вештини кои треба да ги подобрете, со цел да се премости јазот помеѓу студиите и светот на работата.

Од исклучителна важност за вашите време на вашите студии, е да имате добар однос со професорите. Наставниот кадар на АУЕ-ФОН е секогаш достапен за студентите, па така ќе имате одговор на секое поставено прашање, во било кое време.

Професионалниот пат станува се пофлексибилен, така што изборот на факултет повеќе не ве одредува цврсто како порано. Затоа, обидете се да гледате на тој избор повеќе со возбуда од започнување ново истражување, отколку со страв дека ќе направите непоправлива грешка.

Преку достапната линија за консултации на АУЕ-ФОН, може да ги дознаете сите информации поврзани со факултетите кои се дел од универзитетот. Нека вашето ново поглавје биде АУЕ-ФОН !

https://fon.edu.mk/?ln=mk

ПР

Настанот „Вози право, вози здраво“ повторно се враќа на скопските улиците.

На 5 јуни (недела) градот шести пат ќе биде преплавен со велосипеди, тротинети, ролери, скејтборди и бебешки колички, кои ќе возат на улиците ослободени од автомобили, а луѓе од сите возрасти ќе се забавуваат и ќе дадат свој придонес за почиста животна средина.

Пријавувањето за годинешното издание на „Вози право, вози здраво“ веќе почна. Сите што сакаат да учествуваат може да се регистрираат на следниот линк, со што ќе добијат бројче што може да го подигнат од 1 до 4 јуни во i-bank store-филијалата на Стопанска банка АД Скопје. Стартот на трката е закажан за 18 часот од Порта „Македонија“, а целта е во Градскиот парк, каде што ќе се организираат голема забава и богата лотарија за учесниците.

„На ‘Вози право, вози здраво’ сите се победници и затоа не се мери времето. Главната цел на настанот е учесниците да се забавуваат и да придонесат за промоција на здравите животни навики, користење еколошки средства за транспорт и за зачувување на животната средина. Стопанска банка ќе обезбеди вода, освежување, сладолед и грицки за учесниците, а за добрата забава на крајот ќе се погрижи Baskerfest. На крајот од настанот ќе има богата лотарија за регистрираните учесници, во која најсреќните ќе добијат 10 велосипеди SPECIALIZED, 10 часовници Apple, како и 20 звучници JBL Clip 4 заедно со торби за велосипед“, велат организаторте на настанот.

Шестото издание на „Вози право, вози здраво“, во организација на Стопанска банка АД Скопје, се организира по пауза од две години поради пандемијата. На последниот настан во 2019 година имаше 7.800 регистрирани учесници.