Официјални лица во Прага и Министерството за труд соопштија дека биле изложени на сајбер-напад врз нивните електронски адреси.

Градоначалникот на Прага рече дека нападот врз системите на јавните служби бил од поголем обем додавајќи дека сепак не предизвикал поголема штета.

Како што напиша градоначалникот Зденек Хриб на својот профил на „Твитер“, градските сервери го преживеале нападот.

„Ројтерс“ ја пренесе неговата изјава од утрово дека градската електронска пошта функционира и дека нема потреба да се обновуваат податоците.

Министерката за труд, Јана Малакова, изјавила дека и нејзиното министерство било нападнато, без да даде други детали.

Повеќе од 90 проценти од пациентите со најтешки форми на Ковид-19 во Германија потекнуваат од мигрантското милје, изјави познатиот германски пулмолог Томас Вошар.

Томас Вошар, пулмолог, раководител на Клиниката за белодробни заболувања во Морс и претседател на Германското здружение на пулмолозите, на експертската конференција рече дека истражувањето покажало оти најболни се пациентите што имаат комуникациска бариера во Германија, пренесува германски „Билд“.

Вошар додаде дека за тоа ги предупредил канцеларката Ангела Меркел и министерот за здравство, Јенс Шпан.

More than 50% of ICU Covid patients in Germany are Muslim immigrantshttps://t.co/bKZGwVTfQv

— Old Holborn® (@Holbornlolz) March 3, 2021

Тој вели дека предупредувањата на германската влада за опасноста од вирусот не допираат до мигрантските заедници.

„Според мојата анализа, повеќе од 90 проценти од интубираните, најсериозно болни пациенти, доаѓаат од мигрантското милје“, рече Вошар.

Шефот на Институтот „Роберт Кох“, Лотар Вилер, рече дека тоа е табу-тема и додаде дека меѓу пациентите на интензивна нега поради коронавирусот, дури 50 проценти биле муслимани, иако тие сочинуваат само 4,8 проценти од населението во Германија.

Вилер ги повика германските власти да се обидат да допрат до мигрантите.

„Во нашата земја постојат паралелни општества. Тоа можете да го поправите само со работа на терен, на пример, преку имами во џамии, но не успеваме“, додаде Вилер.

Според „Билд“, оваа тема е табу во Германија бидејќи владата стравува оти може да предизвика расна дебата.

Ситуацијата со Ковид-19 во Франција може да се подобри во следните четири-шест недели кога ќе се вакцинираат повеќе луѓе, што може да доведе до постепено враќање во нормален живот, рече францускиот министер за здравство, Оливие Веран.

Тој за телевизијата БФМ изјави дека Франција прави сè што може за да спречи нов национален карантин, иако владата ги држи отворени сите можности.

Владата засега ја поштеди од затворање зоната на Париз за време на викенд и вети дека ќе го забрза спроведувањето на вакцинациите на 20-ина зони со висок ризик во обид да го намали притисокот врз болниците и да спречи понатамошни ограничувања.

Веран исто така рече дека Франција може да ја блокира испораката на вакцини во странство, слично на мерката што ја презела Италија.