Топ
Гостиварец осомничен за убиство на неговата сопруга, ја нападнал со нож и секира
Шеесет и седумгодишен жител на Гостивар е осомничен за убиство на неговата сопруга. Според информациите на Обвинителството, тој со нож и секира на жената ѝ нанел повеќе убодни рани, од кои починала. Осомничениот е во бегство.
Настанот бил пријавен утринава околу 7 часот од синот на жртвата, гостиварка на возраст од 60 години. Осомничен за стореното кривично дело е нејзиниот сопруг, 67-годишен жител на Гостивар, со кого жртвата подолго време имала нарушени односи.
„Според првичните сознанија на Обвинителството, осомничениот ја нападнал оштетената, па со употреба на секира и нож ѝ нанел повеќе убодни рани по телото. Јавниот обвинител издаде наредби за обезбедување и прибирање на траги од местото на настанот, кои ќе бидат предмет на натамошно вештачење. Издадена е наредба за обдукција на телото на починатата“, соопштија од Обвинителството.
Осомничениот е во бегство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Uncategorized
Нови првични резултати: Ѓорѓиевски води во Скопје, Герасимовски во Центар, во Карпош Лукровски
Според првичните резултати од вториот круг на локалните избори 2025, во Скопје води кандидатот на ВМРО-ДПМНЕ, Орце Ѓорѓиевски со над 71.875 гласа наспрема Амар Мециновиќ од Левица со 41.522 гласови од пребројани вкупно 77,53 отсто од избирачките места.
Во повеќето општини водство има Ѓорѓиевски, освен во Карпош и Центар, каде повеќе гласови има Мециновиќ.
Во Карпош, од 62,22 отсто обработени гласови Стевчко Јакимовски има 42,56 отсто или 7.641 гласови, додека кандидатот на ВМРО-ДПМНЕ и коалицијата Сотир Лукровски 47,65% или 8.555 гласови.
Во Центар од 75,15% обработени гласови, кандидатот на ЗНАМ Мирослав Лабудовиќ има 38,63% или 6.138 гласови, додека кандидатот на СДСМ, Горан Герасимовски има 52,39% или 8.325 гласови.
Македонија
До 18 и 30 часот гласале 45,71 отсто од гласачите, во Скопје излезноста е 33,82 отсто
До 18 и 30 часот гласале 45,71 отсто од гласачите, во Скопје излезноста е 33,82 отсто, соопшти Државната изборна комисија.
Според добиени податоци од 97,60 отсто или 1.340 избирачки места во кои се запишани се 712.549 гласачи, гласале 325.691 односно 45,71 отсто на ниво на цела држава.
По општини состојбата е следна Аеродром гласале 42, 72 отсто, Боговиње 39, 29, Дебар 41, 21, Демир Капија 72, 64, Дојран 72, 78, Карпош 48, 09, Кичево 51, 34, Кочани 40, 44, Крушево 68, 60, Куманово 33, 43, Струга 40, 14, Тетово 44 35, Центар 46, 14, Шуто Оризари 30, 75 отсто.
За Град Скопје од вкупно 474, 304 гласачи во 10 скопски општини бројот од 100 отсто обработени избирачки места, гласале 160.131 избирачи или 33,82 отсто.
Од ДИК соопштија дека сите избирачки места се затворени во 19 часот. Конечната излезност ќе биде соопштена во 23 часот.
Македонија
Мицкоски: Ова е ден кога народот зборува
Денеска го исполнивме нашето демократско право, правото на глас, обврската што секој граѓанин ја носи со себе како дел од оваа татковина, вели претседателот на ВМРО-ДПМНЕ и премиер, Христијан Мицкоски.
„Гласот е тивок, но моќен инструмент, и токму затоа ве повикувам сите искрено и масовно да излезете, да застанете зад она во што верувате и да го направите вистинскиот избор!
Ова е ден кога народот зборува. Ден кога секој од нас има еднаква тежина, еднаква чест и еднаква одговорност.
Нашиот глас е нашата сила, да ја искористиме достоинствено“, пирача Мицкоски

