Малтешката министерка Џастин Каруана денеска поднесе оставка по извештаите во медиумите за поврзаноста на нејзиниот сопруг со осомничен за убиството на новинарката Дафне Каруана Галиција.

Според малтешкиот „Сандеј тајмс“, нејзиниот сопруг патувал во Лондон на фудбалски натпревар со бизнисменот Јорген Фенек во септември 2018 година, кога тој веќе бил под истрага.

„Јас поднесувам оставка како министер, откако беа објавени извештаи за медиумите, иако немам никаква врска со тоа“, наведе таа во своето писмо за оставката.

Вчера, нејзиниот сопруг Силвио Валтеа, кој ја водеше истрагата за убиството и беше разрешен од случајот кон средината на 2018 година поради судир на интереси, изјави дека не знаел оти Фенек е осомничен кога патувал со него.

Неколку поранешни владини функционери на премиерот Џозеф Мускат, исто така, поднесоа оставки во врска со политичката криза по убиството на новинарката Дафне Галиција во 2017 година, а пред неколку дена тоа го направи и шефот на полицијата во Малта.

Карун-Галиција, која пишуваше блог за корупцијата, беше убиена во Валета 2017 година откако под нејзиниот автомобил беше поставен експлозив.

Рускиот претседател Владимир Путин денеска во Долниот дом на парламентот го поднесе во пакетот уставни измени.

Документот, кој содржи измена на член 81, став 4, во врска со претседателот на Русија, е објавен во електронската база на податоци на Државната дума.

Според тој член, во моментов руски државјанин од 35 години и повеќе кој престојувал во земјата најмалку 10 години може да биде избран за претседател на Русија, пренесува ТАСС.

Измените предвидуваат дека за претседател на Русија може да биде избран руски државјанин кој има 35 години или постар, а кој престојувал во Русија најмалку 25 години и нема, ниту, пак, некогаш имал странско државјанство или постојан престој во друга земја.

Рускиот претседател Владимир Путин минатата среда, во говорот за состојбата на нацијата пред парламентот, предложи амандман на рускиот устав кој ќе ги зголеми овластувањата на парламентот и на владата.

Путин претходно денеска го сменил рускиот јавен обвинител Јури Чајка, а го испратил името на неговиот наследник Игор Краснов како предлог за нов јавен обвинител на разгледување во Горниот дом на парламентот.

Според властите, 68-годишниот Чајка ја напушта позицијата на која е од 2006 година, за друга позиција која сè уште не е позната.

Турција досега не испратила војници во Либија како поддршка за меѓународно признатата влада, изјави денеска турскиот претседател Реџеп Тајип Ердоган и додаде дека Анкара досега само распоредила воени советници и инструктори.

Ердоган минатата недела соопшти дека Турција почнува да испраќа војници во Триполи.

Денеска, на враќање од самитот за Либија во Берлин, Ердоган рече дека напорите на Турција на состанокот создале основа за примирје помеѓу завојуваните страни, информира турската телевизија НТВ.

Тој додаде дека присуството на Турција во Либија ги зголемило надежите за мир.