Европа

Научниците бараат 4.000 доброволци за корона-експеримент на концерт

Објавено пред

4 недели

- 18 јули, 2020

Од

Германски научници бараат 4.000 доброволци кои ќе учествуваат на експериментален концерт на 22 август во Лајпциг, како би се утврдило колкав е ризикот од пренесување на коронавирусот на настани на кои се собираат голем број луѓе, објави „Дојче веле“.

Експериментот го организира тим истражувачи од Универзитетската клиника во Хале на истокот на Германија. Сите учесници, на возраст меѓу 18 и 50 години мора да имаат негативен тест за коронавирусот. Концертот ќе се одржи на 22 август во Лајпциг, а на него ќе настапи популарниот поп-пејач Тим Бенко, со цел однесувањето на публиката да биде што поблиско до реалноста, велат организаторите.

На концертот доброволците мора да носат „ФФП2“ филтер маски, а во експериментот ќе се користи и флуоресцентно средство за дезинфекција. Ова средство, освен за заштитни цели, ќе се користи и за следење на тоа кои површини публиката најчесто ги допира.

Учесниците во експериментот ќе добијат и уред кој ќе им овозможи на научниците да го следат нивното движење и оддалеченоста од другите. Научниците веруваат дека најголем предизвик ќе биде проценката на податоците, а планот е да се тестираат три можни сценарија.

Првото сценарио е без дистанцирање и други мерки за заштита од коронавирусот, потоа се предвидува побавен влез на публиката на повеќе влезови, со построги заштитни и хигиенски мерки, а третото сценарио вклучува волонтери кои ќе седат на трибините, на растојание од 1.5 метри едни од други, а во овој дел од експериментот треба да учествуваат 2 илјади луѓе.

Експериментот има за цел да утврди под кои условии би било можно повторно да се одржуваат настани со голем број луѓе, кои во Германија би требало да бидат дозволени од 30-ти септември. Покрај тоа, цел на експериментот е да се утврди со колку други луѓе, еден посетител има контакт кога присуствува на ваков настан.

Истражувачите се надеваат дека резултатите можат да помогнат во формулирањето на математички модел што ќе се користи за да се спречи ширењето на вирусот на големи настани. Првите резултати од студијата се очекува да бидат готови до крајот на септември, односно, четири до шест месеци по спроведувањето на експериментот.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Кралицата Елизабета одбележува 25.000 дена на престолот

Претходно

(Видео) Десетти ден по ред протести во Бугарија, се бара оставка од Владатa

Европа

(Видео) Во Шкотска воз излета од шините и се запали, повеќе од 30 амбулантни возила на местото на настанот

Објавено пред

11 час

- 12 август, 2020

Од

Макфакс

Во Абердиншир, Шкотска, воз излета од шините.

Според првите извештаи, возот потоа се запалил и на местото на настанот била повикана брза помош, пишува „Еј-би-си њуз“.

These are pictures from Aberdeenshire in Scotland where a train has derailed near Stonehaven pic.twitter.com/M8z1N9qB9o
— Chris Chambers (@CapitalChambo) August 12, 2020

„Во моментот реагираме на инцидент на линија во Абердиншир, каде што воз излета од шините“, објави британската сообраќајна полиција на „Твитер“.

We’re assisting the emergency services with an incident near Stonehaven and will provide more information when available.
— ScotRail (@ScotRail) August 12, 2020

„Полициските службеници се повикани на местото на настанот во 9.43 часот по полноќ и беа таму заедно со пожарникарите и медицинскиот персонал“, додаде полицијата.

Засега нема официјални информации за повредените, а медиумите јавуваат дека на местото на настанот пристигнале повеќе од 30 амбулантни возила.

Прикажи повеќе...

Европа

Во Белорусија повеќе од илјада уапсени и над 50 повредени

Објавено пред

11 час

- 12 август, 2020

Од

Макфакс

Повеќе од 50 лица се повредени во синоќешните протести во Белорусија, соопшти Министерството за здравство.

„Синоќа се повредени 51 лице, кои се примени во ургентните центри и болниците во Белорусија, а на сите им е укажана целосна медицинска помош. Најчести повреди се скршеници, повреди на меките ткива, екстремитетите, градите и абдоменот“, се вели во соопштението на Министерството за здравство.

Министерството за внатрешни работи на Белорусија соопшти дека повеќе од илјада лица, кои учествувале на нелегални демонстрации, се уапсени и задржани во притвор минатата ноќ.

„Во текот на ноќта на 11 август и во утринските часови на 12 август регистрирани се нелегални собири на граѓани на 25 локации. Повеќе од илјада лица, кои учествувале во илегални масовни демонстрации, беа уапсени и приведени“, се вели во соопштението на полицијата.

Истражните органи поведоа 17 кривични пријави против лица што учествувале во напади врз полицајци, се вели во соопштението на полицијата, додавајќи дека демонстрантите се обиделе да го блокираат јавниот сообраќај во Минск и другите поголеми градови во Белорусија.

Прикажи повеќе...

Европа

Борел бара состанок на министрите на ЕУ поради Турција, Белорусија, Либан

Објавено пред

12 часа

- 12 август, 2020

Од

Макфакс

Европскиот министер за надворешни работи, Жозеп Борел, изјави дека ќе побара вонреден состанок на министрите за надворешни работи на ЕУ во петок попладне.

Состанокот го бара поради ситуацијата во источниот Медитеран, Белорусија и во Либан.

„Ќе разговараме за итни работи и решавање на ситуацијата на источниот Медитеран, претседателските избори во Белорусија и развојот на ситуацијата во Либан“, напиша Борел на својот „Твитер“.

Прикажи повеќе...