Македонија
Најчевска одбила да учествува во расправата за уставните амандмани поради Владо Поповски
Професорката Мирјана Најчевска одбила да учествува на јавната расправа за уставните амандмани што ја организира Владата. Таа, како што вели, добила покана, но ја одбила бидејќи еден од главните говорници е професорот Владо Поповски.
„Тоа е оној човекот со сите бои и за сите влади. Компромисен. Неконфликтен. Човек што ни во сон нема да се спротивстави на ниеден режим… Сметам дека Владо Поповски е дискредитиран како стручњак во повеќе наврати и има нанесено неверојатно голема штета во развојот на Македонија како правна и демокатска држава. Од тие причини, да одам на јавна расправа на која тој се појавува како посебен говорник, за мене, е не само понижувачко туку и невкусно“, напиша Најчевска на „Фејсбук“.
Поповски е актуелен советник во Советот на Град Скопје од ВМРО-ДПМНЕ. Тој пред неколку месеци јавно кажа дека договорот со Грција е добар и дека е илузија оти некој друг би можел да издејствува подобра спогодба за Македонија.
На денешната јавна расправа во Владата, освен Поповски, за уставните амандмани ќе говорат и професорот Љубомир Фрчкоски и премиерот Зоран Заев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен режим на сообраќај денеска во Скопје
Денеска, во официјална посета на Република Северна Македонија ќе престојува генералниот секретар на НАТО, Н.Е. Марк Руте.
Поради посетата, Единицата за безбедност на патниот сообраќај ќе преземе мерки за воспоставување посебен режим на сообраќај во централното градско подрачје на Град Скопје.
СВР Скопје апелира до сите граѓани учесници во сообраќајот да ги почитуваат наредбите и насоките што ќе ги даваат полициските службеници, со цел безбедно и непречено одвивање на сообраќајот.
Македонија
Без вода делови од Центар и Сарај
Од ЈП Водовод и канализација – Скопје, известуваат дека денеска:
· Поради дефект на водоводна цевка со пречник од Ф-2 цол на улицата Св. Кирил и Методија 38 (на паркингот кај Трготекстил), 09:00 часот до санирање на дефектот, прекинато водоснабдување ќе имаат корисниците на дел од ул. Св. Кирил и Методија, општина Центар;
· Поради чистење и дезинфекција на двете комори во резервоарот за питка вода во село Бојане, во наредните 4 дена (03.03 до 06.03.2026 година) помеѓу 08:00 и 13:00 часот, можно е да има намален притисок и краткотрајни прекини на водоснабдувањето во село Бојане, општина Сарај.
Македонија
Делови од Бутел и Карпош денеска без струја
Од ЕВН Македонија АД известуваат дека поради зафати во електродистрибутивната мрежа, денеска без електрична енергија ќе останат:
· од 08:30 до 15:00 часот, корисниците од стопанските објекти во Индустриската зона – Момин Поток, општина Бутел;
· од 09:00 до 15:30 часот, корисниците од ул. Јан Хус бр. 11а, општина Карпош.

