Контакт

Свет

Полицијата во Сиднеј доби поголеми овластувања во борбата против коронавирусот

Објавено пред

Полицијата во Сиднеј доби поголеми овластувања во контрола на спроведување на мерките за заклучување и дополнителна воена помош за да го спречи забрзаното ширење на делта-сојот.

Бидејќи дури и по седум недели заклучување, бројот на новозаразени расте од ден на ден, полицијата ќе може да ги спречи граѓаните кои ги користат дупките во рестриктивните мерки за да патуваат надвор од градот.

На таквата одлука ѝ претходи појавата на неколку нови жаришта во градовите низ Нов Јужен Велс што го поттикнува стравот од неконтролирано ширење на вирусот.

Дневниот број на заболени во Нов Јужен Велс продолжува да руши рекорди – вчера се регистрирани 344 нови случаи.

Австралија во голема мера успеа да избегне голем број заболени како во многу други земји, со нешто помалку од 37.400 вкупно случаи на заболени и 944 смртни случаи.

Но, брзото ширење на делта-сојот во Нов Јужен Велс и бавното вакцинирање на населението значи дека на Австралија и понатаму ѝ се заканува можност од нов бран на инфекција.

Само околу 24 проценти од населението над 16 години е целосно вакцинирано.

Свет

Во Вашингтон протест и контрапротест во врска со насилниот упад во Конгресот

Објавено пред

Вашингтон денеска е во состојба на готовност, пред собирот на поддржувачите на поранешниот претседател Доналд Трамп, кои ќе излезат на улица за да ги поддржат демонстрантите кои упаднаа во Капитол на 6 јануари.

Црната ограда, која беше поставена околу комплексот шест месеци по смртоносните настани во срцето на aмериканската демократија, беше вратена на тоа место, заедно со надзорни камери, непосредно пред собирот „Правда за Ј6“ (6 јануари) што ќе се одржи в петок во 18 часот по локално време.

Службеници од агенциите за внатрешна безбедност предупредија на можно насилство, се вели во разузнавачкиот извештај објавен од американските медиуми.

Во близина на протестот за поддршка на Трамп ќе се одржи контрасобир, пренесува „Франс прес“.

„Свесни сме за малиот број неодамнешни закани преку интернет за можно насилство, а поврзани со планираниот собир, вклучително и за дискусии ден пред протестите кои поттикнуваат насилството“, се наведува во документот на Министерството за внатрешна безбедност, кој го пренесе Си-ен-ен.

Американските власти очекуваат околу 700 демонстранти. Во времето на собирот нема да има членови на таа институција во Конгресот, кои главно уште се на летни одмори и нема да се вратат до следната недела.

Организаторот Look Ahead America (Гледај напред, Америко) планира слични настани низ САД во наредните недели, а организацијата вели дека нејзината цел е да ги поддржи луѓето на кои им се суди за ненасилни прекршоци.

Демонстрантите се повикуваат да ги почитуваат безбедносните сили и да се воздржат од носење обележја поврзани со Трамп.

Илјадници поддржувачи на поранешниот претседател од Републиканската партија, многумина од нив поврзани со екстремната десница и расистички групи, упаднаа во Конгресот пред осум месеци, бидејќи институцијата ја потврди победата на Џо Бајден на претседателските избори, кои Трамп ги оспори.

„Нашите срца и умови се со оние што се неправедно гонети за протестите на 6 јануари, поврзани со наместените претседателски избори“, рече Трамп во четвртокот.

За настаните беше покренато обвинение против 600 лица, а десетици се изјаснија за виновни.

Повеќето од нив се соочуваат со помали, прекршочни казни, но на некои им се закануваат и подолги затворски казни, пишува „Франс прес“.

Прикажи повеќе...

Свет

Советот за безбедност на ОН едногласно усвои резолуција за Авганистан

Објавено пред

Советот за безбедност на Обединетите нации денеска едногласно усвои резолуција во која се нагласува дека новата талибанска власт во Авганистан мора да формира инклузивна влада со целосно, еднакво и значајно учество до 2022 година, што ќе им даде време на членовите да ги проценат своите постапки за почитување на човековите права.

Резолуцијата усвоена од Советот за безбедност на ОН го продолжува тековниот мандат на политичката мисија на ОН во Авганистан за шест месеци, објави АП.

Претходно денеска амбасадорот на Авганистан, кој ја претставуваше соборената администрација во ОН, Гулам Исакзај, побара да остане на таа позиција во Њујорк, соопшти портпаролот на ОН, Фархан Хак.

Според него, Исакзај потпишал писмо испратено до генералниот секретар на ОН, Антонио Гутереш, со список на авганистанската делегација за Генералното собрание.

Не е познато дали талибанците, кои ја преземаа власта во Авганистан минатиот месец, ќе предложат свој претставник во ОН.

Хак посочи дека Исакзај го испратил своето барање за акредитација, ден по почетокот на седницата на Генералното собрание.

Прикажи повеќе...

Европа

Во германскиот парламент набрзо може да седнат четири транс-жени

Објавено пред

По претстојните парламентарни избори во Германија, кои се закажани за 26 септември, четири трансродови лица, кои се на листата на кандидати на Социјалдемократската партија (СПД) и Зелените, би можеле да влезат во Бундестагот.

„Кој ја сака Теса, мора да гласа за Ганзерер“ – стои на плакатите на Зелените, а на нив е слика на жена со долга руса коса, која се смее.

Станува збор за кандидат кој има машко име, Маркус, од кое се откажал пред три години, бидејќи не се поистоветува со него.

Ганзерер беше член на Зелените во покраинското собрание во Баварија, првите години под машко име.

Во ноември 2018 година Ганзерер излезе во јавноста како транссексуална личност и прв таков политичар во германскиот парламент.

Оттогаш, јавно настапува како Теса Ганзерер.

Инаку, Ганзерер одбива официјално да го промени името и полот според Законот за транссексуалност.

Имено, тој закон, стар 41 година, предвидува дека лицето кое сака да ги направи тие промени, може да ги побара по барем еден психолошки сертификат и судска одлука.

Затоа Ганзерер има машко име во своите документи.

Покрај Теса Ганзерер, во Бундестагот би можеле да влезат уште три трансродови лица, Викторија Бросарт, Нике Славик од партијата на Зелените, како и социјалдемократката Рија Сибил Гејер.

„Овие избори се историски момент“, изјави Габриел Нокс Коениг од сојузната асоцијација „Транс“.

Прикажи повеќе...

Најново

Македонија1 час

29 починати и 561 нов случај на Ковид-19

Министерството за здравство информира дека во последните 24 часа се направени 4.384 тестирања, а регистрирани се 561 нов случај на...

Македонија3 часа

Почина двегодишно дете со Ковид-19 кое имало претходни здравствени проблеми

Од Министерството за здравство информираат дека во денешната статистика за Ковид-19 на Институтот за јавно здравје ќе биде заведено и...

Македонија4 часа

Од следниот месец сертификатот за вакцинација ќе важи само со две дози

Од следниот месец сертификатот за вакцинација ќе важи само со две дози, најави министерот за здравство, Венко Филипче. Тоа значи...

Македонија6 часа

„Избери живот, гласај зелено!“ – ДУИ го откри слоганот за локалните избори

„Избери живот, гласај зелено!“ е слоганот со кој Демократската унија за интеграција ќе настапи на претстојните локални избори, кои ќе...

Македонија7 часа

Русковска барала вештачење на телефонот со кој бил фотографиран Рашковски

Шефицата на обвинителството за организиран криминал и корупција, Вилма Русковска, стапила во контакт со сопственикот на порталот каде што беше...

Македонија7 часа

Обвинителството почна да ја разгледува документацијата за модуларната болница во Тетово

Основното јавно обвинителство за гонење организиран криминал и корупција пред два дена ја добило документацијата за модуларната болница во Тетово...

Македонија7 часа

Маричиќ: Власта не се меша во истрагата за пожарот во Тетово

Власта воопшто не се меша во истрагата за пожарот во модуларната болница во Тетово. Да сакаше да се меша, немаше...

Македонија8 часа

(Видео) Мисајловски: Одбивањето оставки од Владата за трагичниот случај во Тетово значи дека немаат морал

Потпретседателот на ВМРО-ДПМНЕ, Владо Мисајловски, на денешната прес-конференција во врска со трагедијата во Тетово и прашањето за оставки во Владата...

Македонија10 часа

Бугарија ѝ донира на Македонија 50.000 вакцини од „Фајзер“

Синоќа, во 21 часот пристигнаа вкупно 51.480 „Фајзер-Бионтек“ вакцини како донација од Бугарија. „Вчера, Северна Македонија доби донација од повеќе...

Регион10 часа

Словенија воведе задолжителна вакцинација за вработените во јавната администрација

Сите вработени во јавната администрација во Словенија, кои не прележале коронавирус и кои не се вакцинирани, задолжително ќе мора да...

Свет10 часа

И Холандија воведе сертификат за вакцинација за влез во ресторани, кафулиња, музеи…

Во Холандија од 25 септември за влез во кафулињата, рестораните, музеите, театрите и на културни настани ќе биде потребен сертификат...

Македонија1 ден

Косовскиот премиер не одговори дали ќе ги екстрадираат осудените во случајот „Монструм“

Министрите за правда на Македонија и Косово се во директен редовен контакт и тие соработуваат во однос на прашањето за...

Македонија1 ден

Нови правила за Македонците – влез во Швајцарија само со сертификат, во Белгија карантин за невакцинираните

Швајцарија, Белгија и Австрија донесуваат нови ковид-правила за патниците што влегуваат во нивните земји.  За Швајцарија, повеќе не е во...

Свет1 ден

(Видео) Бајден го заборави името на австралискиот премиер, нов гаф на американскиот претседател

Американскиот претседател Џо Бајден го заборави името на австралискиот премиер Скот Морисон, па го нарече „тој човек одоздола“ за време...

Македонија1 ден

МВР: На Рашковски му е дозволено да излегува од куќен притвор за да оди на лекар

Поранешниот генерален секретар на Владата, Драги Рашковски, смее да се оддалечува од домот каде што издржува куќен притвор, тврдат од...

Свет1 ден

Француската војска уби лидер на ИСИС

Францускиот претседател, Емануел Макрон, објави дека припадниците на француската војска го убиле водачот на Исламската држава во Сахара, Аднан Абу...

Македонија1 ден

Во соработка на македонската и германската полиција запленета марихуана вредна над 100.000 евра

Во Германија е запленета марихуана вредна над 100.000 евра во заедничка акција на полициите на Македонија и Германија, соопшти МВР....

Регион2 дена

(Видео) Протести против ковид – мерките во Љубљана: полицијата употреби солзавец и водени топови

Полицијата употреби водени топови и солзавец за да ги растера противниците на мерките во борбата против коронавирусот кои вечерва се...

Македонија2 дена

(Видео) Уште 44 бегалци од Авганистан пристигнаа во Македонија

На Меѓународниот аеродром во Скопје попладнево пристигнаа уште 44 бегалци од Авганистан. Од Владата соопштија дека станува збор за активисти...

Топ2 дена

Кривична пријава за жена од Дебар, го тепала нејзиниот осумгодишен син и го терала да питачи

Полицијата поднесе кривична пријава против 28-годишна жена од Дебар која физички го малтретирала нејзиниот син и го терала да питачи....

Досие