На 8 март, понеделник, по повод Меѓународниот ден на жената, со почеток во 15 часот, од пред Министерство за внатрешни работи ќе започне петтиот Марш за женски права, најави Платформата за родова еднаквост.

„На овој протестен марш под слоганот: „Држава што не постапува е држава што силува“, заеднички ќе упатиме порака дека не можеме да бидеме слободни, кога сè уште се бориме за нашите работнички права, достоинство и почит, и живееме под закана од насилство и системска дискриминација. Маршираме бидејќи држава што не постапува е држава што силува. Маршираме за поддршка на сите жртви на криминалната група „Јавна соба“ и сите жртви на родово засновано насилство“, стои во најавата.

Од таму ги повторија нивните барања Јавното обвинителство неодложно и темелно да го расчисти случајот „Јавна соба“, кривичен прогон на администраторите на групите, како и сите членови кои праќале и сѐ уште праќаат фотографии и објавуваат лични податоци на девојки и жени и сексуалното вознемирување преку интернет посебно да се регулира и во Кривичниот законик.

Потоа бараат професионално постапување, помош и поддршка на жртвите на родово засновано насилство од страна на сите надлежни институции.

ВМРО-ДПМНЕ залудно се обидува да профитира сеејќи страв и паника кај граѓаните, наредната недела започнува вакцинацијата. Влатко Ѓорчев како баба рога на прес – конференција сее страв, а заборави дека тој како дел од режимот на ВМРО-ДПМНЕ со негрижата и коруптивното 11-годишно владеење предизвика хаос во здравствениот систем, реагира СДСМ на барањата за оставка на премиерот Зоран Заев и министерот за здравство Венко Филипче од страна на Влатко Ѓорчев.

„ВМРО-ДПМНЕ во услови на пандемија, кога целиот свет се соочува во непознат вирус, кој за жал зема жртви, излегува со истрошени пресови и залудно се обидува политички да профитира внесувајќи страв и паника кај граѓаните. Влатко Ѓорчев како баба рога на прес конференција сее страв, а заборави дека тој какодел од режимот на ВМРО-ДПМНЕ со негрижата и коруптивното 11-годишно владеење предизвика хаос во здравствениот систем. ВМРО-ДПМНЕ 11 години ја остави здравствената инфраструктура да пропаѓа, не вложуваше ниту во медицинскиот кадар, единствено профитираше од коруптивни зделки во здравството“, се наведува во реакцијата.

Таквиот однос, додаваат од СДСМ, го наруши угледот на државата и здравствениот систем, нешто што, како што велат, СДСМ и институциите што ги предводи, со сите сили се обидуваат да го поправат, да ја вратат довербата во македонското здравство.

Од СДСМ велат дека и покрај глобалните предизвици за набавка на вакцини, вакцините се обезбедени, имунизацијата на населението започнува наредната недела, откако со донацијата на вакцините од Србија се вакцинираат здравствените работници од ковид центрите.

„Утре се очекуваат првите количества од руската вакцина Спутник V. Потврдено е пристигнување на 21 илјади дози од Фајзер до крајот на март, кога преку КОВАКС треба да стигнат и првите количини вакцини од „Астра-Зенека“, меѓу 20 и 30 илјади дози. За кинеската вакцина, се очекува тајминг за пристигнување, откако се завршени сите потребни административни работи. Но и покрај вакцинацијата се уште треба да се почитуваат мерките за превенција од коронавирусот, кои ВМРО-ДПМНЕ, ако се грижеше за здравјето на граѓаните немаше да ги крши и да организира масовни собири, на кои не се почитуваа протоколите за заштита“, велат од партијата.

Додека Мицкоски кршеше мерки, додаваат од СДСМ, одеше кришум по кафеани и теретани, додека ВМРО-ДПМНЕ организираше јавни собири, здравствените работници деноноќно се бореа против коронавирусот.

„Колку ВМРО-ДПМНЕ се грижат за здравјето на граѓаните покажаа со кочење на заемот за опремување на болниците, со оцрнување на здравствениот систем, а од друга страна ги поттикнуваа граѓаните да не ги почитуваат мерките. ВМРО-ДПМНЕ со морбидни перформанси си поигруваа и се потсмеваа со судбините на починатите и заболените“, се наведува во реакцијата.

ВМРО-ДПМНЕ е спремно да разговара доколку експертската влада биде на чело со човек којшто би бил заеднички прифатлив, натпартиска личност што може да ја води државата напред до локалните избори, а потоа да се организираат предвремени парламентарни и локални избори, изјави Антонијо Милошоски, пратеник од ВМРО-ДПМНЕ, на прашањето колку е прифатлив предлогот на Заев за широка влада.

„Заев со денешната изјава за широка влада прво потврди дека на Македонија ѝ е потребна нова и поинаква Влада, второ мислам дека тезата на Заев потврдува и друго нешто за сегашната влада и сегашното мнозинство се неефикасни и немаат капацитет да се носат со реални и сериозни проекти во време на криза, и трето ВМРО-ДПМНЕ уште пред неколку месеци кажа дека на Македонија посебно пред изборите многу подобро би и дошло да има експертска влада, којашто ќе има капацитет да има поширока поддршка и да понуди реални проекти за излез од оваа криза, што Заев не е способен да ја менаџира“, истакна Милошоски.