Контакт

Топ

Шест патници и возачот повредени во автобус на ЈСП

Објавено пред

Седум лица се повредени во автобус на ЈСП откако возачот нагло запрел.

Според информациите на МВР, инцидентот се случил вчера во 14.55 часот на улица Втора македонска бригада во Скопје кога возачот Ш.К.(45) нагло го запрел автобусот, марка „даф“, со скопски регистарски ознаки.

Со тешки телесни повреди се здобил Џ.Д.(59) од Скопје и бил пренесен во Градската општа болница „Свети Наум Охридски“ за укажување на лекарска помош. Со телесни повреди се здобил возачот и А.И.(60), Т.В.(24), Љ.Б.(21), Е.И.(20) и Ќ.М.(58), сите од Скопје, по што Ќ.М. била пренесена во Градската општа болница „Свети Наум Охридски“, а останатите четири патници биле пренесени во Комплексот клиники „Мајка Тереза“, за укажување на лекарска помош.

Увид на местото извршила екипа од СВР Скопје.

Македонија

Застаре делото за Владо Бучковски, државата ќе ги плати трошоците за адвокатите

Објавено пред

За експремиерот Владо Бучковски и за уште тројца обвинети застаре делото во предметот „Тенковски делови“. Коалицијата Сите за правично судење, која го мониторираше случајот, соопшти дека денеска јавниот обвинител во завршниот збор го преквалификувал обвинението, по што настапила застареност на кривичното гонење. Предметот го суди судијката Даниела Алексовска Стојановска.

На досегашните роишта, по напатствијата на Врховниот суд, биле сослушани претставник на Министерството за одбрана и на Државниот правобранител за да се утврди дали има штета на буџетот и дали имало умисла и намера кај обвинетите.

Откако повиканиот претставник на Одбрана и правобранителот се изјасиле дека нема штета на буџетот, обвинителот го преквалификувал делото во еден став погоре од Кривичниот законик, со што настапила апсолутна застареност на кривичното гонење.

Одбраната сепак побарала да даде завршен збор на следното рочиште на 22 ноември. Судот сега треба да донесе одбивателна пресуда, а трошоците за адвокатите на обвинетите, меѓу кои и за Бучковски, ќе ги плати државата.

Судење за предметот „Тенковски делови“

Предметот неколкупати беше враќан на повторно судење. Врховниот суд во 2016 година го прифати барањето за вонредно преиспитување на правосилната пресуда за случајот „Тенковски делови“ и по извршената ревизија ги укина претходно донесените пресуди и наложи судската постапка да се врати од почеток.

Случајот датира од 2001 година кога Министерството за одбрана и Генералштабот на АРМ како приоритетна набавка од фирмата МЗТ ФОП нарачале резервни делови за тенковите „Т 55“.

Обвинителството во јули 2007 година излезе со обвинение со кое се тврдеше дека експремиерот Владо Бучковски, поранешниот началник на Генералштабот на АРМ, Методи Стамболиски, и уште неколкумина вработени во Министерството за одбрана и за директорот на МЗТ ФОП, ги злоупотребиле своите позиции и со нереално барање за набавка на резервни делови за армиските тенкови причиниле штета од приближно 150 милиони денари или околу 2,5 милиона евра.

Прикажи повеќе...

Македонија

„Танјуг“: Франција е за постепен пристап и ревирзибилност на процесот

Објавено пред

Постепено пристапување, отворање на структурни фондови на ЕУ, но и построга политика на условување и ревирзибилност на процесот на проширување се четирите принципи на кои се заснова францускиот предлог за реформите на политиката на проширувањето на ЕУ, дознава српската новинска агенција „Танјуг“ во Брисел.

Франција четири дена пред министерскиот состанок на Советот на ЕУ, закажан за 19 октомври во Брисел, до земјите членки доставила документ кој содржи предлог-принципи врз кои би требало да се заснова новата методологија на политиката на проширување.

Во документот до кој „Танјуг“ имал увид, се нагласува дека Франција недвосмислено пружа поддршка за европска перспектива на земјите од Западен Балкан.

Се наведува дека блиските врски со ЕУ се единствениот пат за земјите од регионот да ги изградат, односно да ги консолидираат своите земји на основа на владеењето на правото, да продолжат со економскиот и социјалниот развој, на младите да им обезбедат иднина и да ја промовираат политиката на проширување.

„Обновениот принцип на пристапување произлегува од неопходноста да се поддржат земјите од Западен Балкан во реформите кои се неопходни за целосно да се усогласи владеењето на правото со општите ЕУ стандарди“, се вели во францускиот документ.

Првиот француски предлог е заснован на принципот на постепено пристапување кон Унијата.

Покрај постепената имплементација на обврските кои произлегуваат од членството во ЕУ, земјите кандидати би требало да добијат и одредени „права“.

Едното од нив се однесува на зголемување на финансирањето низ претпристапните фондови, но и низ пристапните фондови наменети за земјите членки.

„Земјите кандидати на тој начин би можеле да добијат средства од структурните фондови на ЕУ, постепено, во зависност од степенот на пристапување и спроведувањето на реформите“, се наведува во францускиот документ.

Французите во документот се залагаат за т.н. „реверзибилност“ на процесот на проширување, односно за принцип на санкционирање на земјите кои назадуваат на патот кон пристапувањето.

Извори од Советот на ЕУ за „Танјуг“ велат дека се очекува министрите за општи работи на состанокот на 19 октомври како последна точка на дневниот ред да ја разгледаат ситуацијата во областа на политиката за проширување и пристапниот процес, но не се очекува и дефинирање на конкретните заклучоци од Советот на ЕУ.

Се наведува дека министерската дискусија во вторник ќе биде насочена најмногу кон дефинирањето на временската рамка кога станува збор за политиката на проширување на ЕУ.

Од финското претседателство со Советот на ЕУ потсетуваат дека станува збор за „транзициски“ период во инстуциите на ЕУ и се чека формирањето на новата Европска комисија која би требала, доколку е тоа побарано од земјите членки, да ја изработи новата методологија на политиката за проширување.

На правашањето на „Танјуг“ кога може да се очекува од лидерите на ЕУ да се вратат конкретно на прашањето за политиката на проширување, во Советот на ЕУ сметаат дека тоа нема да се случи пред Европскиот самит идната година.

„Претходно ќе мора конкретно да се утврдат и договорат некои елементи од политиката на проширување за да не дојде повторно до ќор-сокак, што се случи во октомври“, наведуваат извори од Советот.

Се додава и дека во ЕУ веќе не сакаат да гледаат блокади, туку сето она што се прави е подготвка за деблокирање на процесот на пристапување, конкретизирање и воспоставување консензус за политиката на проширувањето помеѓу земјите членки.

Прикажи повеќе...

Интервју/Дебата

(Видео) Фрламе храна колку цело Кочани да јаде цела година

Објавено пред

Според податоците на Заводот за статистика, третина од населението во земјата не може да си дозволи три оброка дневно, додека голем е процентот на расипништво, односно на оние што фрлаат храна. Од Банката за храна, која е основана во 2011 година, преку 21 организација во 15 града, се обезбедува храна за најранливите социјални групи. Основач и претседател на оваа банка е Душко Христов, кој вели дека од почетокот кога банката успевала да обезбеди 1 тон храна годишно, денес успева да акумулира 200 тони храна, која стигнува таму каде што е најпотребна. Според него, итно треба да се изгласа новиот закон со кој ќе се овозможи компаниите да бидат мотивирани да донираат храна, а со постојната регулатива ним сега повеќе им се исплати храната да ја фрлат на „Дрисла“.

„Додека 30 отсто од населението се справува со глад, во Македонија се фрла храна во количина колку град како Кочани да јаде цела година. Мора да им се подигне свеста и на компаниите и на индивидуалците за да станеме ефикасни во битката со сиромаштијата. Сепак, важно е да се изгласа новиот закон со кој компаниите ќе бидат мотивирани да донираат храна“, вели Христов.

Христов вели дека кај нас нема дефиниција за тоа што е вишок храна и сигурно е дека има доволно производство за да нема гладни, но начинот на донација и редистрибуција треба да стане поефикасен. Тој тврди дека претседателот на државата, Стево Пендаровски, му ветил дека ако е потребно, на располагање ќе биде и војската кога станува збор за организирано разнесување на потребните пакети со храна.

„Се случува да треба да се однесе пакт со храна за едно лице во некое место и излегува дека транспортот до таму чини повеќе отколку целата пратка. Проблемот со вмрежување и дистрибуција на храната е голем, но секако решлив доколку се има слух за проблемот. Има компании што со своите возила со кои разнесуваат производи до маркетите се нудат да превезат и пакети од банкката за храна“, вели Христов.

И натаму е голем проблемот да се стигне до реалните бројки и списоци на луѓето на кои им е потребна помош.

„Се обидуваме преку општините да добиеме точен список на луѓе што се социјално загрозени. Но, овие списоци не се обновени, па се случува да дистрибуираме храна за веќе починати лица. Општините треба повеќе да се ангажираат за да ни помогнат да стигнеме онаму каде што е најпотребно“, вели Христов.

Минатиот месец на тркалезната маса со наслов „Како да го одржиме системот за донација и редистрибуција на вишокот храна“, организирана во рамките на „ВСС ефект проектот“, финансиран од Европска Унија, првпат на Балканот присуствувале претседателот и генералниот секретар на Европската федерација на банките за храна – ФЕБА, г. Жак Мари Ванденшрик и г-ца Ангела Фриго.

„Искуството на ФЕБА и најдобрите европски практики беа претставени пред многуте присутни од речиси сите засегнати страни, кои мораат да одговорат на феноменот и проблемот со расипништвото на храната наспроти сè поголемата сиромаштија и гладoт кои се присутни во нашето општество. Нивното присуство и презентации побудија значајна дискусија во поглед на Законот за донирање вишок храна, на кој се работеше од крајот на февруари до крајот на јули оваа 2019 година, а во која работна група и ние како организација бевме вклучени. Информацијата за законот е закачена на ЕНЕР и очекуваме дека до крајот на годинава ќе биде изгласан“, вели Христов.

Прикажи повеќе...

Најново

Македонија34 минути

Застаре делото за Владо Бучковски, државата ќе ги плати трошоците за адвокатите

За експремиерот Владо Бучковски и за уште тројца обвинети застаре делото во предметот „Тенковски делови“. Коалицијата Сите за правично судење,...

Македонија56 минути

„Танјуг“: Франција е за постепен пристап и ревирзибилност на процесот

Постепено пристапување, отворање на структурни фондови на ЕУ, но и построга политика на условување и ревирзибилност на процесот на проширување...

Интервју/Дебата2 часа

(Видео) Фрламе храна колку цело Кочани да јаде цела година

Според податоците на Заводот за статистика, третина од населението во земјата не може да си дозволи три оброка дневно, додека...

Македонија3 часа

Дескоска: Наместо само за плати, судството да реагира и за застарените предмети

Министерката за правда, Рената Дескоска, ги повика судиите и вработените во судството наместо само за плати, да реагираат и за...

Топ4 часа

Малолетници од интернат во Кавадарци извршиле насилство врз нивниот цимер

Малолетник од Негорци кој бил сместен во ученичкиот дом „Крсте Петков Мисирков“ во Кавадарци бил нападнат од неговите цимери. Насилството...

Топ4 часа

Изгоре маж во импровизирана барака во Тетово

Безживотно машко тело е пронајдено изгорено рано утрово по пожар што зафати импровизирана дрвена барака на улицата Љубо Божиновски-Пиш. Пожарот...

Македонија5 часа

Активисти на средба со Пендаровски: Над 25.000 луѓе починаа досега поради загадениот воздух

Над 25.000 наши граѓани починале прерано изминативе осум години поради загадениот воздух што го дишеме, институциите не ни функционираат, живееме...

Македонија5 часа

(Видео) Богдановиќ: Што уште да направам, да се самозапалам ли за да реагира некој за „Никофон“

Градоначалникот на Центар, Саша Богдановиќ, ги демантира тврдењата на Обвинителството дека Општината не доставила доволно документација за случајот за катна...

Естрада6 часа

Балашевиќ имаше срцев удар, откажан концертот во Крагуевац

Музичарот Ѓорѓе Балашевиќ (66) го откажа распродадениот концерт во Крагуевац поради здравствени проблеми. Неговата ќерка Беба Балашевиќ ги објави вестите...

Македонија6 часа

Дескоска: Гласот на судството го слушаме само кога треба да се поделат пари

Министерката за правда, Рената Дескоска, на прес-конференција ја повика антикорупциската комисија да го испита имотот на судиите и обвинителите како...

Македонија7 часа

Антикорупциската го затвори предметот против Мицкоски за хидроцентралите

По кратка постапка, за само пет минути, Антикорупциската комисија го затвори предметот против лидерот на ВМРО-ДПМНЕ, Христијан Мицкоски, кој се...

Македонија8 часа

(Видео) Царовска: Речиси 700 фантоми, кои немаат документи, ќе добијат граѓански статус

Околу 700 лица, од кои повеќето деца, немаат извод од Матичната книга на родените и не се запишани никаде во...

Македонија8 часа

Антикорупционерите бараат одговорност од Анѓушев поради судир на интереси

На дневен ред на седницата на антикорупциската комисија се два предмета поврзани со вицепремиерот Кочо Анѓушев – едниот поврзан со...

Македонија9 часа

Мајката на Пино: Го убиле и го оставиле животните да го јадат

Да не бевте вие, немаше да бидеме тука. Тие четири коски што останаа и тие немаше да се најдат. Моето...

Европа9 часа

Снежна бура во Франција: еден загинат, 300.000 дома останаа без струја, сообраќајот во колапс

Железничкиот сообраќај е во колапс, а 300.000 домаќинства останаа без електрична енергија поради ненадејната снежна бура во југоисточна Франција. Едно...

Свет9 часа

Полската полиција евакуира училиште и зграда по пронаоѓањето експлозив во стан

Според полското радио РМФ ФМ, една 11-катна зграда и блиското училиште во полскиот град Плок биле евакуирани кога полицајците откриле...

Свет10 часа

Австралиска авиокомпанија постави нов рекорд за најдолг комерцијален лет

Австралиската компанија „Кантас“ го урна светскиот рекорд за најдолг непрекинат комерцијален лет во историјата. Растојанието од Лондон до Сиднеј (17.800...

Регион11 час

Поради говор на омраза, исклучени осум члена на ХДЗ во Хрватска

Судот на честа за Градскиот комитет на Загреб синоќа донесе одлука од партијата ХДЗ да исклучи осум члена поради говор...

Свет12 часа

Иранскиот врховен водач помилува 3.500 затвореници

Иранскиот врховен водач, ајатолахот Али Хамнеи, помилува илјадници затвореници вклучувајќи 32 активисти и други обвинети за загрозување на безбедноста. Веб-страницата...

Свет12 часа

(Видео) Крвав напад во САД: Убиени двајца ученици, 16-годишниот напаѓач си пукал во главата

Двајца ученици загинаа во нападот што се случи вчера во средното училиште „Саугус“ во калифорнискиот град Санта Кларита.Напаѓачот е 16-годишен...

Досие