Контакт

Македонија

Јанакиески до судот: Дали треба да се најде жртвено јагне за да ја понесе одговорноста за постапките на Груевски?

Објавено пред

„Ниту сум прифатил, ниту сум дал насоки, ниту сум поттикнувал“, вели обвинетиот ексминистер Миле Јанакиески во завршните зборови на рочиштето за „Насилство во Центар“. Тој смета дека обвинението отсликува толкуван разговор од објавените „бомби“ и дека истото е креирано според исказот на осудениот сведок Томислав Лазаров. Во однос на доказите, Јанакиески тврди дека обвинителите не доставиле ништо со кое ќе потврдат дека ги сторил делата за кои го гонат. Тој во завршните зборови, обраќајќи му се на судијата, посочи дека очекува ослободителна пресуда, бидејќи, според него, на тоа укажуваат доказите кои се изведени.

dobivaj vesti na viber

„Ако добро се анализира старото и новото обвинение ќе видите дека истото е адаптирано на исказот на осудениот Томислав Лазаров, па сè што и се ставаше на товар на претходно обвинетата Даниела Рангелова е директно префрлено кај мене. Во неколкуте материјални докази кои беа презентирани пред судот, кои се однесуваат на овој кривичноправен настан, воопшто ме нема. Моето име не е спомнато и во ниеден исказ на сведок, ниту обвинет во насока на какво било дејствие од моја страна, дека јас сум го поттикнал некого да изврши кривично дело насилство. Денес се судам за шлаканици кои не се случија. Даниела Рангелова се ослободи, осудениот Томислав Лазаров се договори, Никола Груевски замина и остана Миле да биде огласен за виновен за некој да може да поентира од овој случај“, вели Јанакиески, според кого за случајот ќе одговара само тој бидејќи Груевски е помилуван, а на Кирил Божиновски му е застарено делото.

Во новото обвинение, Обвинителството тврди дека толпата станувала агресивна откако осудениот сведок Томислав Лазаров ќе испрател порака до Јанакиески, а обвинетиот реагираше на ваквото тврдење.

„Обвинетите потврдија пред овој суд дека ниту сме се познавале, ниту, пак, сум им давал некакви насоки или сум ги поттикнувал на дејствијата за кои се гонат со обвинителниот предлог. И замислете ја тука ситуацијата надвор пред салата има 2 до 3.000 лица, Томислав ми испраќа порака и потоа јас со волшебно стапче само во рок од 5 минути ги хипнотизирам тие 3.000 луѓе и тие веднаш почнуваат погласно да протестираат. Тука сакам да истакнам дека како што Даниела реално не можела со телефон во рака да контролира маса луѓе, не сум го можел, ниту јас преку пораки во рок од 5 минути да воспоставам контрола на 2 до 3.000 луѓе, а уште помалку на со обвинетите кои ниту ги познавав, ниту имав контакт со нив. Но, не е дозволиво и е надвор од разумно сè она што беше избришано кај Даниела од обвинителниот предлог да се става на мој товар преку изјава на Томислав Лазаров“, рече Јанакиески во завршните зборови.

Тој на рочиштето го праша судот дали треба да се најде жртвено јагне за да ја понесе одговорноста за постапките на Груевски, по што додаде дека е свесен какво влијание имале аудиоснимките кај јавноста, која го осудила уште при нивното објавување.

„Откако Груевски не е во Македонија, притисокот за понесување одговорност е врз мене. И затоа се водат осум постапки пред судот. Разбирам дека некој мора да биде осуден за да има привидно чувство дека правдата некого стасала, но она што не го разбирам е за каква правда зборуваме во мојов случај? Ако судот ја базира својата пресуда за мене врз основа на тоа што го изговорува Груевски во разговорот со мене, тогаш ќе направи враќање кон еден напуштен правен систем кога вербалниот деликт, односно кажаниот збор, доколку не ѝ се допаѓаше на државата да претставува кривично дело. Но, во мојот случај, тоа би било едно сосема ново ниво на кривична одговорност, односно ќе треба јас да одговарам кривично за искажан збор од друго лице“, вели Јанакиески.

Ако добие затворска казна, обвинетиот Миле Јанакиески смета дека ќе биде изречена без докази, а нема да донесе ниту правда, туку поголема неправда.

„Во јавноста веќе се лицитира со бројка за ефективна затворска казна, бидејќи по звучност на име некој пред јавноста треба да биде прогласен за виновен дури и без ниеден доказ. Судија, очекувам исклучиво да ја исполните обврската и заклетвата која ја имате дадено и да донесете праведна одлука со ослободителна пресуда за мене, како што впрочем и сите факти и докази недвосмислено покажуваат“, посочи Јанакиески обраќајќи му се на судот.

Македонија

„Пирамид Билдинг Солушнс“ бара извинување по обвинувањата на СДСМ: Работиме повеќе од 15 години без ниту еден скандал

Објавено пред

Компанијата Пирамид Билдинг Солушнс ДООЕЛ Скопје бара јавно извинување од Социјалдемократскиот сојуз на Македонија во рок од 24 часа, поради, како што наведува, јавни напади, клевети и тенденциозно пласирани информации изнесени од претставниците на оваа партија на прес-конференциите на Јон Фрчковски и Петар Огненовиќ.

dobivaj vesti na viber

Во однос на обвинувањата за склучени договори со општини под водство на ВМРО-ДПМНЕ,  компанијата објаснува дека станува збор за селективно прикажување на факти со кое се создава искривена слика за нејзиното работење и се нанесува сериозна штета врз угледот, интегритетот и деловната репутација.

Оттука истакнуваат дека повеќе од 15 години успешно опстојуваат и работат на македонскиот пазар, без, како што наведуваат, ниту еден скандал, со доследно почитување на законите и процедурите и со континуиран раст базиран на квалитет и професионалност.

Во соопштението се додава и дека во јавните настапи на претставниците на СДСМ не бил спомнат клучен факт – дека токму во периодот на нивното владеење и раководење со институциите, компанијата добила значителен број договори за јавни набавки, кои биле целосно и успешно реализирани во согласност со законските прописи.

Како доказ за транспарентно и законско работење, компанијата доставува и табела со склучени и реализирани договори за јавни набавки по години и институции раководени од функционери на СДСМ.

„Апелираме бизнисот да се остави надвор од дневно-политичките пресметки и да не се користат инсинуации и неосновани обвинувања за политички цели“, се наведува во соопштението.

Од Пирамид Билдинг Солушнс порачуваат дека, доколку не добијат јавно извинување во наведениот рок, ќе бидат принудени да ги искористат сите расположливи правни механизми за заштита на своите права, углед и деловен интегритет.

 

Прикажи повеќе...

Македонија

Филипче: Подготвени сме за избори кога и да се одржат

Објавено пред

Претседателот на СДСМ, Венко Филипче, изјави дека партијата е подготвена да настапи на парламентарни избори кога и да се одржат – годинава, следната година, па дури и на редовните избори во 2028 година.

dobivaj vesti na viber

Филипче посочи дека работа е на премиерот да каже што мисли, но оцени дека, поради, како што рече, катастрофалното водење на државата, убеден е оти ќе има предвремени парламентарни избори.

Според него, не е важно дали изборите би се одржале на пролет, на есен или кон крајот на годината, бидејќи СДСМ е подготвена за изборен процес во секое време.

Прикажи повеќе...

Македонија

Филипче: Нема услови за укинување на техничката влада

Објавено пред

Претседателот на опозициската СДСМ, Венко Филипче, на прес-конференција изјави дека укинувањето на техничката влада треба да се случи дури кога општеството ќе биде зрело за тоа.

dobivaj vesti na viber

Филипче истакна дека слободната волја на граѓаните и фер изборите не смеат да бидат предмет на политички пазар, нагласувајќи дека се неопходни суштински реформи по европски стандарди, особено во областа на правосудството.

Според него, дури кога реформските закони ќе бидат донесени, целосно имплементирани и ќе почнат да се применуваат во судството, обвинителството и полицијата, ќе се создадат услови за укинување на техничката влада.

Филипче нагласи дека СДСМ ќе поддржи исклучиво реформи што ја движат државата кон европските стандарди.

„ВМРО и ДУИ нека договараат што сакаат, нивната соработка ни е позната. Ние договор можеме да правиме единствено со граѓаните. Не сме на пазар. Наша обврска е да ја вратиме власта во рацете на граѓаните“, истакна Филипче, додавајќи дека во овој момент не постојат услови за укинување на техничката влада.

Премиерот Христијан Мицкоски по средбата со лидерите на политичките партии изјави дека постигнале согласност за укинувањето на техничката влада.

„Се согласивме за техничката влада дека треба да замине во минатото. Имаше предлог од еден од лидерите да се консултира меѓународниот фактор. Од една страна сакаме да бидеме дел од европското семејство, а од друга страна сакаме да имаме техничка влада. Во ред, еве нека има техничка влада и на наредни избори како што сака СДСМ, но од тие натаму да нема“, рече Мицкоски.

На лидерската средба во Клубот на пратеници присуствуваа и генералниот секретар на ЗНАМ Горан Минчев, лидерот на Вреди Билал Касами, како и лидерите на опозиционите ДУИ и Левица, Али Ахмети и Димитар Апасиев. Лидерот на опозициската СДСМ Венко Филипче не присуствуваше.

Прикажи повеќе...

Најново

Свет13 минути

И Македонија на листата на земји во кои САД ја запираат обработката на имигрантски визи, според „Фокс Њуз“

Администрацијата на американскиот претседател Доналд Трамп ја запира обработката на имигрантски визи за апликанти од 75 земји, соопшти во средата...

Македонија2 часа

Филипче: Нема услови за укинување на техничката влада

Претседателот на опозициската СДСМ, Венко Филипче, на прес-конференција изјави дека укинувањето на техничката влада треба да се случи дури кога...

Македонија4 часа

(Видео) Мицкоски: Техничката влада треба да замине во минатото, но ако СДСМ мислат дека е потребна за следните избори, во ред, прифаќаме

Претседателот на Владата, Христијан Мицкоски на прес-конференцијата по завршување на лидерската средба извести дека сите присутни се согласиле дека техничката...

Економија5 часа

Мој ДДВ не се укинува – налозите за исплата во февруари се подготвуваат, извести УЈП

Управата за јавни приходи ги демантира написите во дел од медиумите дека се укинува мерката „МојДДВ“. „Јасно и недвосмислено истакнуваме...

Топ6 часа

Загина маж во пожар во стан во Тетово: со изгореници се здобило уште едно лице

Вчера во 19:20 часот во СВР Тетово е пријавено дека на улицата „180“ во Тетово настанал пожар во стан, сопственост...

Македонија8 часа

Oбјавена листата на најмоќните пасоши за 2026 година: Македонија бележи напредок

Азиските земји продолжуваат да доминираат на рангирањето на најмоќните пасоши во светот, според најновиот извештај на „Henley Passport Index“. Сингапур...

Македонија8 часа

(Видео) Димитријевиќ: Кој оди на средба со Мицкоски легитимира криминал и изолација на земјата

Сите што денеска ќе одат на средба со Мицкоски за укинување на техничката стануваат соучесници во легитимирање на криминалот и...

Македонија9 часа

За новогодишно украсување, општините дале 785 илјади евра – најмногу пари потрошила Општина Штип

За новогодишно украсување, општините потрошиле 785 илјади евра, а 78 отсто од вредноста е концентрирана кај една фирма. Ова го...

Македонија11 часа

Вељаноски за техничката влада: Eксперимент кој предизвикува штета за државата

За поранешниот претседател на Собранието Трајко Вељаноски, техничката влада е експеримент кој како што оценува, предизвикува повеќе штета од корист...

Свет13 часа

Денешниот состанок во Вашингтон ја одлучува судбината на Гренланд

Денес во Белата куќа се одржува состанок кој би можел да ја одреди иднината на Арктикот, но и на самиот...

Свет13 часа

Трамп: Сакам да победам во Иран, обожавам да победувам

Претседателот на САД, Доналд Трамп, се закани дека ќе „преземе многу силни мерки“ ако иранските власти почнат да ги бесат...

Македонија13 часа

Лидерска средба за техничката влада, СДСМ одби да учествува

Во Клубот на пратениците денеска треба да се одржи лидерска средба на премиерот и претседател на ВМРО-ДПМНЕ, Христијан Мицкоски, со...

Свет21 час

(Видео) Премиерот на Гренланд: Ако треба да избереме помеѓу САД и Данска, ја бираме Данска

Премиерот на Гренланд изјави дека доколку неговиот народ мора да избере „тука и сега“, ќе ја избере Данска пред САД....

Европа22 часа

Поранешни вработени го обвинија Хулио Иглесијас за сексуална злоупотреба, откриени детали

Шпанскиот пејач Хулио Иглесијас е обвинет за сексуален напад од страна на две поранешни вработени, кои тврдат дека биле подложени...

Македонија1 ден

(Фото) Тошковски на проштална средба со амбасадорката Агелер: САД остануваат клучен стратешки партнер во безбедноста

Министерот за внатрешни работи на Република Северна Македонија, Панче Тошковски, денеска оствари проштална средба со амбасадорката на Соединетите Американски Држави...

Европа1 ден

Зеленски се обиде да го назначи поранешниот премиер за министер за енергетика, парламентот го одби

Украинските пратеници го отфрлија назначувањето на министерот за одбрана во заминување Денис Шмихал за министер за енергетика, што е ретка...

Свет1 ден

Бројот на жртви варира во голема мера: „Иран Интернешнл“ тврди дека најмалку 12.000 луѓе се убиени во протестите

Се појавуваат извештаи за илјадници жртви во немирите во Иран, што би претставувало најголем број смртни случаи во протестите од...

Свет1 ден

Каја Калас: Историјата е полна со примери за паѓање на режими, но прашањето е што следува потоа

Високиот претставник на Европската Унија за надворешни работи и безбедносна политика, Каја Калас, изјави дека е неизвесно што ќе се...

Македонија1 ден

Времето утре – сончево со мала до умерена облачност, максималната температура до 10 степени

Времето утре ќе биде сончево со мала до умерена облачност. Ќе дува слаб до умерен ветер од западен и северозападен...

Македонија1 ден

Јордан Апостолски, Наташа Бошкова и Сашо Георгиевски кандидати за судии во Европскиот суд за човекови права

Владата на денешната 141 седница беше информирана за текот на постапката за номинирање кандидати за позицијата судија во Европскиот суд...