Контакт

Македонија

Јанева: Разговарам со сите обвинети за да извлечам што повеќе информации, но во ниеден момент не сум тргувала со влијание

Објавено пред

„Ја слушнав снимката објавена на порталите поврзана со случувањата за случајот ‘Рекет’. Фрапирана сум како моите постапки како специјален јавен обвинител се донесуваат во каква била корелација со случајот ‘Рекет’. Како специјален јавен обвинител моја обврска е да контактирам со сите осомничени, како и со други лица во врска со кривичните постапки кои се водат во ова Јавно обвинителство и од сите нив да се обидам да извлечам што поголем број информации како би ја подобрила позицијата во контекст на осомничените за секоја истрага/предмет поединечно”, се вели во изјавата на специјалната обвинителка Катица јанева, која неодамна поднесе оставка на фунцијата.

Јанева вели дека разговарала за зголемување на степенот на соработка со осомничените, за откривање нови сознанија во корист на истрагата. „Поточно, за подобрување на нашите позиции како јавни обвинители, но во никој случај и во ниеден момент не сум тргувала со никакво влијание, не сум ја злоупотребила својата функција и не сум постапувала спротивно на законот. Обвинител е секогаш обвинител, па и кога разговара со осомничени по телефон, а за ваква изјава во тој момент имаше оправдана причина.

Ги повикувам истражните органи што е можно побргу да ја завршат истрагата, да ги приберат сите докази и да ги завршат сите форензички вештачења поврзани со случајот „Рекет“, за целосно расчистување на овој случај и обелување на моето име”, вели Јанева.

Според неа, откако ќе бидат презентирани десетината истраги подготвени за брзо процесирање, од страна на СЈО многу нешта ќе бидат појасни за јавноста.

„Во тие истраги се осомничени и се надевам дека ќе бидат обвинети многу поранешни и сегашни функционери во власта и значајни личности во партиите, па од таму е јасно зошто некој со сите сили и со невидена медиумска хајка се обидува да го загрози мојот и кредибилитетот на СЈО, како и на сите други обвинители, а со тоа се обидува да ги уништи кривичните предмети кои се водат во обвинителството. Се надевам дека тоа нема да се случи.

Очекувам пратениците на седница на Собранието, во најбрз можен рок да го донесат Законот за ЈО на РСМ. Откако ќе се вратат сите обвинители од ЈО од годишен одмор, пред донесување на законот за ЈО, ќе има целосен отчет за досега сработеното во врска со истрагите и предистрагите кои се водат во СЈО. Тоа е моја обврска и задача што ќе ја презентирам пред јавноста и надлежните институции, со што ќе бидат отстранети сите евентуални притисоци кои би можеле да ги имаат обвинителите во СЈО кои и досега си ги работеа сите кривични предмети, се разбира во заедничка координација со мене. Потоа очекувам овие предмети кои се во СЈО да продолжат да се работат од страна на надлежното обвинителство, со што ќе се продолжи борбата против корупцијата и борбата за владеење на правото”, се додава во изјавата на Јанева.

Италијанскиот весник „Ла верита” откако изутринава објави уште еден текст со нова снимка од разговори меѓу Јордан Камчев и Бојан Јовановски, познат како Боки 13, ги направи достапни за јавноста и сите други разговори кои ги поседува. Аудиодокументација во траење од над 12 минути утрово беше објавена на „Јутјуб“ и во неа се пренесуваат серија разговори меѓу Јордан Камчев, Бојан Јовановски, Зоран Милевски поврзани со случајот „Рекет“, а во еден момент се појавува и гласот на специјалната јавна обвинителка Катица Јанева.

Македонија

(Видео) Агенда Социјална заштита 20-24: Општините ги приклучуваме во системот за социјални услуги

Објавено пред

Две години интензивно се работи на промена на социјалната сфера и конечно може да се зборува за остварување на социјалните права на голем број категории на граѓани. Иако постојат предизвици со кои ќе се соочи државата во иднина, а пред се значат подобрување на социјалниот статус на сиромашните групи, сепак и тоа што до сега е направено е многу повеќе она што беше наследено од претходната Влада- се согласија учесниците на граѓанската трибина „Агенда 20-24“ во Штип.

Експертот за развој на социјални услуги, Душан Томшиќ зборуваше пред граѓаните дека бил наследен целосно уништен и нефункционален систем за социјална заштита и затоа ја нагласи неопходноста од коренити промени.

„Сите беа научени државата да им даде пари и мислеа дека тоа е социјалната заштита, никој не знаеше дека системот подразбира и услуги за подобар и поквалитетен живот. Секако дека се потребни пари и план за да се развие некоја услуга, но потоа тоа ќе значи дека градиме систем кој ќе се грижи за секоја индивидуа посебно согласно неговите потреби“- нагласи Томшиќ.

Во пракса тоа би значело дека ќе се активираат служби кои ќе помагаат на стари и болни во руралните средини, особено во оние од каде што младата популација е замината. Потоа, услуги кои на локално ниво ќе им се даваат на лицата со попреченост, што значи дека освен парите што некои категории граѓани би ги добивале, тие да имаат и бесплатна услуга од стручно лице.

„Обезбедени се пари преку проекти со Светска банка наменети за сите општини кои имаат потреба од социјални услуги. На мое изненадување дури 65 општини се пријавија да станат корисници на средствата за социјални услуги. До пред извесно време општините се занимаваа исклучиво со патиштата, водоводот, инфраструктурата… но, сега веќе се менува и тоа, локалната самоуправа пројавува интерес да го прошири делувањето и да им излезе во пресрет на социјално ранливите категории на граѓани“- заврши Томшиќ.

Професорот Бранимир Јовановиќ од Институтот за социјални и хуманистички науки потсети на сето она што е направено во изминатите две години, како решениот статус на стечајните работници, инвестициите во социјалните услуги, зголемувањето на минималната плата… со што државата оди во вистински правец во однос на социјалната сфера.

„Сепак, колку и да вложуваме секогаш ќе биде малку. Затоа е неопходно да продолжи растот на минималната плата. Социјалните мерки мора да се прошируваат, да опфатат поголем број семејства и поголем број лица на кои им е потребна помош. Паралелно мора да се донесе нов Закон за работни односи, кој знам дека не е лесно да се донесе, но подобро да го подготвуваме подолго и да имаме вистинско и спроведливо решение, отколку да избрзаме“- изјави Јовановиќ на трибината „Агенда 20-24“.

Говорниците се согласни дека е неопходно државата да продолжи да инвестира во човечки капитал затоа што е очигледен недостатокот на стручен кадар. Не може да се создаде социјален систем кој ќе значи целосна заштита на сите категории граѓани доколку нема обучени и пожртвувани социјални работници.

Прикажи повеќе...

Македонија

Општина Аеродром: Учениците од основните училишта од среда ќе добиваат топол оброк

Објавено пред

Општина Аеродром ги известува родителите на учениците од основните училишта на територијата на Општина Аеродром дека е изнајдено решение и учениците од среда ќе почнат да добиваат топол оброк.

Градоначалникот Златко Марин се сретна со директорот одговорен за спроведување на набавката за исхрана на сите училишта, кој го извести дека е избрана фирма за подготовка на топол оброк за учениците.

Инаку, претходно од Управата за јавни приходи е добиено известување дека данокот оваа година ќе изнесува 18 отсто, за разлика од минатата година, кога родителите плаќале по 5 отсто, така што цената за топол оброк ќе биде зголемена.

„Со цел да им излеземе во пресрет на родителите, донесов одлука разликата во цената да се субвенционира од општинскиот буџет за 2020 година, што значи дека и оваа година родителите ќе плаќаат иста сума како и минатата година, односно 1 500 денари месечно“, изјави градоначалникот Марин.

Прикажи повеќе...

Македонија

Заев: Постои шанса законот за Jавно обвинителство да се донесе до 11 февруари

Објавено пред

Должни сме кон државата Законот за Јавно обвинителство да се најде пред пратениците пред распуштањето на Собранието, изјави денеска претседателот на СДСМ Зоран Заев во одговор на новинарски прашања, додавајќи дека се надева оти Владата следната недела ќе го испрати до Собранието предлог-законот и ќе се одржи и јавна расправа.

Заев изрази уверување дека е можно да се најде решение и да се постигне неопходното мнозинство за донесување на Законот до 11 февруари.

„Дали ќе има двотретинско мнозинство или нема да имаме ќе видиме на крајот. Мислам должни сме према државата. Должни сме према државата да го ставиме на изјаснување. Дотогаш да направиме се, дај боже да има 80 пратеници и повеќе би бил најсреќен ако има консензус. Силна порака е за имплементација. Но, работиме и верувам дека можеме успешно да стигнеме со неопходното двотретинско мнозинство за овој закон. Така што, никој не може да каже ништо, ние сме само со позитивно очекување. Зошто сум позитивен јас, значи ако некој сака да најде маана ќе најде маана. Нема потреба, нема веќе СЈО, тоа е завршено, нема потреба да се бараат рачки во самиот закон заради тоа што ги нема. Се што на некој му смета, а е во духот на европската агенда немаме проблем ние тоа да го прифатиме, така што верувам дека може да се постигне решение“, истакна Заев.

Во однос на забелешките на опозицијата, тој истакна дека тие се конфузни.

„Јавните обвинители имаат право да конкурираат како сите, без некој некому да гарантира, за сите да важат подеднакви услови, тоа е нешто со кое ЕУ нема проблем и ние немам проблем. Но имаме проблем со прашањето политичари да именуваат обвинители, имаме проблем политичарите да ја одлучуваат иднината на предметите. Треба да го оставиме системот и со системски решенија да се бира државниот обвинител, обвинителот за организиран криминал и сите обвинители. Исто така, предметите сегашни, идни и минати мора да бидат осигурани. Самиот Закон предвидува осигурување на предметите, односно тие се веќе во судска процедура, и треба да имаме предвид дека за тоа треба да биде одлучувано независно, а не политичарите тајно да седнат и за тоа да одлучуваат“, истакна Заев додавајќи дека решението треба да биде кристално чисто кое ќе гарантира владеење на правото.

Прикажи повеќе...

Најново

Топ1 час

Нова жртва на иста измама – ѝ рекле да даде пари или синот ќе лежи во затвор поради сообраќајка

„Син ти направи сообраќајна несреќа во која загина дете. Да ни дадеш пари и ќе средиме тој да не лежи...

Македонија3 часа

(Видео) Мицкоски: Ќе продолжиме со разговорите за законот за Јавното обвинителство

Лидерот на ВМРО-ДПМНЕ, Христијан Мицкоски, одговарајќи на новинарски прашања денеска кажа дека ќе продолжат со разговорите за законот за Јавното...

Македонија5 часа

Дескоска: Жалам што ВМРО-ДПМНЕ избега од разговорите за законот за Јавното обвинителство

Министерката за правда, Рената Дескоска на социјалните мрежи напиша дека жали што преговарачката тројка на ВМРО-ДПМНЕ за Законот за јавното...

Топ6 часа

Возило прегази 10-годишно дете на булевар во Скопје

Синоќа на булеварот „Мито Хаџи Василев-Јасмин“ патничко моторно возило управувано од 32-годишниот Д.Д. од Скопје удри во дете пешак на...

Свет7 часа

(Видео) Вознемирувачки снимки по земјотресот во Турција, луѓето панично бегаат на улиците

Бројот на загинати во силниот земјотрес што ја погоди Турција порасна на 21 лице, а над 900 се повредени. Земјотресот...

Свет7 часа

Проширен регионот што е во карантин во Кина, пријавени нови 15 смртни случаи поради вирусот

Дополнителни 15 смртни случаи се пријавени во кинеската провинција Хубеи, со што бројот на починати од новиот коронавирус се зголеми...

Свет8 часа

Австралија и Малезија потврдија први случаи на заразени со коронавирусот

Австралија и Малезија ги потврдија првите случаи на новиот коронавирус на нивната територија, додека од Кина стигна информација дека досега...

Европа8 часа

Во Франција потврден трет случај на новиот корона вирус

Во Франција е потврден трет случај на новиот смртоносен корона вирус, што се први пријавени случаи од ова заболување на...

Македонија8 часа

Пендаровски и Спасовски со сочувство до турскиот народ поради земјотресот

Претседателот Стево Пендаровски и техничкиот премиер, Оливер Спасовски, преку социјалните мрежи изразија сочувство до турскиот народ поради силниот земјотрес во...

Свет8 часа

(Видео) Во земјотресот во Турција загинаа 20, повредени се 920 лица

Бројот на загинати од силниот земјотрес што вчера го погоди источниот дел на Турција се искачи на 20, со 920...

Македонија19 часа

(Видео) Пендаровски: Посетата на Шарл Мишел уверува дека имаме силна поддршка на европскиот пат

Претседателот Стево Пендаровски оствари средба со претседателот на Европскиот совет, Шарл Мишел, кој престојува во работна посета на земјава. На...

Македонија23 часа

(Видео) Дескоска: ВМРО-ДПМНЕ го користи Јовески како лошо алиби за напуштање на преговорите

ВМРО-ДПМНЕ очекувано ја напушти средбата, по вчерашната изјава на Христијан Мицкоски, кој кажа дека има забелешки и од сите 9...

Македонија24 часа

Еден месец притвор за заканувачот Емил Јакимовски

Кривичниот суд му го продолжи притворот на Емил Јакимовски, поранешен вработен во Централниот регистар, за закани упатени кон новинарката Мери...

Македонија1 ден

(Видео) Милошoски: Не преговараме за законот за Јавно обвинителство без присуство на Јовески

ВМРО-ДПМНЕ ја напуштија средбата на работните групи за законот за Јавно обвинителство во Собранието, откако министерката за правда, Рената Десковска,...

Македонија1 ден

(Видео) Дебата: Како во законот освен производителите, корист да имаат и консументите на канабисот

Пациентите на кои им е потребно маслото од канабис се сосема заборавени во предлог-законот за опојни дроги и психотропни супстанции,...

Македонија1 ден

Заев: ВМРО-ДПМНЕ да го прифати законот за Јавното обвинителство и да се надмине себе си

Претседателот на СДСМ, Зоран Заев, побара од ВМРО-ДПМНЕ да се надминат себе си и да го прифатат законското решение за...

Македонија1 ден

Поповска: Во институциите има луѓе заинтересирани за бизнис со отпад, увозот не се врши контролирано

Пратеничката од ДОМ, Лилјана Попвска, која е една од иницијаторите на законот за забрана за увоз на отпад, рече дека...

Македонија1 ден

УХМР објави оглас за авионско засејување на облаците за превенција од природни непогоди

Управата за хидрометеоролошки работи го објави јавниот оглас „Услуги за модификација на време со авионско засејување“. Се работи за нов...

Свет1 ден

Словачки министер пијан демолирал кинески ресторан, најави оставка

Словачкиот министер за животна средина објави дека поднесува оставка кога наводно пијан со својот брат учествувал во демолирање кинески ресторан...

Свет1 ден

Вухан гради болница за заболените, планира да ја заврши за 5 дена

Градот Вухан, кој е жариште на новиот корона вирус, забрзано гради болница со 1.000 кревети за лекување на заразените пациенти....

Досие