Свет
Берлин: Постигнат договор да се почитува ембаргото за оружје во Либија
Земјите кои имаат интереси во долгогодишната граѓанска војна во Либија се договорија во Берлин да го почитуваат ембаргото за оружје кое повеќепати беше прекршено и повеќе да не им даваат помош на завојуваните страни. Договорот е постигнат по четиричасовни разговори чиј домаќин беше германската канцеларка Ангела Меркел.
Во Берлин учествуваа лидерите на 11 земји вмешани во конфликтот во Либија, претставници на ОН, на ЕУ, на Африканската унија и на Арапската лига. Беа присутни и лидерите на двете главни завојувани страни, премиерот на меѓународно признатата влада Фајез Сараџ и командантот на силите кои го контролираат истокот на земјата Халифа Хафтар, но не учествуваа на конференцијата.
Учесници на самитот беа претседателите на Франција, Русија и Турција, Емануел Макрон, Владимир Путин и Реџеп Таип Ердоган, премиерите на Велика Британија и на Италија, Борис Џонсон и Џузепе Конте и американскиот државен секретар Мајк Помпео.
Меркел рече дека целта на самитот е „да зборуваат на еден јазик сите страни што на кој било начин се поврзани со конфликтот во Либија, затоа што тогаш сите страни во Либија исто така ќе сфатат дека има само не-воен пат до решение“, додавајќи дека „денеска е постигнат тој резултат“.
Таа рече дека резултатите од конференцијата треба да бидат усвоени од Советот за безбедност на ОН и додаде дека учесниците на самитот ќе продолжат да одржуваат редовни состаноци за да им дадат на либиските граѓани право да живеат во мир.
Германската канцеларка, која се состана со двајцата либиски лидери пред самитот, рече дека и Сараџ и Хафтар назначиле пет члена на воениот комитет да ги застапуваат на разговорите за постојан прекин на огнот.Генералниот секретар на ОН Антонио Гутереш рече дека комитетот ќе се состане во Женева во наредните денови.
Во завршната изјава на самитот се наведува дека учесниците „ги повикуваат сите актери да се воздржат од какви било активности што би го влошиле конфликтот или се во спротивност со ембаргото за вооружување или прекинот на огнот, како и финансирање на воените ресурси или регрутирање платеници“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден зборуваше за дебатата со Трамп, но и за детали од неговиот личен живот
Американскиот претседател Џозеф Бајден денеска изјави дека ќе учествува на дебата со Доналд Трамп, неговиот републикански противкандидат на ноемвриските избори.
„Не знам кога“, изјави Бајден во интервјуто со Хауард Стерн и додаде дека со нетрпение го очекува тоа, пренесе Ројтерс.
Бајден раскажуваше семејни приказни и рече дека пелтечењето било подготовка за тешките удари во животот. Тој рече дека пелтечењето како дете било најдоброто нешто што му се случило. Додаде дека на крајот го надминал пелтечењето, но дека повремено му се враќа кога зборува во јавност.
Интервјуто со Хауард Стерн се случи додека Бајден присуствуваше на политички настан во Њујорк.
За време на интервјуто, тој презентираше многу биографски детали, обидувајќи се да се претстави пред гласачите. Бајден, исто така, рече дека неговиот татко, Џозеф Робинет Бајден постариот, ретко покажувал љубов и раскажал приказна што напраавил кога бил нокаутиран додека играл рагби кога бил во четврто одделение.
„Татко ми излезе со нас и рече Џои стани. Само стани. Мора да станеш“, раскажал Бајден.
Свет
(Видео) Снимка од Ердоган хит на социјалните мрежи: Телохранител му подаде чешел на турскиот претседател, а потоа цела делегација мораше да застане
Видео од турскиот претседател Реџеп Таип Ердоган како се чешла стана хит на социјалните мрежи.
Ердоган, кој во четвртокот дојде на прославата на Уставниот суд во Анкара, цело време беше придружуван од телохранител кој ненадејно му подава чешел пред да влезе во салата. Турскиот лидер застана и почна да се чешла додека целата делегација, вклучително и претседателот на Уставниот суд, чекаше.
— Pluton (@Pluton45873221) April 26, 2024
Откако заврши со средувањето на косата, Ердоган му го даде чешелот на еден од своите советници, а потоа продолжи да се шета со претседателот на Уставниот суд, Кадир Озкај, насмеан.
Ердоган присуствуваше и на прославата на 62-годишнината од формирањето на Уставниот суд.
Свет
Се слушнало тропање и силни вибрации: Боинг изгубил дел за време на лет, извршил принудно слетување
Авионот на „Делта ерлајнс“ кој утрово полета од аеродромот „Џон Кенеди“ во Њујорк мораше да се сврти и да се врати на аеродромот поради дефект на опремата за итни случаи, пренесува „Индекс“.
Летот 520 на „Делта ерлајнс“ безбедно се врати на аеродромот околу 8:35 часот откако екипажот пријавил вибрации, соопшти Федералната управа за авијација (ФАА). Пилотите веднаш по полетувањето пријавиле во контролата на летање дека почувствувале чудни вибрации и слушнале звук на тропање.
Авионот летал 33 минути пред да се врати на ЏФК, пишува „ABC7 New York“.
„Откако леталото безбедно слета, беше забележано дека во одреден момент отпадот за итни случаи паднал“, рече портпаролот на „Делта“. За време на инцидентот во „Боингот 767“ имало 176 патници, двајца пилоти и пет стјуардеси. Нема извештаи за повредени.
Патниците биле префрлени во друг авион, кој полетал во 10:59 часот, околу три часа подоцна. Авионот чиј дел за итни случаи паднал е стар 33 години и нема да биде во служба додека „Делта“ не ја процени неговата соодветност. Од ФАА велат дека ќе го истражат целиот инцидент.