Свет
Велика Британија повеќе нема да објавува податоци за бројката на починати од коронавирус

Властите во Велика Британија објавија дека привремено го стопираат секојдневното објавување на најновите податоци за бројот на починати во пандемијата на коронавирус. Одлуката е донесена поради сомнеж дека таа статистика е претерана. Британската влада побарала ревизија на методологијата на пресметка на бројот на починати, откако стручњаците предупредиле дека поради начинот на кој досега се водела евиденцијата на починати во Англија, сликата на тој статистички параметар може да биде искривена во споредба со другите делови на Велика Британија.
Владата ја објасни привремената суспензија за необјавување на податоци за бројот на загинати со соопштение во кое се посочува дека според сегашната методологија, се сметаат како починати од Ковид-19 сите лица кои умреле по добивањето на позитивен тескт за коронавирус, а притоа не се зема предвид временскиот период кој поминал од тестирањето до времето на смртта.
Во соопштението се наведува дека секојдневното објавување на податоци за смртниот биланс од пандемијата ќе продолжи кога ќе се реши овој проблем.
Ревизија на начинот на водење на евиденцијата нареди во петокот британскиот министер за здравство Мет Хенкок, по тврдењата на група експерти дека според сегашната методологија, дури и позитивните на ковид кои успешно се лекуваат „и по три месеци умираат од срцев удар или прегазени со автобус“ се неразумно класифицирани како починати од Ковид-19.
Според сегашните официјални податоци, Ковид-19 одзел повеќе од 45.000 животи во Велика Британија, што е повеќе отколку во која било друга земја во Европа, потсетува Ројтерс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп ја објави листата на нови царини

Претседателот на САД, Доналд Трамп, потпиша извршна наредба со која се воведуваат повисоки царини за десетици земји низ целиот свет со цел реструктуирање на глобалната трговија во корист на американските работници, објави Белата куќа.
Новите царини се движат од 10 до 41 процент, со највисока царина за Сирија. Европската унија, Јапонија, Јужна Кореја, но и Македонија ќе бидат предмет на царини од 15 проценти. Србија ќе се соочи со царини од 35 проценти, а Босна и Херцеговина од 30 проценти.
Белата куќа во документот наведе дека целта на царините е „реструктуирање на глобалната трговија во корист на американските работници“ и ќе стапат на сила на 7 август, а не на 1 август како што беше најавено. Тарифите за канадските стоки се зголемуваат од 25 на 35 проценти, но ќе стапат на сила од петок.
🚨 Full List of US Reciprocal Tariffs by Country (Effective Aug 1)
Trump’s new Executive Order enforces country-specific tariff hikes citing trade imbalance & national security. Here’s what each nation faces 👇
—
🇦🇫 Afghanistan – 15%
🇩🇿 Algeria – 30%
🇦🇴 Angola – 15%
🇧🇩…— Depin Bhat (@DepinBhat) August 1, 2025
„Како одговор на континуираната неактивност и одмазда на Канада, претседателот Трамп сметаше дека е потребно да ја зголеми тарифата за Канада од 25 на 35 проценти со цел ефикасно да се справи со постојната вонредна состојба“, соопшти Белата куќа, велејќи дека Канада не соработувала во борбата против фентанилот и другите нелегални дроги.
Канадските производи опфатени со трговскиот договор меѓу САД, Мексико и Канада се ослободени од тарифи. Канадскиот премиер Марк Карни изјави во јуни дека доколку не се постигне договор до почетокот на август, Канада веројатно ќе возврати со дополнителни тарифи за извозот на американски челик и алуминиум.
Повисоките тарифи за канадските стоки се во остра спротивност со одлуката на Трамп да го одложи зголемувањето на тарифите на Мексико за 90 дена за да се овозможи повеќе време за преговори за поширок трговски договор.
Кина, од друга страна, има рок до 12 август да постигне долгорочен договор со администрацијата на Трамп, откако Пекинг и Вашингтон постигнаа првични договори во мај и јуни за прекин на зголемувањето на меѓусебните тарифи и укинување на забраната за увоз на ретки земни метали.
Свет
Трамп: Грозно е тоа што го прави Русија

Американскиот претседател Доналд Трамп повторно изрази незадоволство од Русија поради нејзиниот најнов смртоносен напад врз Киев, во кој загинаа 27 лица, меѓу кои и тројца деца.
„Русија, мислам дека е одвратно тоа што го прават. Мислам дека тоа што Русија го прави е многу тажно. Многу Руси умираат“, изјави Трамп пред новинарите во Белата куќа. Повторно најави нови санкции за Москва, но не откри детали.
„Не знам дали санкциите го загрижуваат“, призна Трамп, мислејќи на рускиот претседател Владимир Путин. Западните земји веќе воведоа низа економски мерки против Русија, со цел да ѝ се ускратат средствата потребни за финансирање на војната.
Трамп објави и дека неговиот специјален изасланик, Стив Виткоф, ќе отпатува во Москва по посетата на Израел, каде разговара со израелските претставници за ситуацијата во Газа. „Оди во Русија. Верувале или не“, рече тој.
Во меѓувреме, високиот американски дипломат Џон Кели изјави во Советот за безбедност на Обединетите нации дека Трамп поставил рок до 8 август за постигнување договор за прекин на огнот во Украина.
„И Русија и Украина мора да преговараат за прекин на огнот и траен мир. Време е да се постигне договор. Претседателот Трамп јасно стави до знаење дека тоа мора да се случи до 8 август“, изјави Кели.
Одделно, американскиот државен секретар Марко Рубио појасни дека, по шест месеци чекање на дипломатска соработка, Трамп наскоро ќе мора да одлучи колку активно ќе продолжи со напорите за постигнување прекин на огнот ако една од страните одбие примирје.
Рубио потврди дека американски и руски претставници воделе приватни разговори за војната во Украина, но Вашингтон сè уште не видел никаков напредок во тие преговори.
Свет
На Флорида егзекутиран маж кој во 1994 година со мачета уби семејството

Маж осуден за брутално убиство на својата сопруга и двете деца со мачета беше егзекутиран во Флорида, станувајќи деветтата личност погубена во оваа сојузна држава годинава – што претставува нов годишен рекорд. До крајот на август се планирани уште две егзекуции.
Едвард Закжевски (60) беше прогласен за мртов во четвртокот по инјектирање на тројна смртоносна инјекција – седатив, средство за парализа и за запирање на срцето.
Тој издржуваше смртна казна од 1994 година, кога беше осуден за убиство на сопругата и нивните две деца на возраст од седум и пет години. Според судските сведочења, прво ја нападнал сопругата со метална шипка и ја задавил со јаже, а потоа ги убил децата со мачета. Кога се посомневал дека таа сè уште е жива, повторно ја нападнал со мачета.
Претходно им кажувал на други дека „подобро е да ги убие отколку да дозволи сопругата да го напушти“.
Последниот обид за одложување на егзекуцијата го загуби во средата, ден пред извршувањето.
Неговиот последен оброк бил пржени свински котлети, пиво и сладолед. Последните зборови му биле:
„Сакам да им се заблагодарам на добрите луѓе од Сончевата држава што ме убија на најладен, најпресметан, најчист, најхуман и најефикасен можен начин. Немам никакви приговори.“
Противниците на смртната казна истакнаа дека егзекуцијата не требало да се изврши, бидејќи поротата во 1994 гласала за смртна казна со сооднос 7 спрема 5 – што денес не би било правно доволно.
Со девет егзекуции досега, Флорида веќе го надмина претходниот рекорд од осум од 2014 година. Дополнителни егзекуции се закажани за 19 и 28 август.
Ниту една друга сојузна држава во САД не спровела повеќе егзекуции оваа година – Тексас и Јужна Каролина се на второ место со по четири.
Во САД од почетокот на 2025 година се егзекутирани вкупно 27 мажи.