Свет
(Видео) Напаѓачот во Лондон само што излегол од затвор поради тероризам
Напаѓачот, кој во јужниот дел на Лондон нападна и прободе две лица по што беше убиен од полицијата, е идентификуван како Судеш Аман, 20-годишник кој бил пуштен од затвор во јануари по издржувањето половина од казната за дела поврзани со тероризам, јави Би-би-си.
Аман издржувал казна од 3,4 години и бил под активен полициски надзор во моментот кога бил извршен нападот. Во ноември 2018 година Аман се изјаснил за виновен по обвиненијата дека поседува документи што содржат терористички информации и дека ширел терористички публикации. Еден од прирачниците што го поседувал бил со наслов „Крвави бразилски техники за напад со нож“.
Британската полиција објави дека напаѓачот имал лажна експлозивна направа прикачена на телото.
„Уредот беше залепен на телото на осомничениот поради што беа повикани експерти. Кордони беа распоредени и набргу откривме дека станува збор за лажен уред“, рече Луси Д’Орси од лондонската полиција. „Инцидентот беше веднаш пријавен како терористички и се верува дека е поврзан со исламистите“, рече таа.
Истрагата ја води полицискиот оддел за борба против тероризам.
Тројца се повредени, од кои двајца се прободени со нож, а еден е во сериозна состојба. Трето лице добило повреди од стакло, кое експлодирало кога полицијата почнала да пука.
Британскиот премиер, Борис Џонсон, порача на „Твитер“: „Благодарност до сите служби за итни случаи кои навреме реагираа на овој инцидент, кој беше прогласен за терористички акт од страна на полицијата. Мислите ми се со оние што се повредени“, додаде тој.
Нападот следува два месеца откога полицијата застрела џихадистички терорист, кој на Лондонскиот мост избоде две лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Фон дер Лајен: ЕУ смета на Кина да изврши притисок врз Русија да ја прекине војната против Украина
Претседателката на Европската комисија, Урсула фон дер Лајен денеска изјави дека Европската унија смета на Кина да изврши притисок врз Русија да ја прекине војната против Украина.
„Сметаме на Кина да го искористи сето свое влијание врз Русија за да стави крај на руската агресивна војна против Украина“, рече фон дер Лајен по средбата со кинескиот претседател Кси Џингпинг и францускиот претседател Емануел Макрон во Елисејската палата, пренесе Ројтерс.
„Претседателот Си одигра важна улога во деескалирањето на неодговорните нуклеарни закани на Русија и уверена сум дека претседателот Кси ќе продолжи да го прави тоа во контекст на тековните нуклеарни закани на Русија“, додаде таа.
Фон дер Лајен рече дека Кина може да го ограничи „неодговорното ширење“ на ирански ракети и беспилотни летала и ги повтори повиците за прекин на огнот во конфликтот меѓу Израел и Хамас.
„Веруваме дека Кина може да одигра важна улога во ограничувањето на неодговорното ширење на балистички ракети и беспилотни летала од страна на Иран“, изјави таа за новинарите по средбата со Кси.
Фон дер Лајен нагласи дека ЕУ не може да го апсорбира прекумерното производство на кинески индустриски стоки што го преплавуваат нејзиниот пазар.
Таа додаде дека го повикала Кси да преземе чекори за решавање на проблемот со вишокот капацитет.
„Кина која игра фер е добра за сите нас“, истакна Фон дер Лејен.
Фон дер Лајен во Елисејската палата се сретна со кинескиот претседател Си Џинпинг и со францускиот претседател Емануел Макрон. Кси пристигна во Франција во неделата на своето прво патување во Европа од 2019 година.
Регион
(Видео) Вo Шпанија уапсен еден од најбараните наркобосови во Србија
Шпанската полиција разби српска организирана криминална група осомничена дека го нападнала домот на ривалскиот клан од Србија минатиот јануари. Во акцијата беа уапсени 11 лица, меѓу кои и лидерот, по кого Србија распиша потерница уште во 2021 година.
Во провинциите Малага, Мадрид и Барселона се извршени апсења поради вмешаност во криминални дејствија – киднапирање, грабеж со насилство, недозволено поседување оружје, телесни повреди, фалсификување документи, трговија со дрога и членство во криминална организација.
Во акцијата на шпанската полиција одземени се три парчиња огнено оружјо. На некои им беа избришани сериските броеви. Запленети се и сто парчиња муниција, седум лажни лични документи, дрон и 16.000 евра во кеш.
Извршени се и седум претреси, од кои пет во Естепона.
Меѓу уапсените е и водачот на криминална група по која Србија распишала потерница во 2021 година. Тој е еден од најбараните луѓе во Србија.
Свет
Четворица тинејџери под истрага за нападот на германскиот пратеник во Европскиот парламент Матијас Еке
Четворица германски тинејџери се под истрага за нападот врз германскиот пратеник во Европскиот парламент (ЕП) Матијас Еке, кога беше тешко повреден и му беше потребна операција, соопшти полицијата.
Полицијата соопшти дека 17-годишникот дошол во полициската станица во саботата и рекол дека бил вклучен во нападот врз Еке, а полицијата идентификувала уште тројца напаѓачи во неделата, откако ги пребарала нивните домови и собрала докази, објави Ројтерс.
Сите четворица се германски државјани на возраст од 17 до 18 години.