Македонија
(Видео) Протести пред домот на пратеничката Фросина Ременски, демонстрантите ги нарече гробари на мирот

Протестите пред домовите на пратениците што гласале за донесување на законот за јазиците, вчера продолжија пред домот на пратеничката и потпретседателка на СДСМ, Фросина Ременски. Таа за овој чин ја обвини опозициската партија ВМРО-ДПМНЕ. Поради навредливите пароли што биле скандирани пред нејзиниот дом, Ременски вели дека ќе поднесе кривична пријава.
„Во координирана организација со ВМРО-ДПМНЕ позната група партиски активисти протестираа со отров во устата и душата пред мојот дом. Нема да чекам никој да поднесе кривична пријава. Тоа ќе го направам јас лично со сè што поседувам како доказ за кажаното. Тој фашизам и безобразие ќе си ги практикувате дома зашто кај мене нема да ви помине“, пишува Ременски на социјалните мрежи.
Пратеничката Ременски вели дека од вчера е Македонка, Албанка, Турчинка, Ромка, Босанка, Влаинка и Србинка, со тоа им порача на демонстрантите дека може ја викаат како сакаат затоа што таа им посакувала добро на сите, без разлика на вера и етничка припадност.
„Вие сте вистинските и упорни гробари на иднината и мирот на земјата и верата во која се колнете“, пишува Ременски.
За време на протестот нејзиниот дом го штитеа полициски службеници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода дел од скопски Карпош

ЈП Водовод и Канализација известуваат дека денеска ( четврток) поради изведување на водоводен приклучок од ф – 100 мм на ул. Осло бр. 15б, во периодот од 09.00 часот па се до завршување на работата, без вода ќе останат корисниците од ул. Осло. ( општина Карпош )
Македонија
Катерина Мирчовска именувана за нова директорка на болницата во Кочани

Катерина Мирчовска е именувана за нова директорка на болницата во Кочани, објави директорот на ФЗОМ, Сашо Клековски.
„Силно лидерство за болницата во Кочани!
Вчера за директорка на Општата болница Кочани е именувана Катерина Мирчовска, хирург. Веста помина штуро, со појаснување дека тоа е на барање на повредените од трагедијата за Кочани.
Катерина ја запознав низ работата за повредените од трагедијата во Кочани. Импресионира на прв впечаток. Полна со енергија, посветена, професионална, со големо срце, ги знае во детали сите најразлични потреби на повредените. Катерина се откажа од својот трансфер во ГОБ 8 септември Скопје за да се посвети на повредените“, објави Клековски на „Фејсбук“.
Тој додава дека Катерина е најдобар можен избор за водење на болницата во периодот на опоравување на повредените и ветува силно лидерство за болницата во овој критичен период.
Македонија
Меџити во Украина: Силно ја осудуваме руската агресија и бараме итно запирање на војната

Првиот вицепремиер и министер за животна средина и просторно планирање на Република Северна Македонија, Изет Меџити, денес учествуваше на Самитот „Украина – Југоисточна Европа“ што се одржа во Одеса, Украина.
Самитот, кој беше отворен од претседателот на Украина, Володимир Зеленски, претставува продолжение на претходните средби одржани во Атина, Тирана и Дубровник, со учество на високи претставници од земјите на Југоисточна Европа. Главната цел на самитот е поддршка за Украина и зајакнување на регионалната соработка и безбедноста.
Во своето обраќање, вицепремиерот Меџити изрази благодарност за гостопримството на украинските власти и ја реафирмираше непоколебливата поддршка од страна на Северна Македонија за суверенитетот и територијалниот интегритет на Украина.
„Обединети сме пред предизвиците кои го загрозуваат мирот, безбедноста и меѓународниот поредок. Силно ја осудуваме руската агресија и бараме итно запирање на војната“, – истакна тој.
Вицепремиерот Меџити ја нагласи и посветеноста на земјата за продлабочена регионална соработка и изградба на безбедна, мирољубива и демократска Европа.