Европа
Виена: За првпат во Европа извршена трансплантација на белите дробови на заразен со коронавирус

На Медицинскиот универзитет во Виена деновиве била извршена итна и екстремно комплицирана трансплантација на белите дробови кај 45-годишна пациентка кој развила акутна респираторна слабост поради Ковид-19.
Екипа на лекари предводена од раководителот на Универзитетскиот оддел за хирургија и клинички оддел за торакална хирургија, Волтер Клепетко, успешно ги трансплантирале белите дробови на пациенкатат, кои биле толку оштетени, што веќе не можеле да се спасат и ги замениле со бели дробови на донатор на органи. Ова е првпат во Европа едно лице заразено со коронавирус да има трансплантација на белите дробови во навидум безнадежна ситуација.
„Ние сме многу задоволни од состојбата на пациентката, особено ако се има предвид дека почетната состојба беше исклучително тешка. Таа се опоравува добро неколку дена по операцијата“, вели Клепетко.
Пациентката, кој не страда од никакви други болести, се заразила со коронавирус пред околу осум недели. Кога таа развила акутна респираторна слабост, вештачкото дишење веќе не било можно, туку само екстракорпорална мебранска оксигенација(ECMO) или вградување на циркулациска пумпа.
Затоа минатата недела била пренесена со австриски воен хеликоптер во Виенската општа болница, каде била сместена во одделот за интензивна нега. Во тоа време, тест за PCR утврдил дека коронавирусните честички сè уште се присутни во неа, но тие повеќе не се оценети како заразни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Зеленски: 100.000 западни компоненти пронајдени во руски ракети и дронови

Украинскиот претседател Володимир Зеленски изјави дека повеќе од 100.000 компоненти произведени во Западот се пронајдени во беспилотни летала и ракети лансирани од Русија во Украина ноќта од саботата кон неделата. Наодите го потврдуваат континуираното присуство на западната технологија во руското оружје и покрај годините санкции.
Руските сили лансираа околу 500 беспилотни летала и повеќе од 50 ракети во голем напад врз Украина, насочен кон населени места низ целата земја, вклучително и оние далеку од линиите на фронтот. Најмалку шест лица беа убиени во нападот, вклучувајќи цело семејство од четири члена, а 18 други беа повредени.
Според Зеленски, беспилотните летала за напад содржеле 100.688 компоненти произведени во странство.
Околу 1.500 компоненти произведени во странство се пронајдени во ракетите Искандер, 192 во балистичките ракети Кинжал и 405 во крстосувачките ракети Калибр, објави Киев Индепендент.
Се вели дека овие компоненти се произведени од компании со седиште во САД, Кина, Тајван, Велика Британија, Германија, Швајцарија, Јапонија, Јужна Кореја и Холандија.
Зеленски истакна дека украинските партнери веќе имаат детални информации за секоја компанија и секој производ што е вклучен. Тој додаде дека Киев работи и на нови санкции насочени кон поединци и субјекти што ѝ помагаат на Русија.
„Од клучно значење е да се запре секоја шема што ги заобиколува санкциите, бидејќи Русија ги користи сите нив за да продолжи со убивањето. Светот има моќ да го спречи тоа“, рече тој.
фото: принтскрин
Европа
Орбан: Зеленски ја користи својата вообичаена тактика, но унгарскиот народ одлучи

Унгарскиот премиер Виктор Орбан го обвини украинскиот претседател Володимир Зеленски за „користење на неговата вообичаена тактика на морална уцена“.
„Се испостави дека претседателот Зеленски сака да одлучи што е најдобро за Унгарците. Тој повторно ја користи својата вообичаена тактика на морална уцена за да ги принуди земјите да ги поддржат неговите воени напори.
Почитуван господине претседателе, со сето должно почитување, Унгарија нема морална обврска да го поддржи пристапувањето на Украина во ЕУ. Ниту една земја никогаш не влегла во ЕУ преку уцена – и тоа нема да се случи ниту овој пат.
Договорот за ЕУ не остава простор за двосмисленост: членството се одлучува едногласно од земјите-членки. Унгарскиот народ одлучи. Тие со огромно мнозинство рекоа „не“ на членството на Украина во ЕУ на референдум. Ако сакате да го промените тоа, медиумската кампања што ја водите против Унгарија веројатно не е најдобриот начин да се добијат пријатели“, напиша Орбан на Икс.
Зеленски вчера на прес-конференција со холандскиот премиер Дик Шуф изјави дека Украина ќе стане членка на ЕУ без оглед на ставот на Орбан. „Украина ќе биде во ЕУ, со или без Орбан, бидејќи тоа е избор на украинскиот народ“, нагласи Зеленски.
фото: принтскрин
Европа
Мерц: Путин води хибридна војна против Германија, сака да нè заплаши

Германскиот канцелар Фридрих Мерц го обвини рускиот претседател Владимир Путин дека води „хибридна војна“ во Германија.
„Тој води информациска војна против нас. Тој води воена борба против Украина, а таа војна е насочена и против нас“, изјави Мерц за германската телевизија ntv.
Мерц тврди дека рускиот претседател сака да го преврти европскиот политички поредок наопаку. „И затоа ја поддржуваме Украина“, објасни Мерц, додавајќи дека е во интерес на Германија да го брани својот политички поредок и отворените, либерални општества во Европа.
На прашањето дали Путин води војна против Германија, Мерц рече: „Тој води хибридна војна против нас“.
Осврнувајќи се на зголемениот број инциденти со беспилотни летала во Германија и низ цела Европа, Мерц рече: „Ја знаеме заканата“, додавајќи дека Путин сака да заплаши и да всади страв.
„Нема да бидеме заплашени и исто така ефикасно ќе се браниме од оваа закана“, рече Мерц.
На прашањето дали размислувал да се јави на Путин, Мерц рече дека „секако го разгледува тоа“.
Тој додаде: „Можам само да видам дека секој обид да разговарам со него во моментов завршува со уште понасилни напади врз Украина“.
фото: принтскрин