Македонија
ВМРО-ДПМНЕ : Владиниот кабинет во сенка бил стациониран во станот на Боки 13

„Владиниот кабинет во сенка бил стациониран во станот на Боки 13. Од таму се координирала операцијата Рекет. Од таму се бирале жртвите и начинот на кој што блиските соработници на Заев ќе им одземат милиони евра“, соопшти ВМРО-ДПМНЕ.
Според партијата, во станот на Боки 13 редовно имала сеанси половина влада на чело со Зоран Заев. Во станот биле редовни Шекеринска, Филипче, Кирацовски и останати високи владини и партиски функционери.
„Сите тие го гледале луксузот во кој што живее Боки 13 и милионите со кои се расфрла и знаеле дека тие не се законски и чесно заработени. Затоа Димитров го криел криминалот пријавен од странски дипломати, а Заев не може да се сети и да докаже кога пријавил. Затоа Спасовски комуницирал со рекетарите наместо да ги апси, а Боки 13 бил предупредуван да не контактира со жртвите на рекетот кои се охрабрувале да го пријават криминалот на политичко-медиумско-обвинителскиот октопод. Затоа е јасно дека сите од прв до после де лажат за своите контакти и соработка со Боки 13.
„Илинденска бб“ е адресата на која што завршува содржината на фамозната торба „Луј Витон”, која стана олицетворение за криминалот и корупцијата на Зоран Заев и неговата криминална банда. На цела држава и е јасно дека 2 пати амнестираниот криминалец не можеше да се воздржи да не биде дел од уште една мулти-милионска криминална измама. Тоа е начинот на кој што функционира Зоран Заев. Тоа е неговиот модус операнди, закани, уцени, притисоци, рекет, мито, поткуп и корупција. Начинот на кој раководеше со општина Струмица е начинот на кој што тој раководи со Владата на Република Македонија. За само 3 години криминално рекетарската банда на чело со аболицираниот Заев изрекетира повеќе од 20 милиони евра. Како што бараше 1 евро за Вицето, сега бара милиони евра од политичари и бизнисмени. Цела Влада знаела за рекетот. Сведок во процесот информирал амбасадор за уцените и изнудите тешки 2 милиони евра, а известен бил и Димитров за рекетирањето од страна на партнерите на Заев“, велат од партијата.
Според нив, Димитров наместо да застане на страна на правдата тој не го пријави случајот во обвинителството и не ги известил надлежните органи. Димитров треба да е свесен дека самото непријавување е кривично дело, а органите на прогонот треба да ја најдат причината за ваквата постапка.
„Дали станува збор за лукративни побуди или на тој начин си ја обезбедувал блискоста со Заев.Одговорност мора да има, и политичка и кривична за криминалот и корупцијата, тоа ќе се случи само кога правосудниот систем во Македонија ќе се ослободи од стегите на власта. Тогаш ќе одговараат оние кои се огрешиле пред законот како и оние кои се ставиле во заштита на криминалот“, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода дел од Кисела Вода

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска поради изведување на водоводен приклучок на водоводна мрежа со пречник од Ф-150 мм на улицата Христо Татарчев бр. 47, прекинато водоснабдување ќе имаат корисниците од истата улица и кулите – Расдник, oпштина Кисела Вода.
Водоснабдувањето ќе биде прекинато од 09:00 часот до завршување на работните активности.
Македонија
Сончево и топло, максималната температура ќе достигне до 34 степени

Времето денеска ќе биде сончево и топло со мала локална облачност. Ќе дува слаб до умерен, а наместа долж Повардарието повремено засилен ветер од северен правец. Минималната температура ќе биде во интервал од 9 до 19, а максималната ќе достигне од 27 до 34 степени.
Во Скопје, сончево и топло. Ќе дува умерен, во делови од котлината повремено засилен ветер од северен правец. Минималната температура ќе се спушти до 17, а максималната ќе достигне до 34 степени.
Времето во наредните денови
Во следните денови времето ќе биде стабилно, претежно сончево и топло. Ќе дува умерен, во сабота наместа долж Повардарието повремено засилен северен ветер.
Македонија
„Уапсени се полицајци и полициски функционери кои биле на смена кобната вечер“: СДСМ ја поздрави акцијата на ОЈО ГОК за Кочани

„Ја поздравуваме вечерашната акција на Обвинителството за организиран криминал и корупција во која се лишени од слобода полицајци и полициски функционери кои биле на смена кобната вечер на 16 март во т.н. дискотека Пулс во Кочани“, соопшти СДСМ.
„Фактот што четири месеци ВМРО-ДПМНЕ се обидуваше да ја сокрие одговорноста на полицајците и полициските функционери, фактот што нивната вина беше негирана од страна на Панче Тошковски и Христијан Мицкоски укажува на тоа дека сите биле вмешани или на некој начин знаеле за нелегалното работење на Пулс и тоа го одобрувале.
Само поради обидите да се сокрие одговорноста од страна на Тошковски и Мицкоски на лицата кои тие ги поставија за полицајци, командири и началници би требало веднаш да си поднесат оставки.
Одговорност мора да има и за Александар Јанев, директорот на БЈБ. Тошковски и Јанев не смеат повеќе да ја попречуваат истрагата ниту да влијаат некој да не сноси одговорност.
Вистината за Кочани која цела недела ја објавуваше СДСМ е точна. Се покажа дека без силен притисок на јавноста, на дел од медиумите и на СДСМ нема да има правда за Кочани. Време е за одговорност, време е за оставки“, се додава во соопштението на СДСМ.