Министерството за внатрешна безбедност на САД објави графика слична на божиќна честитка на X, повикувајќи на депортација на луѓе кои се во САД без регуларен статус.

„Драги нелегални имигранти, вратете се дома за празниците!“, пишува во статусот, со линк до официјалната веб-страница на Царинската и гранична заштита на САД.

Dear Illegal Aliens, fly home for the holidays! https://t.co/YGo3uuNvrE pic.twitter.com/quvV8gzla3

— Homeland Security (@DHSgov) December 18, 2025

Графиката прикажува воен транспортен авион на писта со новогодишни детали. „Сезона е на масовни депортации“, пишува на графиката.

Соопштението е дел од поширока комуникациска кампања на Министерството за внатрешна безбедност за промовирање построги имиграциски политики и охрабрување на луѓето во Соединетите Држави без регуларен статус доброволно да ја напуштат земјата.

СВР Охрид информира дека од денеска во наредните десет дена, на сила ќе бидат измените на сообраќајниот режим на автопатската делница во изградба од селото Требеништа до селото Мешеишта, општина Дебрца.

„На овој патен потег, сообраќајот ќе се одвива наизменично по левата сообраќајна лента гледано во правец од Охрид кон Кичево поради што, апелираме до возачите, крајно внимателно и со прилагодена брзина да ги управуваат своите патнички и други моторни возила и во согласност со поставената хоризонтална и вертикална сообраќајна сигнализација“, соопштуваат од СВР Охрид.

Украинскиот претседател Володимир Зеленски, по денешната прес-конференција во Брисел, се огласи на социјалните мрежи за дополнително да го разјасни својот повик за користење на замрзнатите руски средства за одбрана од агресија.

Во серија објави на платформата Икс, повторувајќи ги клучните пораки од неговиот говор пред Европскиот совет, Зеленски порача дека Русија изгубила „сè што се обидела да искористи за да се заканува или скрши“ на Киев и Европа. „Ако сите постигнавме толку многу, тогаш како може Европската Унија да се скрши сега?“, праша тој.

At the EU Council meeting I said: just like authorities confiscate money from drug-traffickers and seize weapons from terrorists, Russian assets must be used to defend against Russian aggression and rebuild what was destroyed by Russian attacks. It’s moral. It’s fair. It’s legal. pic.twitter.com/y9npXV6AH8

— Volodymyr Zelenskyy / Володимир Зеленський (@ZelenskyyUa) December 18, 2025

Според него, одлуката за користење на руските средства е една од најважните пред Унијата. „Одлуката што сега е на маса – одлуката целосно да се користат руските средства за одбрана од руска агресија – е една од најјасните и морално оправданите одлуки што некогаш можат да се донесат“.

Зеленски нагласи дека тоа мора да биде суверена одлука на Европа, а не на некој однадвор, и дека со текот на времето ќе ја докаже својата исправност. „И ако – или кога – се донесе оваа одлука за целосно користење на руските средства за одбрана од руска агресија, тогаш со текот на времето ќе им стане јасно на сите – ова беше вистинскиот избор и ја направи Европа посилна.“

Тој се осврна и на руските закани насочени кон земјите што ја поддржуваат оваа иницијатива. „Знам дека Русија ги заплашува различните земји поради оваа одлука. Но, не треба да се плашиме од заканите – треба да се плашиме од слабата Европа“, рече тој.

На крајот, тој истакна дека Европската Унија би можела да има директна економска корист од ова, бидејќи парите би се користеле за финансирање на купување оружје произведено во европски компании.