Свет
Во Франција измерени највисоките температури досега кои достигнаа над 45 степени

Франција ги регистираше денеска највисоките температури, додека пожарникарите продолжија да се борат со страотните пожари какви што досега не ја зафатиле Шпанија. Поголемиот дел од Западна Европа е зафатен од пеколни температури и екстремен топлотен бран.
Метео-Франција информираше дека температурата во Вилевиеиле во Прованса, достигнале до 45,1 целзиусови степени, рушејќи ги сите досегашни рекорди.
,,Ова е историско”, рече метеоролог од Франција, Етиен Капијан. ,,Ова е прв пат во Франција да се забележи температура поголема од 45 степени”.
Светската метеоролошка организација во Женева вели дека 2019 година е на пат да стане најжешката година и дека 2015-2019 ќе стане најтоплиот петгодишен период.
Топлотниот бран ја зафати Европа уште во понеделникот.
,,Топлотните бранови ќе станат поинтензивни, ќе станат поизразени, ќе станат поекстремни, ќе почнат порано и ќе завршат подоцна”, изјави за новинарите портпаролката на ВМО, Клер Нулис.
Францускиот претседател Емануел Макрон изјави дека екстремните временски услови ќе станат почести како резултат на глобалното затоплување. ,,Ќе треба да ја смениме нашата поставеност, нашиот начин на работа, да градиме поинаку”, рече тој, истакнувајќи дека е неопходно ,,адаптирање на општеството и неговите навики”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Јордан го затвора воздушниот простор по израелските напади врз Иран

Јордан привремено го затвора својот воздушен простор како превентивна мерка, по израелските напади врз Иран.
„Оваа превентивна мерка е преземена поради на воената ескалација во регионот“, објави Јорданската регулаторна комисија за цивилно воздухопловство (CARC), објави CNN.
Главниот комесар на CARC, Хајтам Мисто, рече дека одлуката е во согласност со меѓународните стандарди за цивилно воздухопловство и обврските за безбедност на летот, и дека привременото затворање ќе биде континуирано оценувано и преиспитувано.
И Израел и Иран привремено го затворија својот воздушен простор. Веб-страницата за следење на летови Flightradar24 покажува дека небото над двете земји било практично празно рано наутро во петок по локално време.
Израелската армија денес објави дека во текот на ноќта започнала напади врз неколку места во Иран, како и дека целите на нападите биле, меѓу другото, цели поврзани со нуклеарната програма.
Портпаролот на израелската војска денес изјави дека Иран лансирал повеќе од 100 беспилотни летала кон Израел во последните неколку часа, откако земјата вети одмазда за израелските напади, објави Sky News.
Свет
Израелската војска тврди дека Иран имал конкретен план да го уништи Израел

Израелските одбранбени сили (ИДФ) објавија дека Иран има „конкретен план за уништување на Израел“, кој, според израелски извори, бил наречен „План за уништување на Израел“.
Во соопштението се вели дека Иран, покрај напорите за развој на нуклеарно оружје, произведува десетици илјади ракети и беспилотни летала и подготвува „комбиниран копнен напад на повеќе фронтови истовремено“.
Израелските одбранбени сили тврдат дека анализата на огромните количини разузнавачки информации што ги собрале открила координација меѓу иранскиот режим и лидерите на Хамас и Хезболах, со цел вооружување на тие групи.
„Државата Израел немаше избор“, се вели во соопштението, додавајќи: „Израелските одбранбени сили се должни да дејствуваат во одбрана на израелските граѓани и ќе продолжат да го прават тоа“.
Израел изврши голем воздушен напад врз повеќе цели во Иран како дел од операцијата Rising Lion.
Свет
Авион на Ер Индија изврши принудно слетување по закана за бомба

Авион на Ер Индија што леташе од Пукет, Тајланд до индискиот главен град Њу Делхи, денес доби закана за бомба и изврши принудно слетување во Тајланд, соопштија властите на аеродромот во Пукет.
Патниците беа евакуирани од летот AI 379, во согласност со плановите за вонредни ситуации, соопшти официјален претставник на аеродромите на Тајланд.
Во авионот имало 156 патници, а заканата за бомба била примена во авионот, се вели во соопштението.
Авионот полетал од аеродромот Пукет кон индискиот главен град во 9:30 часот наутро во петокот, но направил широк круг над Андаманското Море и слетал назад на тајландскиот остров.