Контакт

Спорт

Известувачите од Вимблдон за „Макфакс“ прогнозираат: Синер фаворит, Ѓоковиќ во сенка, кај жените сè е отворено

Објавено пред

Од специјалниот известувач од Вимблдон

dobivaj vesti na viber

Како и минатите години, така и оваа, известувачот на Макфакс и Топ спорт од Вимблдон, на првиот ден од почетокот на тенискиот турнир, направи кратка анкета меѓу новинарите за тоа кого очекуваат да биде победник на турнирот во машка и женска конкуренција. Нивните прогнози се слични кога е машкиот дел од турнирот во прашање, додека во женска конкуренција, како најавуваат, сè ќе биде отворено до последниот ден.

За известувачот на Гардијан, Тумајни Карајол, фаворити се Јаник Синер и Карлос Алкарас, меѓутоа не е сигурен кој од нив ќе биде победник.

„Алкарас победи на последниот Роланд Гарос и тој е мој фаворит, меѓутоа, исто така, и Синер игра одлично. Ѓоковиќ е аутсајдер бидејќи немаше добра сезона и прашање е колкава ќе биде неговата мотивација на овој турнир. Исто така, и прашање е повредата колку ќе го спречи за добар резултат. Го гледав на тренинг мечевите и, воопшто, не ми изгледаше добро“. Што се однесува до женскиот дел од турнирот, за него сè е отворено до крај. „Сабаленко е мојот фаворит. Исто така, и Швјонтек може да биде победник бидејќи доаѓа како шампионка на Ролан Гарос. Тука е и Елена Рибакина, како и Онс Жабер, која играше во двете последователни финалиња на Вимблдон. Кај жените ништо не може да се предвиди“.

За репортерот на Би-би-си, Сајмон Манди, оваа година треба да биде година на новата генерација на тенисери кои ќе владеат во наредните години. „Надал не е тука, Енди Мареј лошо игра, а Ѓоковиќ поради повредата нема да може да го издржи целиот турнир. За мене главен фаворит е Синер. Женскиот дел од турнирот е многу возбудлив. Кај нив постојано нешто се менува: Швјонтек, Гоф, Сабаленка, Жабер. За мене Сабаленко игра добро на трева, а Швјонтек не ми е фаворит“.

Гунс Петерс известувач за холандскиот весник Волкскрант верува дека Синер и Алкарас се фаворити. „Мислам дека во тоа рано финале Синер ќе победи и ќе му се реваншира за Ролан Гарос. Новак можеби е аутсајдер, но тој седум пати е вимблдонски шампион и секогаш може да одигра добар турнир. Сè зависи како ќе се избори со неговата повреда. Кај жените е многу потешко за прогнозирање. Швјонтек е голем фаворит, но тревата не е нејзина подлога. Затоа можно е Гоф или Жабер да се појават во преден план“.

Сосема поинакви очекувања за машкиот и женскиот турнир има чилеанецот со македонски корени, Себастијан Варела, од порталот Клеј од Сантијаго де Чиле, за кого фаворит е Ѓоковиќ. „Овој пат нема да се обложувам против Ѓоковиќ бидејќи секогаш кога сум го правел тоа, сум изгубил. Така што, мислам дека Ѓоковиќ ќе ги изненади сите и ќе се изедначи со Федерер со осум шампионски титули. Сепак, ова учество ќе го чини да нема добар резултат на Олимписките игри во Париз. Кај жените посакувам да победи седумнаесет годишната Русинка Мира Андреева, исто како што победи нејзината сонародничка Шарапова со 17 години пред 20 години. Тоа би била совршена приказна“.

Занимливи се размислувањата и прогнозите на известувачите кои доаѓаат од земјите од каде се и најголемите фаворити за освојување на машкиот дел од турнирот.

За Антонело Гуерера, дописник на римска Ла Република од Лондон, нема дилема дека неговиот сонародник Јаник Синер е фаворит број еден. После него Алкарас е вториот фаворит, додека на Новак Ѓоковиќ не му дава големи шанси поради повредата и недоволната подготвеност за турнирот. „Ова е голема можност за Синер, бидејќи тој од Австралија Опен игра најконзистентно и, како изјави на прес конференцијата, е полно со самодоверба. Иако неговиот распоред до финалето е најтежок, сметамм дека има капацитет да ги помине сите предизвици и да победи било кого бидејќи е многу позрел од минатогодишното полуфинале со Ѓоковиќ. Кај жените е многу понепредвидливо. Се надевам дека Жабер конечно ќе го освои турнирот, бидејќи Швјонтек не игра добро на трева“.

Шпанскиот новинар Мануел Санчез, кој известува од Вимблдон за агенцијата ЕФЕ од Мадрид, верува дека Алкараз и Ѓоковиќ имаат големи шанси да стигнат далеку на турнирот бидејќи и распоредот им е доста поволен. Во полуфиналето Алкарас-Синер смета дека шансите се 50-50. „Многу ќе зависи од играта која Синер ќе ја покаже на претходните мечеви, бидејќи има тежок распоред. Тој не е играч кој игра пет сетови, и затоа во евентуалното полуфинале, сепак за мене Алкараз би бил фаворит. Ѓоковиќ има лесен распоред до четвртфиналенто, каде може да игра против Хуркач, но верувам дека до тогаш ќе ја подигне својата форма и дека во полуфиналето ќе ги видиме Ѓоковиќ, Алкараз и Синер. Доколку ни се повтори минатогодишното финале, преднос му давам на Алкараз бидејќи тој знае да игра во пет сетови, а Новак е сепак со повредено колено. За Алкараз мислам дека полуфиналето би му било потешко против Синер, отколку финалето со Новак. Новак можеби и нема да стигне до финалето, бидејќи Хуркач го има најсилниот сервис на турнирот, а за Синер верувам дека сигурно ќе биде во полуфиналето“. Кај жените очекува добар турнир за Швјонтек. „Можеби нема да игра во финалето, но ќе стигне далеку. Освен неа, типувам на Коко. Сабаленко има проблеми со сервисот и не верувам дека претходните изненадувања можат да се повторат и оваа година“.

За Вук Брајовиќ од белградски Курир главното прашање е „Мистеријата Ѓоковиќ“. „Ако имаше ваква ждрепка било која година во последните десет – веќе ќе се сметаше за учесник барем во полуфиналето. Бидејќи е јасно дека не е во посакуваната форма по операцијата на менискусот, паузите на тренинзите и е без подготвителни натпревари, буквално секој негов противник се јавува како сериозна закана, без разлика на рангот или меѓусебниот скор. Ако Новак го помине четвртото коло, му давам голема шанса за финале, а таму сè е можно. Исто така, со нетрпение се очекува најавениот судир во полуфиналето Синер-Алкараз. Алкараз има микро-предност пред Синер, но конечниот победник на турнирот многу ќе зависи од тоа кој и во каква состојба ќе излезе од нивното полуфинале. Накратко – еден од најотворените Вимблдони на овој век“. Кај жените смета дека победник може да биде било која од Швјонтек, Рибакина, Гоф, Жабур или некоја добра серверка која ќе има и малку среќа во извлекувањето. Тој не би ја ставил Сабаленка на оваа листа бидејќи не се чувствува добро.

И неговиот сонародник Милош Бечаговиќ од белградскиот портал Телеграф надежите ги усмерува кон Новак Ѓоковиќ. „Закрепнувањето му оди добро, и се надевам дека Новак ќе биде на ниво, и за сметка на тоа и прв фаворит на турнирот. Но за тоа ќе можеме да судиме после првите три кола. Веднаш до него е Јаник Синер, кој е многу интелигентен играч кој учи на своите грешки, и никогаш еднаш направена грешка не ја повторува. Алкараз на Ролан Гарос ја поврати својата форма и не би го отпишал. Сепак, Синер е фаворит“. За него Швјонтек играта што ја покажала на Ролан Гарос е застрашувачка и ако ја пренесе на Вимблдон тоа би било неверојатно. „Единствено Сабаленка и Рибакина можеби би можеле да ја спречат“.

Ненад Живановски

Спорт

Договорено: Еламс се враќа во Наполи

Објавено пред

Елиф Елмас по 18 месеци се враќа во Наполи. Трансфер инсајдерот, Фабрицио Романо, објави дека Наполи и Лајпциг ги договориле сите детали околу трансферот. Елмас во градот под Везув се враќа на позајмица.

dobivaj vesti na viber

Елмас, пред 18 месеци од Наполи замина во Лајпциг за 24 милиони евра, сега се враќа во Неапол. Наполи ќе ја плати позајмицата со 1,5 милиони евра, а по завршувањето на сезоната за околу 12 милиони евра ќе може да го откупи договор на Елмас.

Она што е најважно за Лајпциг е што Наполи во целост ќе ја преземе платата на македонскит репрезентативец, која на годишно ниво изнесува три милиони евра.

Foto/ EPA

Прикажи повеќе...

Спорт

Шкендија во продолженијата остана без Лига Европа

Објавено пред

Фудбалерите на Шкендија есенва ќе се натпреваруваат во главната фаза во Конференциската лига. Фудбалерите на македонскиот шампион, во Разград паднаа во продолженијата. Лудогорец во регуларните 90 минути победи со 2.1, а во продолженијата Бугарите постигнаа уште два гола за конечни 4:1.

dobivaj vesti na viber

Лошото прво полувреме, во кое на противникот му дозволија да упати 14 удари кон голот, од кои шест одеа во рамките на голот, ги чинеше фудбалерите на Шкендија поволен резултат. Два оф тие шетс удари завршија во голот во првите 24 минути. Куртулус и Чочев беа стрелци во деветтата и 24 минута.

Во вториот дел Шкендија се спротивцтави на вистински начин, во 64.минута Тамба постигна гол за 2:1. Гаје имаше нестварна интервенција во 87.минута, а во следниот напад Тамба не реализира во ситуација еден на еден.

Во дополнителните 30 минути, Лудогорец постигна два гола преку текпетеј во 98. и Биле во 122.минута.

Шкендија ждрепката за Конференциската лига ќе ја чека од петтиот шешир. Ждрепката е во петок од 13 часот.

Foto/ EPA/GEORGI LICOVSKI

Прикажи повеќе...

Спорт

Трансфер „бомба“ во Премиер лигата – Волтемаде во Њукасл за повеќе од 80 милиони евра

Објавено пред

Итлијанскиот инсајдер Фабрицио Романо објави ексклузива дека Штутгарт ја прифатил понудата на Њукасл од 80 милиони евра, која со бонусите може да достигне 90 милиони, за германскиот напаѓач Ник Волтемаде (22).

dobivaj vesti na viber

Германскиот репрезентаивец е на пат кон Њукасл, кога ќе ги заврши медицинските тестови ќе потпише договор со „страчките“.

Напаѓачот висок 198 сантиметри, кој се покажа како вистински кошмар за стоперите минатата сезона, има закажан лекарски преглед за утре, а британските медиуми истакнуваат дека ова е шокантен развој на настаните со оглед на тоа што напаѓачот беше поврзуван со Баерн поголемиот дел од летото.

Оваа сезона, тој одигра два натпревари за Штутгарт, по еден во Купот и првенството, и постигна еден гол.

Волтемаде беше цел на Баерн во текот на целото лето, но Штутгарт одби повеќе понуди вклучувајќи ја последната од 60 милиони евра, инсистирајќи на поголема сума.

Поради ова веста за понудата на Њукасл претставува пресврт во однос на претходната позиција на Штутгарт дека продажбата нема да се случи во овој преоден рок.

Доведувањето на Волтемаде многу веројатно ја отвора и вратата за трансфер на Александар Исак, кој штрајкува веќе неколку недели и тренира одделно со цел да го напушти клубот и да се приклучи на Ливерпул, актуелниот шампион на Англија.

Foto/ EPA/ANNA SZILAGYI

Прикажи повеќе...

Најново

Европа17 минути

(Видео) Се урна Ф-16 во Полска, пилотот загина

Полски воен авион Ф-16 се урна за време на проба за аеромитинг во Радом, централна Полска, при што загина пилотот,...

Европа21 минута

Мерц: Очигледно е дека нема да има средба меѓу Путин и Зеленски

Германскиот канцелар Фридрих Мерц повеќе не очекува средба меѓу рускиот и украинскиот претседател Владимир Путин и Володимир Зеленски во блиска...

Европа60 минути

(Видео) Амбасадата на САД во Украина за рускиот напад: Трамп беше јасен, убиствата мора да престанат

Руските напади врз украинската цивилна инфраструктура се неприфатливи и мора веднаш да престанат, објави амбасадата на САД во Украина на...

Свет15 часа

Фон дер Лајен: Путин мора да седне на преговарачка маса, Европа ќе ја одигра својата улога

Претседателката на Европската комисија, Урсула фон дер Лајен, денес разговараше телефонски со украинскиот претседател Володимир Зеленски и американскиот претседател Доналд...

Топ17 часа

21-годишно момче загина а две лица се тешко повредени во сообраќајка кај Градско

Денеска (28.08.2025) околу 00:10 часот во СВР Велес, е пријавено дека на локалниот пат с.Горно Чичево-с.Долно Чичево, општина Градско, патничко...

Топ17 часа

Битолчанец се удавил во водите на Охридското езеро

Вчера во 12.55 часот во ОВР Струга било пријавено дека во водите на Охридското езеро бил пронајден починат В.Т.(49) од...

Македонија18 часа

Мицкоски до Филипче: Време е да бидат конструктивна опозиција, растот на нето-платата сега е двојно поголем во однос на периодот на Владата на СДСМ

„Добро е да се направи споредба меѓу параметрите што ги прават СДСМ и ДУИ кога тие беа во Владата седум...

Македонија18 часа

Османи: Албанците никогаш нема да прифатат некој друг да одлучува во нивно име

Кандидатот за градоначалник на Чаир од редовите на ДУИ, Бујар Османи, реагираше на последните изјави на премиерот Мицкоски, кој најави...

Македонија19 часа

Арсовска: „Такво време дојде, ем да тепаат жени, ем да глумат жртви дека се тепани“

Градоначалничката на Град Скопје, Данела Арсовска со објава на социјалните мрежи пред утрешното рочиште во Кривичниот суд во Скопје, на...

Македонија21 час

ДУИ: Од Балансер до Бадeнтер, план за рушење на уставниот поредок

Северна Македонија никогаш немала влада- по настроена против Охридскиот договор, против европската иднина и европската интеграција и повеќе од рамнодушна...

Свет22 часа

Сијарто: Европските политичари се најжестоките противници на мирот во Украина

Унгарскиот министер за надворешни работи Петер Сијарто изјави дека европските политичари во моментов се „најжестоките противници на мирот во Украина“,...

Топ23 часа

Го удирале со боксови по целото тело и глава: преку психијатриско вештачење ќе се утврди дали тројцата осомничени свесно го извршиле убиството во Кавадарци

Основното јавно обвинителство Кавадарци донесе Наредба за спроведување истражна постапка против три лица за кои постои основано сомнение дека како...

Македонија23 часа

На ГП Меџитлија откриени над 300 шишиња со хемиски препарати за прскање: спречен обид за криумчарење

Царинските службеници на граничниот премин Меџитлија спречија обид за криумчарење на поголема количина препарати за заштита на растенија. Во раните...

Свет24 часа

(Видео) Напаѓачот од САД се претставувал како жена: оставил морничави пораки

Напаѓачот во училиштето во Минеаполис, кој уби две деца и рани најмалку 17 други, е идентификуван додека полицијата истражува манифест...

Македонија1 ден

СДСМ ги објави имињата на уште 11 кандидати за градоначалници

Попладнево се одржа седница на Извршниот одбор на СДСМ. Членовите донесоа одлука со која е дадена согласност за кандидатури за...

Македонија2 дена

Родителите од Демир Хисар револтирани: Законот ги принудува учениците на сместување во домови за да добијат превоз

Родители од Демир Хисар изразија незадоволство од измените на законот за средно образование и изразија загриженост за превозот на децата...

Македонија2 дена

(Видео) „Филипче со лаги за економијата во стилот на Заев – не знае чија е јахтата, ама знае дека ќе коалира со ДУИ“, вели Стојаноски

„Денешната прес-конференција на Венко Филипче е најдобар доказ дека СДС е изгубена во сопствените лаги и дека се обидува со...

Македонија2 дена

Сите ученици ќе имаат учебници на почетокот на новата учебна година, и тоа по сите предмети, велат од МОН

Сите ученици ќе имаат учебници на почетокот на новата учебна година и тоа по сите предмети согласно наставните планови во...

Топ2 дена

МВР со детали за пожарот кај „Зебра“: четири возила зафатени од огнот

Денеска, во 2.05 часот, во СВР Скопје било пријавено дека во Скопје, на територијата на Центар, било опожарено патничко моторно...

Македонија2 дена

(Видео) Филипче: Со ВМРО-ДПМНЕ на власт основните трошоци се зголемени за 4.300 денари, а минималната платата за 1.800 денари

ВМРО-ДПМНЕ за една година ја доведе државата во најголема економска несигурност што сме ја виделе досега, а граѓаните живеат сé...