Свет
Конте објави план за постепено укинување на ограничувањата во Италија
Премиерот на Италија, Џузепе Конте, најави план за постепено укинување на ограничувањата во земјата по седумнеделната забрана за движење со цел сузбивање на коронавирусот. Конте рече дека граѓаните, без оглед на релаксирањето на мерките, мора да продолжат да ги почитуваат правилата за социјална дистанца.
Од 4 мај ќе се отворат јавните паркови и зелените места и граѓаните ќе може да ги посетуваат роднините што живеат во истиот регион. Градоначалниците имаат право да воведат посебни ограничувања при престојот во паркови за да избегнат метеж, на пример, да одредат максимален број луѓе истовремено.
За време на семејните посети, луѓето ќе треба да носат маски, а останува забрането да се организира забава. Од 4 мај ќе бидат дозволени погреби со најмногу 15 ужалени, кои ќе треба да носат маски. Се препорачува сите погреби да се одржуваат на отворено.
Библиотеките, музеите и галериите ќе бидат отворени од 18 мај. Доколку епидемиолошката состојба не се влоши, малопродажните продавници ќе се отворат на 18 мај, а рестораните, кафулињата и фризерниците на 1 јуни, рече Конте.
Фабриките и градежните работници може да продолжат со работа веднаш штом ќе се воспостават неопходните безбедносни мерки за да се спречи ширењето на коронавирусот. Меѓутоа, Конте рече дека во случај на нов пораст на заболени владата веднаш ќе интервенира и ќе ги забрани индустриските активности.
„Ако луѓето не ги почитуваат новите мерки, работите ќе излезат од контрола, ќе имаме зголемување на смртните случаи, а економијата ќе претрпи непоправлива штета“, рече Конте.
Тој исто така најави дека клубовите за колективни спортови би можеле да почнат со тренинзи на 18 мај, а за индивидуални спортови на 4 мај. Таа одлука значи дека италијанското фудбалско првенство Серија А би можело да продолжи во јуни.
Италијанското Министерство за здравство соопшти дека земјата има најмал дневен број смртни случаи од инфекција на коронавирус од средината на март. Од вирусот се заразени 197.675 луѓе, од кои 26.644 починале.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најголемата компанија за вода во САД погодена од сајбер напад
Најголемата компанија за вода во САД, American Water, денеска откри дека неодамна била погодена од сајбер напад и дека поради тоа го затворила својот портал за услуги на клиентите.
Компанијата со седиште во Камден, Њу Џерси, на својата веб-страница соопшти дека минатиот четврток станала свесна за „неовластена активност во нејзините компјутерски мрежи и системи“, за која утврдила дека е „резултат на инцидент со сајбер безбедноста“, објави CNN (CNBC).
Компанијата, исто така, рече дека нема да наплатува никакви задоцнети такси или други такси додека системот не работи.
Свет
Пет земји ќе добијат повеќе од една милијарда евра помош од ЕУ за санација на последиците од поплавите
Европскиот парламент (ЕП) денеска одобри помош во износ од над една милијарда евра за санација на последиците од катастрофалните поплави што ги погодија Италија, Словенија, Австрија, Грција и Франција во 2023 година.
Средствата се доделени од Фондот за солидарност на ЕУ, а пакетот помош е одобрен со 632 гласа „за“, седум гласа против и три воздржани, се наведува на веб-страницата на ЕП.
Европратениците велат дека помошта од ЕУ треба да се прошири со оглед на зголемениот број природни катастрофи во Европа.
Свет
Орбан: Ако победи Трамп, ќе отворам неколку шишиња шампањ
Унгарскиот премиер Виктор Орбан изјави дека ќе отвори „неколку шишиња шампањ“ доколку Доналд Трамп се врати во Белата куќа.
Орбан треба да биде домаќин на колегите лидери на ЕУ на самитот во Будимпешта неколку дена по претседателските избори во САД на 5 ноември.
„Ќе отвориме неколку шишиња шампањ ако Трамп се врати“, рече Орбан, опишувајќи го самитот на ЕУ во ноември како момент за „блокот да се собере за да се обиде да најде заеднички глас“.
Орбан рече дека Трамп, доколку биде избран за претседател, нема да чека до неговата инаугурација, туку веднаш ќе дејствува „за да се воспостави мир“ меѓу Украина и Русија „за како европски лидери да немаме што да изгубиме“.
„Прво треба да реагираме интелектуално, филозофски, а потоа и стратешки“, рече тој.
Трамп постојано тврдеше дека може да донесе мир во Украина „многу брзо“, без да понуди никакви детали за тоа како би можело да се постигне трајно решение.
Ставовите на Орбан за руската инвазија многу ги отсликуваат ставовите на Трамп, кој беше обвинет од потпретседателката на САД и кандидат за претседател на Демократската партија Камала Харис дека ги повторува идеите на Владимир Путин, пишува Гардијан.