Свет
НАСА објави вознемирувачки снимки од пожарите кои ги уништуваат ,,белите дробови” на светот
Вознемирувачки сателитски снимки на НАСА од вселената укажуваат на огромниот размер на пожарите што ја зафатија Амазонија која се нарекува и „белите дробови на светот“.Фотографиите на НАСА покажуваат дека ситуацијата во неколку бразилски држави е застрашувачка.Повеќе од половина од пожарите се наоѓаат во огромниот басен на Амазон, каде живеат повеќе од 20 милиони луѓе.
Пожарите беснеат со рекордна стапка во бразилската дождовна шума во Амазон, а научниците предупредуваат дека може да се случи уништувачки удар во борбата против климатските промени.Станува збор за најголем број на пожари кои избувнале од 2013 година, кога ситуацијата на терен почнала да на следи Националниот институт за истражување на вселената (познат по кратенката INPE).
On August 20, @NASA/@NOAA's Suomi NPP mission captured this image of smoke and fire across several Brazilian states >> https://t.co/fTizv2DSRH @NASAEarth pic.twitter.com/WOF5VsqXIF
— NASA Marshall (@NASA_Marshall) August 23, 2019
Оваа година има 72.843 пожари во Бразил, повеќе од половина во регионот Амазон, соопшти ИНПЕ. Тоа е повеќе од 80% зголемување во однос на истиот период минатата година.
NASA's AIRS instrument maps carbon monoxide (CO) from fires burning in Brazil's Amazon region.
This time series ⬇️ shows CO high in the atmosphere over Brazil from Aug. 8-22, 2019. Each "day" in the series is made by averaging three day's-worth of data: https://t.co/binaSKsGcm pic.twitter.com/tcg2W311Pm
— NASA Earth (@NASAEarth) August 23, 2019
Амазон честопати се нарекува ,,белите дробови на планетата”, бидејќи произведува 20% од кислородот во земјината атмосфера. Се смета дека е од витално значење за забавувањето на глобалното затоплување и е дом на безброј видови на фауна и флора.
So far in 2019, the region is experiencing more fires, with more intense burns, than in recent years. pic.twitter.com/PhqRBMjfsu
— NASA Earth (@NASAEarth) August 23, 2019
Драматичните слики и видеата на социјалните мрежи покажуваат огромни облаци од чад што се издигаат од зеленилото и огнени линии, оставајќи пустош зад себе.
See entire fire seasons flash by in seconds in this animation of nearly two decades of active #fire data from the #MODIS on the Terra satellite. https://t.co/fmStzrAjzg #NASA pic.twitter.com/cMTJ4IgsAi
— NASA Earth (@NASAEarth) August 23, 2019
Чадот достигна сè до Сао Паоло, оддалечен повеќе од 1.700 милји. Сликите од градот го прикажуваат небото прекриено од чад и пепел.
#SaveAmazonas #SaveAmazonia pic.twitter.com/lnYifqq8BJ
— ALBERT GARZIA ⌘ (@albertgarzia) August 23, 2019
Сателитската програма на Европската унија, Коперник, објави мапа на која се гледа чад од пожарите што се шират низ Бразил до источниот атлантски брег. Чадот опфаќа скоро половина од земјата и дури се прелева во Перу, Боливија и Парагвај. Реката Амазон се протега низ неколку од овие јужноамерикански земји, но мнозинството – повеќе од две третини – од дождовните шуми се во Бразил.
#ARMYHelpThePlanet save Amazon… The pictures are so frightening.. amazon is Earth's lungs..the thought that it's been 3 weeks is unbelievable… #armysavetheplanet pic.twitter.com/Gvi4jw03Ae
— BTS 4ever (@gouryvijayakum1) August 21, 2019
Според ИНПЕ, површина колку едно ипол фудбалско игралиште се уништува секоја минута во пожарите во шумите на Амазон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„ Тоа е мојот син, го познав по кошулата“: Ископани масовни гробници во Газа
Властите во Газа го завршија претресот на масовните гробници во болница во јужниот дел на Појасот и соопштија дека откопале 392 тела. Претставник на палестинската цивилна одбрана во Газа вчера изјави дека 165 тела биле идентификувани и закопани во комплексот на болницата Насер во Кан Јунис по повлекувањето на израелските сили.
„Идентитетот на преостанатите 227 тела допрва треба да се утврди. Пронајдовме три масовни гробници, првата пред мртовечницата, втората зад мртовечницата и третата северно од зградата за дијализа“, рече Мохамед Ал Мигаџер. Израелските одбранбени сили (ИДФ) негираат дека нивните војници ставале тела во масовни гробници и тврдат дека гробниците во комплексот биле ископани од Палестинци во Газа пред неколку месеци.
Цивилната одбрана на Газа признава дека околу 100 луѓе биле закопани во болничката област. Новинар на Си-Ен-Ен, кој во неделата ја посети областа, наведува дека во јануари, како дел од привремена мерка, мештаните ги закопале телата на убиените членови на семејството во болницата бидејќи немало безбеден пристап до гробиштата.
Кога се вратиле по израелското повлекување, откриле дека телата биле ексхумирани, веројатно за да може ИДФ да користи ДНК анализа за да утврди дали меѓу нив има заложници.
Ал Мигаџер наведува дека цивилната одбрана пронашла тела на деца во масовни гробници, што докажува дека се работи за геноцид. Палестинските власти веруваат дека најмалку 20 цивили биле живи закопани, но не соопштуваат детали. Ал Мигаџер тврди дека некои болнички пациенти биле и егзекутирани и дека на нивните тела биле пронајдени прострелни рани во главата.
Си-Ен-Ен пренесува изјава на татко кој го идентификувал распаднатото тело на неговиот 15-годишен син. Човекот погледнал во безживотното тело на детето и рекол: „Тоа е мојот син, јас го знам тоа по неговата кошула“. “О Боже, тој е мртов. Тој е мртов”, рече тој, бришејќи ги солзите.
„Циркулираат дезинформации во врска со масовната гробница во болницата Насер. Гробовите беа ископани во Газа пред неколку месеци. Тоа го потврдуваат видеата што тогашните жители на Газа ги објавуваа на социјалните мрежи“, напиша Надав Шошани.
„Секој обид да се обвини Израел за закопување цивили во масовни гробници е лага. Тоа е пример за кампања за дезинформации чија цел е делегитимирање на Израел“, додаде тој. ИДФ соопшти дека отстранила десетици тела од Газа за ДНК тестови во Израел, а потоа ги ставила посмртните останки во контејнери.
„Чувствуваме потреба да алармираме бидејќи се откриени повеќе тела“, рече Равина Шамдасани, портпаролка на Високиот комесаријат за човекови права на ОН. Таа ги опиша телата кои биле „закопани длабоко во земјата и покриени со ѓубре“, додавајќи дека „меѓу загинатите наводно има постари лица, жени и повредени“, вклучително и некои кои биле врзани и без облека.
Лекарите кои работат за Лекари без граници велат дека израелските сили ја нападнале болницата Насер кон крајот на јануари, пред да се повлечат еден месец подоцна, оставајќи ја установата неспособна да функционира.
Свет
Активисти изградија пропалестински камп во Берлин, полицијата денеска го урна
Полицијата во Берлин почна со отстранување на пропалестинскиот камп поставен пред германскиот парламент во петокот од активисти кои бараат од владата да го прекине извозот на оружје за Израел и да го запре, како што го нарекуваат криминализацијата на палестинското движење за солидарност.
Полициската акција дојде откако демонстрантите се судрија со полицијата во американските кампуси и по блокадата на универзитетот Sciences Po во Париз, дел од меѓународните протести против воената кампања на Израел во Газа и западната поддршка за Тел Авив.
„Идејата беше да се привлече вниманието на германското учество и активното олеснување на израелскиот геноцид во Газа“, рече организаторот на кампот Јара Насар.
Полицијата соопшти дека одлуката за забрана на кампот, кој доби дозвола на почетокот на протестот, е донесена поради повеќекратни прекршувања од страна на поединечни демонстранти, вклучително и употреба на неуставни симболи и забранети пароли.
„Заштитата на собирот не може да се гарантира во овој момент бидејќи јавниот ред и мир се значително загрозени“, рече портпаролката на полицијата Ања Диершкесаид, додавајќи дека шаторите морале да бидат отстранети поради локалните правила за одржување на тревникот.
„За германската влада тревата е поважна од животите на повеќе од 40.000 невини луѓе во Газа, кои беа убиени од израелската армија“, рече еден од демонстрантите.
Свет
Блинкен разговараше со Кси Џинпинг: Загрижен сум поради поддршката на Кина за Русија
Американскиот државен секретар Ентони Блинкен денеска во Пекинг се сретна со кинескиот претседател Кси Џинпинг и истакна дека има значителен напредок во односите меѓу двете земји и дека Вашингтон и Пекинг ќе продолжат јасно да комуницираат со своите разлики, со цел да се намалат ризикот од недоразбирање.
„Посветени сме на одржување и зајакнување на комуникацијата и повторно одговорно справување со нашите разлики за да избегнеме каква било погрешна комуникација, каква било погрешна перцепција, каква било погрешна проценка“, рече Блинкен.
Тој додаде дека во неговиот разговор со Кси, изразил загриженост за поддршката на Кина за Русија и инвазијата на Украина, како и други прашања, вклучувајќи ги Тајван и Јужното Кинеско Море, човековите права и производството и извозот на синтетички дроги и прекурсори, извести „АП“.
„Поттикнувањето на руската одбранбена индустриска база ја загрозува не само украинската, туку и европската безбедност. Како што веќе извесно време и кажувавме на Кина, обезбедувањето на трансатлантската безбедност е основен интерес на САД. Јасно кажав дека Кина не го решава овој проблем“, додаде секретарот.
Блинкен, исто така, рече дека ја повикува Кина да го искористи своето влијание „за да го обесхрабри Иран и неговите полномошници да го прошират конфликтот на Блискиот исток и да ја убеди Северна Кореја да престане со своето опасно однесување и да се вклучи во дијалог.
Тој, исто така, разговараше со Кси за поморските маневри на Кина во Јужното Кинеско Море и ја повтори железната поддршка на САД за Филипините, најстариот сојузник на Вашингтон во Азија.
Кси Џинпинг рече дека САД и Кина треба да бидат партнери и дека Пекинг со радост гледа на отвореноста, напредокот и истрајноста на САД и се надева дека и Вашингтон ќе може позитивно да гледа на развојот на Кина, пренесува Ксинхуа.
„Тоа е фундаментално прашање што мора да се разгледа, како првото копче на кошулата да биде добро закопчано, за вистински да се стабилизираат, подобрат и унапредат американско-кинеските односи“ рече Кси за време на разговорот со Блинкен.
Кинескиот претседател истакна дека САД и Кина треба да бидат партнери, а не ривали, да си помагаат меѓусебно да успеат, да не си нанесуваат штета, да бараат заеднички гледишта, наместо да се впуштаат во маѓепсан натпревар, наведува кинеската агенција.
За време на средбата во Пекинг, Кси потсети дека оваа година се одбележуваат 45 години од воспоставувањето дипломатски односи меѓу Кина и САД.
„Предложив меѓусебното почитување, мирниот соживот и вин-вин соработката да бидат три сеопфатни принципи. Тие се лекции научени од минатото и водич за иднината“, рече Кси.