Македонија
Невремето ја окупира Македонија: силна бура во Крива Паланка и Пехчево, во Охрид заседава кризниот штаб

Невремето од Охрид се шири во правец на централна Македонија и Скопје, а паралелно нов бран доаѓа од североисток покажуваат најновите снимки на УХМР. Нестабилност проследена со интензивен, пороен дожд, грмежи, силен ветер и појава на град сега има во Пехчево. Во Крива Паланка нестабилност проследена со интензивен пороен дожд, велат од Управата.
Во Охрид заседава општинскиот штаб за заштита и спасување, по што ќе следи теренски ангажман на локните комунслни претпријатија и институции и препријатија, што ќе бидат ангсжирани за помагање на граѓаните у за санирање ба состојбата по поројниот дожд во Охрид и во околината, Охридско-Стушкиот регион, велат од ЦУК.
ЦУК известува дека по завршување на кризниот штаб на Општина Охрид до Регионалниот ЦУК Охрид е пренесена информацијата дека службите (ЈП Нискоградба, Водовод и ТППЕ- Охрид ) се координираат за постапување по приоритетните пријави за штети. Пријавени се штети на станбен објект, подруми и земјоделски култури.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се излеа Маркова Река кај Батинци

Маркова Река се излеа денес по обилните врнежи од дожд.
Во селото Батинци, водата е надојдена, излевајќи се на неколку места околу речното корито.
Ангажирана е механизација за санирање на штетата, а градоначалник на Студеничани, Азем Садики, објави дека забележана е материјална штета во дворовите од куќите кои се наоѓаат во близина на реката.
Засега, според градоначалникот, нема потреба од евакуација.
Фото: ТВ21/скриншот
Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.