Македонија
Османи: Навивачите се посебен свет и не треба да се поврзуваат со односите помеѓу државите
Не може врз основа на навивачите да се носат заклучоци за односите што ги имаат одредени етнички групи, а сега во овој случај и државите. Вака министерот за надворешни работи, Бујар Османи ги коментира насилните сцени на натпреварот помеѓу фудбалските клубови – домашниот „Шкупи“ и софискиот „Левски“, завчера во Скопје.
„Тоа е посебен свет во кој навивачите си имаат однос еден кон друг, не треба да се ставаат во контекст на односите помеѓу државите. Ако правиме корелација ќе направиме штета“, рече Османи на брифингот со новинарите.
Според него, она што треба и се прави во таков случај е идентификување на сторителите и нивно изнесување пред лицето на правдата.
Министерот во насока на тоа, кажа дека тензии има и меѓу клубови од иста етничка група.
Прашан од бугарска новинарка како ги коментира изјавите на дел од политичарите во Софија дека настанот ја оддалечува Македонија од ЕУ, Османи изјави дека ваквите заклучоци се жални и навистина некоретни.
„Сите кои даваат такви изјави го прават тоа злонамерно. Политичките партии што се обидуваат да го поврзат настанот, односно навивачите со односот помеѓу државите собираат политички поени“, дециден е Османи.
Додаде дека го проследил ставот на бугарското Министерство за надворешни работи што го оцени како коректен и за него тоа е ставот на бугарската држава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Орбан со честитки за изборната победа на ВМРО-ДПМНЕ и на Сиљановска-Давкова
Унгарскиот премиер Виктор Орбан упати честитки за изборната победа на ВМРО-ДПМНЕ на парламентарните избори и победата на нивната кандидатка Гордана Сиљановска-Давкова во вториот круг од претседателските избори, додавајќи дека се радува на идната заедничка соработка.
„Им честитаме на ВМРО-ДПМНЕ, Христијан Мицкоски и Гордана Сиљановски-Давкова за заслужената и историска победа на денешните претседателски и парламентарни избори во Северна Македонија. Со нетрпение очекувам да работиме заедно за да дадеме нов поттик на процесот на пристапување на Северна Македонија до ЕУ!“, напиша Орбан на социјалната мрежа Х.
Македонија
Одбележување на 9 Мај, Денот на победата над фашизмот и Денот на Европа
По повод Денот на победата над фашизмот и Денот на Европа, денеска Владата на Република Северна Македонија свечено ќе ги одбележи овие два значајни празника.
Во 11:00 часот, владина делегација предводена од Ристо Пенов, министер за локална самоуправа и Викторија Аврамовска Мадиќ, заменик – министер за правда, ќе положат свежо цвеќе на Партизанските гробишта Бутел, Скопје.
Во 12:00 часот, владина делегација предводена од Талат Џафери, претседател на Владата на Република Северна Македонија, Ристо Пенов, министер за локална самоуправа и Викторија Аврамовска Мадиќ, заменик – министер за правда, ќе положат свежо цвеќе пред Споменикот „Ослободители на Скопје“ на платото пред Владата на Република Северна Македонија.
Македонија
ЦУК апелира на внимателност при појава на силни електрични празнења, засилен ветер и појава на град, најавени за попладне
Метеоролозите најавија дека денеска, особено попладне, ќе има локална појава на метеоролошка нестабилност, со локално пороен дожд, грмежи, силни електрични празнења, засилен ветер и појава на град.
ЦУК апелира на голема внимателност при појавата на локалните нагли метео промени и особена внимателност при грмежите и молњите, односно при силните електрични празнења, да не се престојува на отворен простор и под осамени дрвја.
Сите итни случаи, како што додаваат од центарот, се пријавуваат на единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации. Истовремено, ЦУК информира дека е потребно и е корисно да се следат препораките и информациите од медиумите за превенција, а и за реагирање при итни случаи.