Свет
Помпео под притисок да се појави на јавно сослушување за убиството на Сулејмани

Одборот за надворешни работи на Претставничкиот дом на Конгресот на САД испрати обврзувачки повик до државниот секретар Мајк Помпео за сослушување за наредбата на претседателот Доналд Трамп во Ирак да се убие високиот ирански генерал Сулејмани.
Јавното сослушување на Помпео е закажано на 29 јануари, откако тој не се појави на првиот повик да сведочи пред Одборот на 14 јануари.
„Оценувам дека вашето сведочење е исклучително важно и подготвен сум да ги искористам сите легални средства за да го обезбедам вашето присуство“, се наведува во писмото на претседавачот со Одборот, демократот Елиот Енгел испратено до Помпео.
Помпео е повикан да сведочи откако поголем број членови на Конгресот, вклучително и републиканците бараа повеќе информации за убиството на иранскиот генерал Касим Сулејмани во Багдад.Си-ен-ен неодамна објави дека Мајк Помпео, бил „движечката сила“ за претседателот Доналд Трамп да нареди убиство на Сулејмани.
Тргање на генералот Сулејмани од бојното поле била цел на Помпео долго време. Во текот на целата кариера, Помпео верувал дека Иран е коренот на проблемите на Блискиот Исток.
Мајк Помпео беше директор на ЦИА од јануари 2017 до април 2018 година, кога дојде на позицијата државен секретар на САД.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Авион се урна врз куќи: цела населба е евакуирана во Сан Диего

Мал приватен авион се урна во станбена област во Сан Диего, предизвикувајќи пожар во околу 15 куќи, по што службите за итни случаи веднаш започнаа со евакуација на целата населба.
„Имаме керозин насекаде. Нашата главна задача е да ги пребараме сите куќи и да ги евакуираме луѓето што е можно поскоро“, изјави заменик-началникот на противпожарната служба Ден Еди.
A small plane crashed into a #SanDiego neighborhood, setting about 15 homes on fire & leading to evacuations along several blocks. The Federal Aviation Administration confirmed that the aircraft involved was a Cessna 550 en route to Montgomery-Gibbs Executive Airport. pic.twitter.com/RZl906vJSQ
— Abhijit Pathak (@aajtakabhijit) May 22, 2025
Според него, неколку домови биле директно погодени од падот на авионот.
Во времето на несреќата, областа била под густа магла, што можело да го отежни летот.
Свет
Путин: Руските сили го решаваат прашањето за создавање на безбедносна тампон зона на границата со Украина

Руските вооружени сили во моментов го решаваат прашањето за создавање безбедносна тампон зона по должината на границата со Украина, изјави денес рускиот претседател Владимир Путин.
„Веќе реков дека е донесена одлука за создавање неопходна безбедносна тампон зона по должината на границата. Нашите вооружени сили моментално го решаваат овој проблем“, рече Путин за време на состанокот со членовите на руската влада.
Путин истакна дека руските сили „активно ги потиснуваат непријателските позиции на огнено оружје“, како и дека Украина избира цели кои „немаат воено значење, вклучувајќи цивилни објекти, куќи и луѓе“, пренесува РИА Новости.
Рускиот лидер истакна дека главната задача за обезбедување на безбедноста е деминирање на пограничните области каде што имало борби, додавајќи дека е потребна поголема помош за жителите на тие региони, пренесува Танјуг.
Свет
Иран: Ќе одговориме решително и разорно на секој израелски напад

Иран денес соопшти дека ќе одговори „решително и разорно“ на секој израелски напад, откако Си-Ен-Ен, повикувајќи се на американски разузнавачки извори, пред неколку дена објави дека Израел можеби подготвува напади врз иранските нуклеарни постројки.
„Тие сакаат да нè исплашат со војна, но погрешно пресметаа бидејќи не се свесни за воената и народната поддршка што Исламската Република може да ја добие во воени услови“, рече Алимохамед Наини, портпарол на Иранската револуционерна гарда (ИРГЦ).
Во исто време, во врска со извештаите дека Израел можеби подготвува напади врз Иран, иранскиот министер за надворешни работи, Абас Аракчи, изјави дека САД ќе сносат правна одговорност во случај на израелски напад врз иранските нуклеарни постројки.
Утре Техеран и Вашингтон ќе ја одржат петтата рунда преговори за нуклеарната програма на Иран во Рим. Постои големо несогласување меѓу двете страни околу збогатувањето на ураниум од страна на Иран. САД предупредуваат дека ако Иран продолжи да збогатува ураниум, на крајот би можел да развие нуклеарна бомба. Иран тврди дека развива нуклеарна програма исклучиво за цивилни цели.
Пропаѓањето на американско-иранските преговори или новиот нуклеарен договор што нема да ги ублажи загриженостите на Израел за развојот на нуклеарно оружје од страна на Иран би можел да го натера Израел да започне воздушни напади врз својот најголем непријател, велат дипломати.
Врховниот лидер на Иран, ајатолахот Али Хамнеи, завчера ги нарече барањата на САД, Иран да го прекине збогатувањето на ураниум, прекумерни и скандалозни, доведувајќи го во прашање успехот на преговорите. Минатата година, Иран и Израел се судрија директно во април и октомври, зголемувајќи го ризикот од регионален конфликт.