Свет
Семејство во Холандија живеело 9 години во подрум чекајќи го крајот на светот
Во подрумот на куќа во Руинерволд, Холандија, е пронајдено семејство што таму живеело изминативе девет години чекајќи го крајот на светот. 58-годишниот сопственик на фармата заврши во привремен притвор затоа што не сакал да соработува со истражителите, соопшти полицијата во градот Дрент на истокот на земјата.
Според холандските медиуми, тој заедно со своите шест деца, на возраст од 16 до 25 години, живеел во изолација во подрумот на фармата во Руинерволд, каде што го чекале крајот на светот.
Тие 9 години поминале во подрумот во куќа на фарма опкружена со дрва, а целата приказна била разоткриена кога најстариот син се појавил во локален паб и нарачал пиво. На локалните жители им кажал дека му е потребна помош, па била повикана полицијата. Момчето изгледало збунето, а рекол дека со семејството живее во изолација до крајот на светот.
„Испи пет пива, а потоа ми се довери дека побегнал и дека му треба помош. Имаше долга коса, валкана брада, носеше стара облека. Рече дека никогаш не одел во училиште и дека никогаш не се избричил“, изјавил сопственикот на пабот, Крис Вестербик.
Семејството девет години немало никаков контакт со надворешниот свет. Преживувале со помош на зеленчук што сами го одгледувале. Во текот на пребарувањето на куќата полицијата во орманот во дневната соба открила скали што воделе до подрумот по што е откриена долго чуваната тајна. Полицијата открила шест лица на фармата, кои сега се згрижени. Не е познато во каква здравствена состојба или во какви услови живееле. Не е познато каде е мајката на децата.
Жителите на градот се изненадени од случајот. Велат дека виделе само човек на имотот и не знаеле дека тој има семејство. Во Руинерволд живеат околу 3.000 луѓе, а куќата на семејството била прилично изолирана. Фармата е скриена зад дрвјата и оддалечена околу 200 метри од крајот на градот.бИмало голема градина со зеленчук и кози што паселе на имотот.
Истрагата би требало да ги утврди сите околности на овој необичен случај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Мексико нападната шефицата на полицијата на автопат, ѝ ја отсекле главата
Мексиканските власти вчера објавија дека една шефица полицајка и нејзините двајца помошници биле убиени при напад на автопат во државата Мичоакан. Агенцијата за државна безбедност на социјалните мрежи објави дека тројца полицајци биле убиени за време на должноста во неделата вечерта, пишува CBS News.
Меѓу нив беше и Кристал Гарсија Хуртадо, регионален полициски командант. Локалните медиуми јавија дека напаѓачите и ја отсекле главата.
„Го осудуваме кукавичкото убиство на нашите колеги од полицијата кои беа брутално нападнати додека ја извршуваа својата должност“, се вели во објавата на социјалните мрежи, во која се идентификувани другите две жртви како Ицел Мадеро Лареа и Давид де Хесус Еспиноза Валдез.
Нападот се случил на автопатот што ги поврзува градовите Пацкуаро и Уруапан. Државното обвинителство на Мичоакан, кое ја води истрагата, веднаш не го коментираше инцидентот. Мичоакан има голем проблем со конфликтите меѓу бандите. На почетокот на овој месец, тројца земјоделци беа разнесени со бомба.
Тоа се случи само неколку дена откако претседателот Андрес Мануел Лопез Обрадор призна дека импровизирана експлозивна направа убила најмалку четворица војници во, како што рече, стапицата што веројатно ја поставил картелот Мичоакан. Во февруари, двајца кандидати за градоначалник на градот Мараватио беа убиени за неколку часа еден од друг.
Свет
Лојд Остин: Нема да дозволиме Украина да пропадне
Американскиот министер за одбрана, Лојд Остин, на состанокот на контакт-групата за одбрана на Украина изјави дека Вашингтон нема да дозволи Украина да пропадне.
„САД нема да дозволат Украина да пропадне. Оваа коалиција нема да дозволи Украина да пропадне“, рече Остин на почетокот на состанокот на претставниците на 50-те земји, кои обезбедуваат воена помош за Украина, пренесува „Ројтерс“.
Средбата се одржува во американската воена база во Рајмштајн, Германија.
Свет
ЕУ воведе санкции за 30 руски функционери што се сметаат за одговорни за смртта на Алексеј Навални
Земјите од ЕУ ќе воведат санкции против 30 руски функционери поради смртта на водечкиот критичар на Кремљ, Алексеј Навални, изјави високиот претставник за надворешна политика и безбедност на Европската Унија, Жозеп Борел.
„Се договоривме за санкции за одговорните за убиството на Алексеј Навални“, изјави Жозеп Борел по состанокот на министрите за надворешни работи на ЕУ, пишува „Евроњуз“.
Навални, најистакнатиот руски опозициски лидер, почина во арктичкиот затвор во февруари, каде што беше задржан во тешки услови.
Официјални лица рекоа дека Европската Унија ќе ги следи Соединетите Држави и Велика Британија во наметнувањето забрани за патување и замрзнување на имотот на руските службеници одговорни за третманот на Навални.
Имињата на санкционираните од ЕУ ќе бидат објавени во наредните денови.
Договорот за санкционирање на одговорните за смртта на Навални доаѓа откако рускиот лидер Владимир Путин освои нов шестгодишен мандат на изборите што Западот ги означи како наместени.
Навални стана познат за време на масовните продемократски протести во Русија во 2011-2012 година. На критичарот на Кремљ му беше забрането да се кандидира на претседателските избори во 2018 година поради пресудата за измама што САД и ЕУ ја критикуваа како политички мотивирана.